عشقت جميلتي

٣٤- كذبة بيضاء.

شعرت 'تهاني' بالحرج من ردها، فقامت بسرعة من سرير 'فاطمة' وخشيت أن يرطم جسدها ركبة 'محمود'..
'تهاني' - بارتباك - :- أنا ماشيه !!

فكرت 'هناء' تستغل وجود 'تهاني' ليذهب 'محمود' إلى غرفته لينام..
'هناء' - بسرعة - :- لا مش تروحي إلا لما تتعشي !!
'تهاني' - باستغراب - :- لسه إحنا متع..!!

غمزت 'هناء' لـ 'تهاني' قبل أن تنهي حديثها..
'هناء' - مقاطعة - :- مش هتروحي إلا لما تتعشي. يلا تعالي معايا نروح المطبخ !!

صمتت 'تهاني'، فالمهم بالنسبة لها هو أن تخرج من غرفة 'فاطمة'. مشت بجوار 'محمود' وخرجت من الغرفة سعيدةً لأن الوضع مر عليها بسلام، وانزعج 'محمود' بعد خروجها لأنه لم يتحدث معها..

༺༻

دخلت 'هناء' و'تهاني' المطبخ..
'تهاني' - مازحة - :- مش أنا تعشيت وشبعت فخلاص خليني امشي !!
'هناء' - بابتسامة - :- هههه سامحيني، خليك معايا شويه كأننا بنتعشى، ونقعد ندردش لحد ما يدخل 'محمود' اوضته ينام. عاوزين الليلة دي تعدي على خير !!
'تهاني' :- أخوكي بينام بدري؟!!
'هناء' :- اطمني أخويا بيصحى من النجمة على شغله، فضروري ينام بدري !!
'تهاني' :- اوكي. طب خليني اساعدك نغسل الاطباق قبل ما أروح !!
'هناء' - بفرح - :- شكراً حبيبتي !!

وانشغلت 'هناء' بغسل الاطباق..
و'تهاني' بجانبها تساعدها..

༺༻

لاحظت 'فاطمة' زعل 'محمود' عندما خرجت 'تهاني' من الغرفة وتركتهما..
'فاطمة' :- تعرف يا 'محمود' 'تهاني' بنت طيبة وحلوة تستاهل إنسان يحبها ويقدرها !!
'محمود' - بسرح - :- هو أنتي بتفكري تدوري لها على عريس ؟!!
'فاطمة' :- لا، الموضوع دا على أهلها، وربنا يكتب نصيبها، بس أنا اللي في مستغربة منه هي ليه ماتجوزتش لحد دلوقتي وهي حلوة بالشكل دا ؟!!

'محمود' - لنفسه - ... " صح هي ليه ماتجوزتش لحد دلوقتي؟ نفسي اعرف إيه حكايتها؟ عايز اتكلم معها شوي حتى تأخذ علي وأقرب منها وأعرف عنها كل حاجة !! " ...

قام 'محمود' من مكانه وخرج لينفذ فكرته. فذهب إلى باب الشقة وفتحه وانتظر خروج 'تهاني'..

༺༻

انتهت 'هناء' و'تهاني' من غسل الاطباق. فتحت 'تهاني' هاتفها الخلوي ونظرت للساعة..
'تهاني' :- خلاص الوقت أتأخر، يلا اودعك هروح أنام !!
'هناء' :- خلاص هتنامي. آسفة تعبتك معايا !!
'تهاني' - مازحة - :- أيوة في تعب وحاجة !!
'هناء' - تضحك - :- مش قولت لك أنك جيتي وقلبتي الطبيعة هههه يلا امشي قدامي. خليني اودعك !!

خرجت 'تهاني' مع 'هناء' من المطبخ. وفتحت 'تهاني' عينيها برعب عندما رأت 'محمود' واقفًا أمام باب الشقة..
'تهاني' :- شوفي اخوكي واقف جنب الباب. هو عايز إيه ؟!!
'هناء' - باستغراب - :- آه مش عارفه !!!
'تهاني' - بخوف - :- لا، أنتي عارفه، اخوكي ماقدرش يعمل لي حاجة قدام خالتي فسبقني للباب يكمل مهمته، أنا خايفة منه !!!