နံနက်ခင်း၌ ဆော့ဂျင်မှာ အိမ်တံခါးကို ဖွင့်လိုက်ပြီးနောက် လွတ်လပ်ပေါ့ပါးစွာဖြင့် စ
ကားဆိုလိုက်ရင်း အိမ်ထဲသို့ ဝင်လာသည် ။
" ယွန်းဂီရေ...ငါရောက်ပြီ "
ပြန်ထူးသံမကြားရသည့်အပြင် ဧည့်ခန်းနှင့်မီးဖိုချောင်မှာလည်း ရှင်းလင်းနေတာကြောင့် သူ့မှာ စိတ်ညစ်သွားရပြီး အိပ်ခန်းတံခါးကို အားပါပါဖြင့် ခေါက်လိုက်သည် ။ နှစ်ခါ ၊ သုံးခါလောက်အထိ တံခါးခေါက်ပြီးသည့်တိုင် ပြန်ဖြေလာသံမကြားရတာကြောင့် သူ
က ဖုန်းကိုထုတ်လိုက်ပြီး လှမ်းဆက်လိုက်သည် ။
အိပ်ခန်းအတွင်းရှိ ဖုန်းမြည်သံကို ဆော့ဂျင်မှာ အပြင်ဖက်၌ အတိုင်းသား ကြားနေရသည် ။ သို့ပေမယ့် ဖုန်းမှာပြန်ဖြေလာချင်းမရှိပေ ။ ငါးခါလောက်အထိ သူ လှမ်းဆက်ပေမယ့် ယခုထက်ထိ မကိုင်လာတာကြောင့် ဆော့ဂျင်မှာ စိတ်ဆိုးလာရသည် ။ ထို့ကြောင့် သူက တံခါးကို တဒုန်းဒုန်း ထုလိုက်ရင်းဖြင့် အိပ်ခန်းထဲ၌အိပ်ပျော်နေသည့်ယွန်းဂီ ကြားစေရန် အော်ပြောလိုက်သည် ။
" ယွန်းဂီရေ...ထတော့ ။ သွားရမယ့်အချိန် ရောက်နေပြီ ။ မင်းအခုထက်ထိ မထသေးဘူးလား ။ ညက ဘယ်အချိန်မှ အိပ်တာလဲ ။ ထတော့..."
သူ့ရဲ့အဆက်မပြတ် တံခါးခေါက်သံနှင့် အော်ဟစ်ပြောဆိုသံမှာ ရပ်တန့်သွားပြီးနောက် တိတ်ဆိတ်မှုက တဖန် နေရာပြန်ယူလာသည် ။ တအောင့်ကြာသည့်အထိ အခန်းထဲမှ ချိုးချိုးချွတ်ချွတ်အသံတောင် မကြားရတာကြောင့် ဆော့ဂျင်မှာ ခေါင်းကုတ်လိုက်ရင်း သက်ပြင်းကိုချလိုက်သည် ။
" အေး မင်းမနိုးသေးရင်လည်း ငါကိုယ်တိုင် လာနှိုးမယ် "
ထို့နောက် သူက တံခါးလက်ကိုင်ဘုကို လှည့်လိုက်ပြီး အခန်းထဲသို့ ဝင်ရောက်လာလိုက်သည် ။ အိပ်ရာထက်၌ ယွန်းဂီမှာ နှစ်ချိုက်စွာ အိပ်ပျော်လျက်ရှိနေသည် ။ ဆော့ဂျင်က ခုတင်ဘေးသို့သွားလိုက်ပြီး ယွန်းဂီရဲ့ကိုယ်လုံးကို လှုပ်ယမ်းကာ နှိုးလိုက်သည် ။
" ယွန်းဂီ ထတော့ "
သို့ပေမယ့် ယွန်းဂီက အလွန်အမင်းကို အိပ်
ပျော်နေလေသည် ။ သူက ဘယ်လောက်ပင် ယွန်းဂီရဲ့ကိုယ်လုံးကို လှုပ်ယမ်းပြီး လည်
ချောင်းနာမတတ် အော်နှိုးပါစေ အိပ်ရာထက်ရှိလူမှာ တစ်ချက်လေးမျှပင် နိုးလာခြင်းမရှိဘဲ ဆက်လက်ကာ အိပ်ပျော်နေဆဲဖြစ်သည် ။ ယွန်းဂီရဲ့ခန္ဓာကိုယ်ဟာ သူ့ရဲ့အားပြင်းလှသည့်လှုပ်ယမ်းမှုကြောင့် ဘယ် ၊ ညာ ယိမ်း
ထိုးနေသည့်တိုင် မျက်လုံးတွေမှာ မှိတ်ထားဆဲ ဖြစ်လေသည် ။ ထိုအချင်းအရာကို သ
တိထားမိလိုက်တာကြောင့် ဆော့ဂျင်မှာ သံ
သယဝင်လာရပြီး တပြိုင်နက်ထဲမှာပင် စိုး
ရိမ်သွားရလေသည် ။ သူက ယွန်းဂီကို ထပ်ခါတလဲလဲ အော်ခေါ်လိုက်သည် ။
YOU ARE READING
Please Love Me
Fanfictionမပြီးပြည့်စုံတဲ့ကိုယ့်ကို ချစ်ပေးနိုင်မလား ။ အရာအားလုံးက မင်းနဲ့စတင်လာခဲ့တာကြောင့် မင်းနဲ့ပဲ အဆုံးသတ်ချင်မိတယ် ။ မၿပီးျပၫ့္စံုတဲ့ကိုယ့္ကို ခ်စ္ေပးႏိုင္မလား ။ အရာအားလံုးက မင္းနဲ႔စတင္လာခဲ့တာေၾကာင့္ မင္းနဲ႔ပဲ အဆံုးသတ္ခ်င္မိတယ္ ။
