Practice Roomထဲ၌ ယွန်းဂီမှာ Dancers
တွေနှင့် အကတိုက်နေပြီး ဆော့ဂျင်မှာ လက်ထဲ၌ ဘူးတစ်ဘူးကိုင်ကာ အခန်းထဲသို့ ဝင်
လာလေသည် ။
သူ့၏ချောမောသည့်မျက်နှာမှာ အလိုမကျမှုတွေဖြင့် ပြည့်နှက်လို့နေသည် ။
ယွန်းဂီမှာ ဆော့ဂျင်လက်ထဲကဘူးကို မှန်ကနေတဆင့် တွေ့လိုက်ရသည် ။ အကတိုက်ပြီးနောက် ယွန်းဂီက ရေဘူးတစ်ဘူးကိုယူလိုက်ပြီး ကြမ်းပြင်ထက်၌ ပစ်လှဲထိုင်ချလိုက်သည် ။
ထို့နောက် သူ ရေသောက်နေစဥ်မှာပင် ဆော့ဂျင်က ခုနကဘူးလေးကို သူ့ဆီ ပေးလာသည် ။
" ဘာကြီးလဲ Hyung "
သူမေးလိုက်သည့်မေးခွန်းကို ဆော့ဂျင်က မဖြေချင် ၊ ဖြေချင် ဖြေလာသည် ။
" ဂျွန်ဂျောင်းဂု ပို့လိုက်တာ "
ဂျောင်းဂုဆိုသည့်နာမည်ကြောင့် ယွန်းဂီက ဘူးလေးကို လှမ်းယူလိုက်ပြီး ဖွင့်ကြည့်လိုက်သည် ။
အထဲ၌ တွေ့ရသည့်က အင်္ကျီတစ်စုံနှင့် ဘောင်းဘီတစ်စုံ ဖြစ်သည် ။ အသားတံဆိပ်မှာ JKဟူ၍ ဖြစ်ပြီး ဂျောင်းဂုက သူ့Brandကို ပေးပို့လာခြင်းဖြစ်သည် ။
" သူပို့လိုက်မှန်း Hyungဘယ်လိုသိတာလဲ "
" Deliveryက ပြောတာ "
" အာ...ဒါဆို စောနက Receptionက ဖုန်းဆက်တာ Deliveryသမားရောက်လာလို့ပေါ့ "
" ဟုတ်တယ် "
ယွန်းဂီမှာ ဘာကြောင့် ဂျောင်းဂုက အဝတ်အစားတစ်စုံ ပေးပို့မှန်း မတွေးတတ်အောင် ဖြစ်နေသည် ။ သူ့မွေးနေ့ကလည်း ပြီးသွားပြီ ဖြစ်သည် ။ ထို့ကြောင့် သူက ဖုန်းဆက်လှမ်းမေးဖို့ ဆုံးဖြတ်လိုက်ချိန်မှာပင်
ဂျောင်းဂုဆီက စာဝင်လာသည် ။
| Hyung...M_B သွားရင် ဝတ်ဖို့ အင်္ကျီ
ပို့ပေးလိုက်တယ်နော် ။ Hyungလိပ်စာကို မသိလို့ ကုမ္ပဏီကိုပဲ ပို့ပေးလိုက်တယ် |
အခုမှပဲ အကြောင်းအရင်းကို ယွန်းဂီမှာ သိသွားရတော့သည် ။
| အားနာစရာကြီး ။ ကျေးဇူးပဲနော် |
ဒီနေ့ M_B သွားတော့ ယွန်းဂီမှာ ဂျောင်းဂု ပို့လိုက်သည့် အင်္ကျီတစ်စုံကို ဝတ်ဆင်ထားသည် ။ ရိုးရှင်းသည့် အဖြူရောင်ရှပ်အင်္ကျီလက်ရှည်လေးနှင့် အမဲရောင်ဂျင်းဘောင်းဘီလေးဆိုပေမယ့် အသားတံဆိပ်ကြောင့် အပေါစားလို့တော့ မှတ်ယူလို့မရပေ ။ ယွန်းဂီရဲ့အင်္ကျီကို ဆော့ဂျင်မြင်တော့ စိတ်လေသည့်ပုံစံဖြင့် မျက်ဆံကို လှန်ကြည့်လာသည် ။
ESTÁS LEYENDO
Please Love Me
Fanfictionမပြီးပြည့်စုံတဲ့ကိုယ့်ကို ချစ်ပေးနိုင်မလား ။ အရာအားလုံးက မင်းနဲ့စတင်လာခဲ့တာကြောင့် မင်းနဲ့ပဲ အဆုံးသတ်ချင်မိတယ် ။ မၿပီးျပၫ့္စံုတဲ့ကိုယ့္ကို ခ်စ္ေပးႏိုင္မလား ။ အရာအားလံုးက မင္းနဲ႔စတင္လာခဲ့တာေၾကာင့္ မင္းနဲ႔ပဲ အဆံုးသတ္ခ်င္မိတယ္ ။
