_ ع الهـــــامــــــش 🌿 .

- سلسلة جديدة 🌿.

خلقت حُرًا كموج البحرِ مُندفعًا
‏فما القيودُ وما الأصفادُ واللجمُ ؟
________________________

° السلام عليكم

طبعاً هالبارت جد مختلف مراح اشرح ولا احجي عن موضوع كل الي اريدة منكم تجيبون ورقة وقلم وتتربعون وتجاوبون ع ال سؤال ...

¹ - شنو الشيء الي دائماً تفكرون تبدون بي بس لسه مبادين وتحسون بكسل وملل؟؟ .. اكتبوا

اني عن نفسي هم حسوي هالشيء وياكم لأن صارلي شهر ما احجيلكم عن انجازاتي 🙂🙂💔..

¹-  اعدل نومي .
²-  ارجع لل رياضة وللنظام الغذائي الصحي لأني هالفترة هاملة حالي ومالي ودااشوف كائنات غريبة جاي تظهر 😑💙 .

ملاحظة : لتكتبون اكثر من تلث شغلات لأن راح تهملون شيء وتسوون شيء حددوا شغلات اساسية وضرورية.

- قبل لياخذكم الواهس .. اريدكم تسوون شيء وهو تغيروون خوارزمية حياتكم((يعني شلون نورة ))

الناس الي تتابعوهم الهم تأثير كلش چبير عليكم وع حياتكم يعني من تتابعون ناس ناجحين حتفكرون بالنجاح وتصيرون ناجحين بسبب التأثير الي تركوا عليكم والعكس صحيح ..
وهذا عن تجربة بفترة امتحاناتي جنت اتابع بنية هندية تصور يومياتها بالدراسة فأني من اشوفها اتحمس واگوم ادرس وهاي صارت عادة عندي وجبت معدل عالي 🧡🧚‍♀️.

فلذلك اني هدفي ارجع للرياضة ونظام صحي حتابع ناس احبهم بهالمجال مثل فرقد الجبوري ، ليلى مراد ، واجانب يسوون يومياتهم بالرياضة والنظام الصحي .
بعد مشحنه طاقة حنبدي نخطط ..
¹- نسوي جدول تمارين اسبوعي للرياضة حسب هدفكم ( سويت ☑️)
²- النظام الغذائي تحددون شنو + اني عن نفسي ما احب سوالف الدايت ف اتبع نظام حساب السعرات وهم اعرف بي ومسويته قبل ☑️ .

و خططوا اليومكم من قبل يوم وتمام التمام ..

- اما النوم وسالفته وياي
نرجع للأمتحانات وتجاربها ( بالأمتحانات جربت تقنية يسموهة تقنية النوم العميق لأن جان عندي تقشف بالوقت 💔 .. هاي سالفتهة انو انتوا تنامون مضاعفات الساعة ونص اكو تطبيق اسمه Sleep time نزلوا وطبقوا هالتقنية بحيث اني جنت انام 4 ساعات و 45 دقيقة واروح للأمتحان كأني نايمة 10 ساعات.)

ملاحظة : لحد ينام عدد ساعات قليلة في سبيل انو يدرس خلص انت مكمل بس اني جنت ممكملة معظم المواد فلذلك انام خمس ساعات الا ربع .

وسالفة ثانية : نم بكير وفيء بكير وشوف الصحة كيف بتصير وهاهية ما احجي بعد ..

بعد متغيروون خوارزمية حياتكم خططوا وابحثوا شلون تنظمون حياتكم حتى توصلون للهدف الي كتبتوا ..

* مو بس تقرووون طبقواا 😑😑

طبعاً سالفة ثانية دا أفكر اسوي سلسلة احجي بيهة عن شغلات عملية استفاديت منهة بحياتي شنو رأيكم؟؟

- طبعاً كلش اشكركم ع تفاعلكم بالبارت السابق وممتنة جداً الكم .. 🌿

ويلا مع ألف سلامة

__________________________

باچر مظفر يمر بيَ بـ توابيت القصايد
لو سمع حن وآنه أحن

وباچر أمن أعزف رجعتك تختنگ فيروز وتبطل غناها وتستچن

وباچر تردني لغناي لواهسي وبيك أستراح وبيك أخضر سالفة وگاعين وچفوف ووطن .

عزيز عسكر 🤍