يلا توقعواااا.....
#الفصل_21
#رواية_نصيبي_وقسمتي
#بقلم_إيمان_جمال
**************************
تاني يوم الصبح، عالية مكانتش لسة اتكلمت مع يوسف لانها لما نزلت امبارح من فوق كان قافل على نفسه وعاوز ينام، يوسف في اوضته صاحي بيلبس عشان ينزل
عالية دخلتله: كدا ياچو هتخطب من ورايا
يوسف بإستغراب: مين قالك الكلام الفارغ دا؟
عالية: سالم
يوسف: امتى وليه قال كدا؟
عالية بإستغراب: هو انت مش ناويت تخطب حلا؟
يوسف بعصبية: مين الاهبل اللي قال كدا
عالية: وربنا قولت سالم قالنا امبارح
يوسف: قال لمين؟
عالية: قال ليا انا والبنات
يوسف انصدم لما عرف ان شهد عرفت بالكلام الغلط دا وطلع بسرعة من اوضته ولسة طالع من باب الشقة اتقابل في سالم
يوسف بعصبية: كويس انك جيت
سالم بهدوء: قبل اي كلام اسمعني الاول
يوسف ذقه في صدره: اسمعك ايه وزفت ايه، ايه اللي انت هببته دا
سالم بغضب: انت هتفضل طول عمرك غبي وسلبي وواقف مكانك وسايب عمرك يضيع ادام عنيك
يوسف بغضب وصوت عالي: انت مالك يا اخي ماتخليك في حالك بعيد عني
مروان خرج على صوتهم ووقف في النص مابينهم: في ايه ياجدعان صلوا على النبي
يوسف بيحاول يتهجم على سالم: لآخر مرة ياسالم هقولهالك ملكش دعوة بحياتي وحافظ على صداقتنا
سالم بتريقة: احافظ على صداقتنا؟ هو انت اصلا كدا بتحافظ عليها؟
يوسف بعصبية: اقولك احنا نفضها سيرة احسن
سالم: حاسب على كلامك يايوسف انت متعصب
يوسف بغضب: انا عارف بقول ايه كويس يا سالم
سالم بيبص ليوسف أوي وكأنه بيقوله هتندم على كل دا: تمام ياصاحبي
سالم سابه ونزل ومروان واقف بيهديه
مروان: اهدى بقى كدا هتخسروا بعض
يوسف ساب مروان ودخل يكمل لبسه، عشان ينزل يروح للدكتورة ومش ناوي يروح الشركة النهاردة
شهد في الشقة جوا سمعت كل الكلام بس هي ماتعرفش أصلا ايه سبب الخناق دا كله لأن كلامهم مش مفسر حاجة وفضولها هيموتها وشوية وعالية جاتلها وحكت كل حاجة ادامها
شهد: يعني هو مش ناوي يتجوز؟
عالية: انا معرفش اي حاجة ولا فاهمة اي حاجة كل اللي فهمته ان يوسف اضايق ان سالم قال كدا من غير مايرجعله
شهد فرحت من جواها بس هل ليها الحق تفرح؟ ولا أصلا ليها الحق انها حتى تكره انه يشوف حياته؟
عالية: انتي هتروحي مشوارك امتى؟
شهد: دلوقتي هدخل البس وهنزل انا وسما
عالية: تمام أنا هروح اكلم شريف وانتوا اما ترجعوا تيجوا تكونوا جمبي
شهد: حاضر ياعالية
عالية قامت وسابت شهد قاعدة تفكر وتشوف ايه هيحصل
عاصم نزل شركته ومتردد انه يكلم شهد وهي حتى محاولتش تطمن عليه او تكلمه وشوية والسكرتيرة دخلت
السكرتيرة: مستر عاصم، استاذ مراد كلم حضرتك كتير ومش عارف يوصلك
عاصم: حوليلي المكالمة
السكرتيرة: حاضر
السكرتيرة حولتله المكالمة وكلم صاحبه
عاصم: ايوا يامراد
مراد: ايه يا ابني انت فين؟
عاصم: موجود
مراد: عاوزينك تقابلنا بعد ساعة في النادي
عاصم: خير؟
مراد ضحك: صاحبك اكرم وقع وقرر يخطب
عاصم: بجد؟
مراد: ايوا ويلا هنستناك سلام
مراد قفل مع عاصم وخلاص هيتقابلوا كمان ساعة، عاصم ضرب الجرس والسكرتيرة دخلتله تاني
السكرتيرة: تحت امرك يافندم
عاصم: عاوزك تبعتي بوكيه ورد لبيت المدام
السكرتيرة: حاضر يافندم تحب تكتب حاجة معينة عالكارت؟
عاصم: لا
السكرتيرة: حاضر
السكرتيرة لسه هتخرج بس عاصم وقفها: استني
السكرتيرة: ايوا يافندم
عاصم: اكتبي عالكارت وحشتيني
السكرتيرة ابتسمت: حاضر يافندم
