_ ع الهـــــامــــــش 🌿 .

- أُمة تقرأ كي تحيا .❀

السلام عليكم ..

طبعاً هالبارت من اجمل البارتات بكتابي بالنسبة الي لأن راح احجي بي عن اكثر شيء احبه وهو الكتب والقراءة والروايات ..

من كنت صغيرة كنت دائماً اشوف الوالد يقرأ كتب دينية جنت اشوف الكتب فد شيء كلش ممل وجان ع بالي انو اني لازم احفظ هذا الي اقراه لكن هسة اني صرت من عشاق الكتب ...

- الكتب ومحتوى الكتاب ممكن يغير هواي من تفكيرك وعقليتك سواء من الناحية الايجابية او السلبية لكن اغلب الاحيان الايجابية تطغى ع هالجانب ..

☯︎ . زين هية شنو فائدة القراءة عود شنو هاي ؟؟

بكل بساطة القراءة تتيحلك هواي فرص انو تطلع ع افكار جديدة و قديمة انو تسافر من الحاضر الى الماضي حتربط هواي احداث صارت بالماضي وحتشوف انو التاريخ دايعيد نفسه كل يومية ...

• اذا انت داتدرس تخصص معين ممكن تقرأ كتب حول تخصصك وتزيد معرفتك بيه اكثر.

• اذا انتِ اُم ممكن تقرين كتب حول كيفية التعامل ويه الاطفال و اكو هواي كتب عن هيج شيء متدريين ممكن هالكتاب يخليج تربين عالم بالمستقبل 😌😌.

• اذا انت متزوجة او مخطوبة ممكن تقريين كتب حول العلاقات بين المرأة والرجل وانصحج بكتاب
" الرجال من المريخ والنساء من الزهرة "
- ومو بس المرأة حتى الرجل المفروض يقرأ عن هيج شغلات عسى ولعل تقل نسبة الطلاق والتهور الي عند البعض

• اذا انت جانت علاقتك ويه نفسك مو تمام وممتقبلهة ولا متصالح وياهة تگدر تقرأ بمجال تطوير الذات

- هاي مجرد اقتراحات مو مهم شنو نوعها لكن المهم انو انت تقرأ و مستفيد من الي تقرااا ..

- وليجيني واحد يكلي اني ما احتاج اقرأ اني عالم من الله 😡😡 (  تراااا انننتتتتحححححررررر ) باوع عزيزي شكد ما وصل الانسان للقمر واخترع شغلات و سوا هواي شغلات راح يبقى انسان ضعيف ونهايته الموت فأحنا بحاجة نقرأ علمود نحيي شعب ، ومجتمع ، واُمة ، ونطور من انفسنا ، ونبني مستقبل لأبنائنا .

وحرفياً احنا بهالزمن وبهالعصر كلش محتاجيين ان نقرأ لان صار من السهل جداً ينضحك علينه بسهولة من قبل مشاهير ، سياسيين ، تُجار الدين ....... والخ .

- وبالنهاية احنا العراقيين نريد نحرر وطن لكن بأي شيء ممكن نحرره هل بجهل بعض من أبناء الشعب أم ع اي اساس نحرر بلد واحنا ممحررين انفسنا    ؟؟؟

حجيت هواي ادري والله راح انطيكم مجموعة كتب تكدروون تختارون وتبدون تقرأوون ومو شرط منهم تكدرون تبحثون عن المجال الي يناسبكم والشيء الي تحبوه

- الناس المبتدئيين وهستوهم دايقروون نصيحة مني لتقروون كتب طويلة من البداية و سووا عادة القراءة يومية واقرأ بالموضوع الي تحبه اهم شيء.