_ ع الهـــــامــــــش 🌿 .

¹- العلاج بالكتابة •

- السلام عليكم
ازيكم؟؟
وحشتوني اوووي 🌿💐 ..
____________

- كما رأت عيني انو الكل وافق انو اكتبلكم اشياء عملية استفاديت منهة والي راح تكون سلسلة بكتابي الگميل اوي هذا ... تحت مسمى " فترة من حياتي" .

1- تجربتي ويه الكتابة ..

بفترة من حياتي جنت منعزلة انعزال تام عن العالم الخارجي .. اشعر براحة نفسية لكوني شوية شوية بديت ابني جانب من شخصيتي وانطي النفسي الأهتمام .. تعرفت ع الكتابة من يوتيوبر سعودية كلش احبهة شرحت عن هالموضوع وقررت اجربه وفعلاً استمرت تجربتي شهريين بحيث الدفتر انمله بالكتابات عبرت بهذا الدفتر عن هواي شغلات أذتني استذكرهة وافرغهة ع الورق مع بعض الدموع ..

- هل جنتي تكتبين بشكل يومي ؟؟
لا مو بشكل يومي،  فقط اكتب عندما اشعر بحاجتي للكتابة وحاجتي لنفسي اشكيلهة واستعيدهة بنفس الوقت . اتخذت من الكتابة صديقة ابث الهة ما في جوفي دون أن تنظر الي بنظرة الشفقة .

-ليش تستخدمين هالشخابيط ماكو واحد تشكيله ؟؟
. اني من النوع ميظهر مشاعره لشخص مهما كان قريب فأني اعتبر هالمشاعر جزء مني ومن الصعب اروح الشخص واحجيله وما احب هالشيء فعلاً فالكتابة فادتني هواي :
¹- ارتب افكاري
²- اتخلص من ذكريات سيئة
³- ممكن اكتشف مهاراتي الكتابية ..

_____________________________

عام 1986 توصل عالم نفس اسمه جيمس بيكر

.. الى علاج نفسي مبتكر حيث هو طلب من مجموعة من الطلاب الكتابة لمدة 15 دقيقة ليكتشف أن بعد 6 اشهر انهم يتمتعون بصحة افضل ..

.𝚠𝚛𝚒𝚝𝚒𝚗𝚐   𝚝𝚑𝚎𝚛𝚊𝚙𝚢  ☯︎

يقصد بها استعمال فعل الكتابة لتفريغ الذهن، والتخلص من الطناگير ،والتعبير عما في نفسك دون تقيد و متحتاج تكون كاتب علمود تكتب كل ما  تحتاجة هو ورقة وقلم ودافع للكتابة و غرضنا من الكتابة هو التفريغ.

2-  اكتب عن شنو 🤨🤨 ؟؟

- اكتب عن موقف او شيء زاعجك او أذاك حرفياً طلع القضى والمضى وكل المشاعر الي تحملهة لهالموقف والأشخاص من دون ما توگف نفسك حتلو جانت هالمشاعر مو منطقية فأكتب الي يعجبك ف غرضنا التفريغ يعني (تشافي نفسك من هالموقف) مو غرضنا واحد يقراا حتلو كان خطك مو تمام عادي هو انت اول وتالي مراح تقرا لأن كلهة مشاعر سلبية فأنت فقط اكتب + عادي مرات توصل بيكم المواصيل الى ان تبچون كلش عادي وطبيعي ...

- اكتب ل 15 دقيقة
-لتقرة الي تكتبه مرة ثانية لأن محتستفاد من كتابتك وهسة اصلاً مراح تحتاجهة لأن مشاعر سلبية وتفرغت
- لتهتم للترتيب ولا لأي شيء المهم تكتب
مع مرور الأيام حتتعود وتحس نفسك بحاجة لهالشيء وحرفياً شگد تحس براحة نفسية بعد متكمل .🌿 ،

بعد متكتبون عن هالموقف نحلله بعدة اسئلة نوجهة لنفسنه ومنها سؤال هل مشاعري الكتبتهة حقيقية؟ ؟
وابدوا جابوا ع اسئلتكم ..

فالهدف انو نفرغ المشاعر السلبية .. ونفكر شنو الحل ونسأل اسئلة وابحثوا عن اجوبة ..

* بالأخير اني كتبت هالشيء علمود احجيلكم عن هالشيء مو بصفتي انسانة مثالية لا وأنما بصفتي نورة انسانة عادية في يوم من الأيام كانت تعاني الى حد الأكتئاب وساعدت نفسها بنفسها تخرج من قوقعتها ..🤓🤓

+ الي يحب يبحث عن الموضوع اكثر اكو هواي مصادر موجودة تحجي عن هالشيء ابحثوا عن العلاج بالكتابة و حتطلعلكم و اطلعوا اكثر عن هالموضوع اما اني ف لازلت استخدم هالشيء للتعبير عن مشاعري وطناگيري واصفي ذهني ... 🌿 ،

- سلام ᴥ︎︎︎🙋🏻‍♀️.

________________________________

الافضل ان تحافظ على نفسك نظيفاً ولامعاً ، انك انت النافذة التي ترى بها العالم بأسره .