Unicode
-22- ( ပြင်ဆင်ပြီး )
( အတိတ်ဘဝ )
"အရှင်…"
ပေလွှာတွေကို ဖတ်နေတုန်း ကိုယ်ရံတော်ကျိရန်ရဲ့ အခေါ်ကြောင့် ခေါင်းငဲ့ကြည့်လိုက်သည်။
"ပြောပါ ကျိရန်"
"မိဖုရားရှင်းယန် အခန်းထဲမှာ အဆိပ်မိပြီး သေဆုံးနေကြောင်းပါ"
"ဘာ!"
အပြစ်မရှိပါပဲလျက် နန်းသွေးလေးကို လွယ်ထားရတဲ့ မိဖုရားရှင်းယန်က အသက်ပေးလိုက်ရပြီ။ဘယ်သူ့ လက်ချက်ဆိုတာ ရိပ်မိလောက်ပေမဲ့ ဘာမှမလုပ်ချင်တာကြောင့် သက်ပြင်းတစ်ချက်ချကာ အရှင်က ဒီအတိုင်းပင် ထားခဲ့လေသည်။
ကိုယ်ရံတော် ကျိရန်ထွက်သွားတော့မှ ဝမ်ရိပေါ်က အပြစ်မဲ့သော ရှင်းယန်အား သူကိုယ်တိုင် လုပ်ခဲ့သည်ကို နည်းနည်းတော့ နောင်တရမိပေမဲ့ သူဟာ အချစ်ရူးတစ်ယောက်လို ဖြစ်နေတာကြောင့် အမှန်တရားတွေကို မျက်ကန်းခဲ့ပါသည်။
ဧကရာဇ် ဝမ်ရိပေါ်က မိဖုရားရှင်းယန်အဆောင်သို့ သွားနေပေမဲ့ အိပ်ခန်းတော့ မဝင်ခဲ့ဖူးပါ။တစ်ခါက ချစ်ရသူက အခြားသူနဲ့ ကူးလူးပျော်မွေ့ နေတုန်းကို မျက်မြင်သက်သေတွေ့ ခဲ့ပြီးနောက်ပိုင်း မိဖုရားရှင်းယန်ဆီသို့ သွားကာ ရင်ထဲပြည့်နှက်နေတာတွေ ဖွင့်ဟမိသည်။
"ရှင်းယန်!"
"ပြောပါ အရှင်"
"ကိုယ်တော့်ကို တစ်ကယ်ပဲ ချစ်ခင်တာလား"
"နည်းနည်းတော့ ရှက်ပေမဲ့ ရှင်းယန်ရင်ထဲမှာ အရှင့်ကို ချစ်တဲ့စိတ်က ပြောမပြတတ်ပါပဲ။အရှင် အခုလိုဖြစ်နေတာ ဘာအကြောင်းကြောင့်ဖြစ်တာလည်းဆိုတာ မသိပေမဲ့ ရှင်းယန်နှလုံးသားတွေ ကြေမွမတတ်ခံစားနေရပါတယ်။"
"ဒါဆို ကိုယ်တော်တို့ နန်းသွေးယူရအောင်"
"အရှင် ဒါက မိဖုရားခေါင်ကြီးတာဝန်ပါ။ရှင်းယန် မခံယူဝံ့ပါ"
"ကိုယ်တော့်သဘောကို ဆန့်ကျင်တာလား!"
"အဲ့လို မဟုတ်ရပါဘူး အရှင်"
"ကောင်းပြီ"
ထိုနေ့ညက အရှင်ဝမ်ရိပေါ်ဟာ သေရည်အလွန်အကျူးသောက်ထားပြီး အသိစိတ်မဲ့သူနှယ် တော်တော်ကြာသည်အထိ မိဖုရားလီရှင်းယန်ကို လက်ဖျားနဲ့တောင် မထိတွေ့ လာသောကြောင့် အရှင့်ကို မြတ်နိုးနေမိသော ရှင်းယန်က နားလည်စွာ အိပ်ဆောင်တော်မှ ထွက်ပြီး ဧကရာဇ်ကို တစ်ပါးတည်း ထားခဲ့လေသည်။
YOU ARE READING
After Agonising ,Will You Love Again? [ Completed ]
Historical Fictionသူ ့ေႀကာင့္ နာက်င္စြာ ခံစားျပီးရင္ မင္း သူ ့ကို ေနာက္တစ္ႀကိမ္ ထပ္ခ်စ္ဦးမလား ? သူ့ ကြောင့် နာကျင်စွာ ခံစားပြီးရင် မင်း သူ့ ကို နောက်တစ်ကြိမ် ထပ်ချစ်ဦးမလား ? BJYX HISTORICAL FANFICTION