No B [Myanmar Translation]

Chapter 33

[Unicode]

"အစ်ကို ကျွန်တော်ငုံဆေးပြားဝယ်လာခဲ့တယ်"
အဆောင်ပြန်ရောက်လာတဲ့ချန်းမိုက အရောင်စုံဆေးထုပ်ကို စားပွဲပေါ်တင်ပေးလိုက်တယ်။
"အပူချိန်တိုင်းပြီးသွားပြီလား? ဒီနေ့အခြေအနေဘယ်လိုနေလဲ?"

ချန်းရွှမ်ကခေါင်းငုံ့ကာထိုင်နေပြီး ဘာလုပ်နေမှန်းမသိနိုင်ပေမဲ့...အဖြေတော့ပြန်မလာဘူး။
ချန်းမိုအနားလျှောက်သွားလိုက်တော့ သူ့အစ်ကိုက သူ့ရဲ့အင်္ဂလိပ်ဖတ်စာအုပ်ကို ဖတ်နေတာတွေ့လိုက်ရတယ်။
ဒီစာအုပ်က လိင်အမျိုးအစားသုံးမျိုးABOရဲ့
Pheromoneလေ့လာစမ်းသပ်ချက်တွေကို ရေးထားတာ။
Pheromoneဆွဲဆောင်မှုက လူသိများပေမဲ့ မလေ့လာရသေးတဲ့အပိုင်းတွေများနေတုန်းပဲ။
စာအုပ်ကတော်တော်ထူတယ်...လေ့လာတွေ့ရှိမှုအသစ်တွေကိုပါထပ်ဖြည့်ထားလို့လေ!
ဘာသာပြန်လည်းမထုတ်ရသေးဘူး။
ချန်းမိုတောင် ဒီစာအုပ်ဖတ်တိုင်းအတော်ကြိုးစားယူရတယ်။

သို့သော်လည်း ချန်းရွှမ်ကဒါကိုဘာသာပြန်နေတာ။
မှတ်စုစာအုပ်တွေ စက္ကူစာရွက်စတွေ အဘိဓာန်စာအုပ်ရယ် ကွန်ပျူတာရယ်ကိုအရှေ့မှာချပြီး...တစ်ဝက်တောင်ပြီးတော့မယ်!

"အစ်ကို...ကျွန်တော့်အတွက်ဘာသာပြန်ပေးနေတာလား?"
ချန်းမိုအသံက စိတ်လှုပ်ရှားစွာမြင့်တက်သွားပြီး ချန်းရွှမ်ကအူကြောင်ကြောင်လေးဖြင့် မော့ကြည့်လာတယ်။
သူ့ညီလေးကိုမြင်တော့ ပြုံးပြကာ...စာရွက်ပေါ်မှာ ချရေးပြတယ်: ငါလေ့ကျင့်ခန်းလုပ်နေတာပါ

"ဒါပေမဲ့ အဲ့မှာသိပ္ပံဆိုင်ရာဝေါဟာရတွေအများကြီးဟာ! ကျွန်တော်တောင်အခက်အခဲကြုံရတယ်!"

ချန်းရွှမ်ကနည်းနည်းစိတ်မရှည်ဖြစ်သွားပြီး စာရွက်ပေါ်ချရေးပြလာပြန်တယ်:
ငါ့အင်္ဂလိပ်စာက မင်းထက်ပိုကောင်းတယ်...မင်းထက်မြန်မြန်ရှာနိုင်တယ်! စကားလာမများနဲ့တော့

"Oh..."
ချန်းမိုက ပါးစပ်ပိတ်သွားကာ...ချန်းရွှမ်နားကပ်ထိုင်လိုက်ပြီး စိတ်ဝင်တစားကြည့်လာလေရဲ့။
ခဏအကြာမှာတော့ စိတ်မရှည်နိုင်တော့ဘဲ...ချန်းရွှမ်နှဖူးကိုစမ်းလိုက်တယ်။
အပူချိန်ကအနေတော်ပဲ!
အဲ့တော့ ချန်းရွှမ်ကိုစကားစလာပြန်တယ်။