يلا كمان فصل اهو......
#الفصل_22
#رواية_نصيبي_وقسمتي
#بقلم_إيمان_جمال
https://youtu.be/87xBB66E6-E
*****************************
في المساء اهل شريف وصلوا لبيت يوسف والكل متجمع
سليمان: احنا جايين النهاردة عشان نطلب إيدين عالية لشريف
يوسف إبتسم: وانا موافق ياعمي عشان مش هلاقي حد أحسن من شريف يكون أمين على أختي
عفاف(ام شريف): يبقى نقرأ الفاتحة
الكل بيقرأ الفاتحة وام يوسف زغردت والكل فرحان وشريف لبس عالية خاتم دهب شكله جميل جداً
سليمان بص ليوسف: عقبالك يا يوسف بقى
يوسف بإبتسامة بسيطة: إن شآء الله عن قريب ياعمي
سامية(امه): بجد يايوسف؟
يوسف: أيوا يا أمي
اتفقوا ان شريف هياخد عالية ومامتها بكرة يختاروا الشبكة ويوسف عرفهم ان الحفلة هتكون بعد اسبوع على ماينقلوا للبيت الجديد
تاني يوم الصبح، يوسف عاوز يصالح سالم وطلعله شقتهم بس كان لسة نايم واستأذن ودخله اوضته بس قبل مايدخل اخد ازازة ماية ساقعة جداً ورشها عليه
سالم بعصبية: إيه الجنان دا
يوسف ضحك: اصحى
سالم بيبصله بغضب: عاوز ايه ياغبي عالصبح
يوسف: عاوز اصالحك ياصاحبي
سالم قام من السرير: وهو حد بيصالح حد كدا
يوسف: اه انا
سالم بغضب: عاوز ايه؟
يوسف: ماقولتلك اصالحك
سالم واقف مربع إيده: وبعدين؟
يوسف قعد عالسرير وبصله: انا قررت اتجوز حلا
سالم بتريقة: ياسلام؟ أمال عملتلي خناقة ليه لما قولت كدا
يوسف: عشان ساعتها ماكنتش مقرر دا لسة
سالم: وإيه اللي تغير
يوسف: مش عاوز اقول السبب
سالم قعد جمبه: بس انا صاحبك يايوسف
يوسف دمعة من عنيه نزلت: حلا عندها كانسر ياسالم
سالم بصدمة: إيه؟!
يوسف: ايوا، ودا السبب اللي هيخيليني اخد فكرة الجواز
سالم: انت كدا بتظلم نفسك وبتظلمها
يوسف: هي بتحبني وعارفة ان قلبي مش ملكي ودا مش بإيدي
سالم: بلاش يايوسف
يوسف: كان نفسي فعلاً ما اخدش الخطوة دي بس صدقني ياسالم انا بعمل كدا عشانها
سالم: هتفضل تضحي لحد امتى
يوسف بحزن: شكلي كدا عايش عشان اضحي وبس
سالم زعلان عشانه: طب نويت امتى؟
يوسف: بعد خطوبة عالية وشريف هروح اطلبها من عمها
سالم: ربنا يسعدك يايوسف
يوسف بصله بحزن: يارب فعلا اكون سعيد
شهد راحت معمل التحاليل لوحدها عشان تشوف النتيجة واطمنت ان الحمدلله هي تقدر تخلف وان العيب مش منها ودخلت للدكتورة عشان تشوف هتقولها ايه
الدكتوره: كدا احنا اطمنا انك الحمدلله سليمة
شهد: طب المفروض اعمل ايه بعد كدا؟
الدكتورة: المفروض ان جوزك يكشف هو كمان
شهد: بس هو رافض دا
الدكتورة: لازم يكشف عشان نعرف ايه السبب ونقدر نعالجه
شهد: حاضر يادكتور
شهد خرجت من عند الدكتورة وهي خارجة شافها الدكتور اللي متابع حالة عاصم ودخل للدكتورة
دكتور أمجد: هي مدام شهد كانت هنا بتعمل ايه معقول حامل؟
الدكتورة: لا هي بس جات تعمل شوية تحاليل عشان الحمل، بس انت ليه مستغرب؟
أمجد بتوتر: لا أبدا مافيش
الدكتورة: ازاي مافيش؟ انت المفروض دكتور عقم وانك بتعالج تأخر الإنجاب بالنسبة للرجال
أمجد: ايوا وفيها ايه؟
الدكتورة: عادي مفهاش حاجة بس طريقتك وانت بتسألني ان شهد حامل ولا لا تخليني اشك انك تعرف حاجة
أمجد بتوتر: أعرف ايه؟
الدكتورة: والله مش عارفة
أمجد: بصي بقى بصراحة جوزها بيتعالج عندي بقاله سنة
الدكتورة: طب وايه حالته؟
امجد: هو الأمل ضعيف بس هو ماشي عالدوا اللي كتبتهوله واهو فيه تحسن بس مش أوي
الدكتورة: طب كويس ان فيه تحسن حتى لو بسيط
أمجد: ايوا بس اللي فهمته من عاصم جوزها ان علاقتهم ببعض متوترة الفترة دي
الدكتورة: ازاي؟
أمجد: يعني تقريباً متخانقين
الدكتورة: طب هو مخبي عليها؟
امجد: ايوا عشان خايف انها تسيبه
الدكتورة: بس هي لازم تعرف يا امجد
امجد: لا وبعد اذنك بلاش تعرفيها اي حاجة اتقالت مابينا
الدكتورة: تمام يا أمجد
