"رغبة منتقم"32
"البارت الثانى والثلاثون"
أغلقت بتول عينيها بدموع و تسارعت دقات قلبها وقالت بنبرة مختنقه
بتول :- ريان
نظرت لها باستغراب وقالت بتساؤل
قمر :- ريان !!!! ماله؟
وضعت يدها على قلبها وقالت بدموع
بتول :- ريان قريب من هنا قلبى حاسس بي أنه فى نفس المكان وفتحت عينيها ونظرت حولها بلهفه وقالت
-صدقينى يا قمر ريان هنا فى المكان انا متأكدة قلبى حاسس بي ونهضت سريعا وبدأت بالبحث عنه ولكنها لم تجد أحد
تنهدت بحزن على ما وصلت اليه بتول من تعذيب وربتت على ظهرها وقالت بنبره مختنقه
قمر :- تلاقيها تهيؤات يا بتول ايه هيجيب ريان هنا بس واحنا اصلا منعرفش مكانه فين وعلى ما اعتقد ان وليد سأل عليه وقالوله اخد مراته وساب البلد وسافر انسي بقى يا بتول هو عاش حياته وانتى كمان عيشي حياتك مع الشخص اللى بيحبك ويتمنىي رضاكى سبع سنين كفيله أنها تنسيكى حب ريان
نظرت لها بدموع وقالت
بتول :- يعنى انتى قدرتى تنسي أيوب
تساقطت عبراتها سريعا وتنهدت بضيق وقالت بنبرة مختنقه
قمر :- فيه فرق كبير يا بتول ريان سابك بمزاجه ودلوقتى عايش حياته ولا فكر فيكي إنما أيوب فارق الدنيا وسابنى غصب عنه لما مروان غدر بيه وقتله انا متأكدة لو كان أيوب عايش لحد دلوقتى كان مستحيل سابني فى العذاب ده كله كان انقذني من جنان مروان وكان زماني عايشه فى سعاده معاه ثم صمتت للحظات وقالت بوجع
-انا أيوب واحشنى اوى يا بتول رغم إني بشوفه كل يوم فى احلامى بس نفسي ألمسه و اترمي فى حضنه واصرخ من كتر الوجع اللى فى قلبي بس صعب هو دلوقتى فى مكان احسن من هنا بكتير هفضل ادعي كل يوم ربنا يجمعنى بيه فى أقرب وقت
احتضنتها بحزن وقالت بوجع
بتول :- بعد الشر عليكى يا قمر متقوليش كده ربنا يخليكى لينا وميحرمناش من بعض انا اسفه إني فكرتك بيه بس قلبى واجعنى اوى لما حسيت بريان موجود فى المكان ومالقيتهوش
ابتعدت عنها وازالت عبراتها بأناملها وقالت
قمر :- انا منستش أيوب علشان تفكريني بيه أيوب مات من زمان عند الناس كلها بس هو عايش جوه قلبى يا بتول وعمره ما هيموت جوايا
وفى ذلك الوقت جاء وليد ونظر لهم باستغراب وقال بتساؤل
-فيه ايه يا بنات واقفين كده ليه ومالكم شكلكم كنتوا بتعيطوا
اجابته سريعا وقالت
قمر :- ها م م مافيش حاجه بس انا وبتول كنا مشتاقين لبعض جدا والكلام أخدنا لذكريات ودموعنا نزلت مننا من غير ما نحس
نظر إلى بتول بقلق وقال
وليد :- بتول انتى كويسه
أجابته بضيق وقالت
بتول :- انا كويسه بس عايزه اروح
رد عليها بضيق وقال بزعل طفولى
عدي :- لا انا مش عايز اروح لسه بدرى يا ماما خلينا شويه
أنت تقرأ
"رغبة منتقم "
Romanceالمقدمه عندما يروضها حلما فعليها الاستعداد لشئ ما سوف يحدث من المحتمل ان يصبح حقيقه فهذه رسائل من عالم خاص تأتى لتوخى الحذر ف عليها بالاستعداد لمستقبل مجهول سوف يهد جميع حصونها فالحب وحده لا يكفى ليصبح مستقبل يتحكم فيه رغبه ملحه لتصبح رغبة منتقم...
