_ ع الهـــــامــــــش 🌿 .

أيام من حياتي (كتب + رسومات) ..

اساساً اني مامقرره انشر بس حبيت اذكركم بيه ..

شلونكم اخباركم ?

- طبعاً ما اعرف منين ابدي بس كل اليجي ببالي راح اگوله عشوائياً ..

- ححجيلكم شدايصير وياي هالفترة

تقريباً بعد شهر 8 الي خلصته لعب وكذلك شهر 9 مجنت كلش منجزة بي هيج شوية شوية يوم كسولة يوم شوية نشيطة بس فعلياً اني متفاجأة شنو صارلي هالفترة اني كلش فخورة بنفسي اخواان ..

المهم

دااكتب واني فرحانة

المهم تقريباً خلال شهر 9 و 10
حظرت محاظرات و دورات استفاديت منهن وتعلمت شغلات جديدة منها
دورة النمو ( تحجي عن نمو الأنسان)
وهاي شهادتي . . .

وكذلك محاظرات ودورات مختلفة منها دورة الاتيكيت الي تعلمنا بيها عن لغة الجسد والثقة بالنفس و اتكيت الكلام واللبس والطعام والخ ..

وكذلك هالفترة گدرت اكتسب عادات جيدة و شوية شوية دا اقلل من هواي عادات سيئة كلش مو حلوة ..

مثلاً دا اكتسب عادة التدوين اليومي كل يوم اكتب شنو سويت بي تقريباً بديت من 26 / 10 ولليوم ..
كذلك عادة الرياضة كم مرة بالأسبوع وكم دقيقة يعني من 20- 30 دقيقة+ ما اضغط ع نفسي عمود ما
انفجر ..
وبما أني اني ما اداوم هالفترة بس انتوا تداومون 😏🙂 .. ف استغليتهة ابشع استغلال

كملت 3 كتب ... مثل كتاب

الله والألحاد
الأمير الصغير
ليطئمن قلبي (هالكتاب نگع بگلبي وبي خوش بوري معدل بالأخير 😒)

و هواي شغلات اني فخورة بيها صراحة ومتوقعت ح اسوي هيج لكن ادعوا من الله أن استمر هيج او ع الأقل ما افقد شغفي بالحياة ...

+ حشارككم بعض رسماتي ب فن جديد يُسمى ب فن الماندالا هو فن هندي حيث كان البوذيين والهندوس يستخدموا ويرسموا كتعبير عن الكون وهو كلش حلوو

المهم ح اراويكم رسمي هسة وبعدها اراويكم رسومات حول هالفن ...