عشقت جميلتي

٥٣- عرض.

دخل 'محمود' الممر الضيق المؤدي إلى غرفة الغسيل، وهناك فتح عينيه من السعادة. لم يصدق نفسه أنه رأى 'تهاني' التي كانت مشغولة بالغسيل تغني وترقص بقميص نومها القصير..
'محمود' - بلهفة - :- أيوووة دا هو المنظر اللي هيريح عقلي بجد !!

أسند 'محمود' ظهره إلى الحائط ونظر إليها بعين عاشق يستمتع بجمالها وهي تتدلل بحركاتها وغنائها..
'محمود' - بحب - :- بيغريني ألمس شعرك وهو بيطير معاكي بنعومة مع كل حركة بتقومي بيها. وابتسامتك الحلوة أسرت قلبي وضيعته في نار حبك بلا شفقة ولا رحمة. آآآه يا حبي وحياتي امتى هيجي اليوم اللي هقدر فيه اجري واحضنك وأنتي كدا. مش قادر امنع نفسي يحضن دا الجمال. يا حياة روحي ونور قلبي ويا عمري نعومة بشرة جسمك بتجنني وبتحرق صبري !!

وبعد دقائق قليلة من السعادة..
'محمود':- إيه دا؟ لاااا لا لا يا خبر؟ لا لا لا أبوس إيدك وحياة أغلى ما عندك، خليني اركز بس على جمالك. ماتضيعيش عقلي. اوه، ماتغنيش، أيوة بقول لك ماتغنيش. أنتي بتنطقي كل كلمات الأغنية غلط في غلط، اوووف عقلي مش هيرتاح كدا، عايز يصحح لك إزاي تنطقيهم، يا ربي إيه أعمل معاها؟ ليه تسمعي أغنية فرنسية كان أحسن لك الأغاني العربية. ما لهم أغاني "عبد الحليم" و"شادية" أغاني عصر الخمسينات، العصر اللي جيتي منه. يعني إيه أعمل دلوقتي؟ اركز على جمالك ولا اقعد اصحح لك؟ عجبك كدا؟ بسببك، قلبي مش قادر يشتغل يشوف جمالك، وعقلي شغلتيه وهو نايم تعبان. ليه مش قادر انسى في دي اللحظة أني كنت مدرس لغة. أخ منك، طلعتي المدرس اللي جوايا !!

༺༻

بعد أن كاد 'محمود' أن يصاب بأزمة قلبية بسببها. انتبهت 'تهاني' لوجوده فصرخت بخوف وأختبأت خلف باب غرفة الغسيل وهي تعض على شفتيها بقوة من القهر..

'تهاني' - لنفسها - ... " آه، أنا تعبت، ليه كل مرة بشوفه يحصل لي موقف محرج قدامه ؟!! " ...

ابتسم 'محمود' لحرج 'تهاني' وفكر في المزاح معها. طبعاً لإنقاذها من الإحراج كالعادة..
'محمود' - بابتسامة - :- تعرفي الناس بتروح السينما وتخسر فلوسها علشان تستمع تشوف فيلم "ثري دي" ولقيت سينما بتعرض فيلم بالمجان "سكس دي" أوه آسف، كنت أقصد "سفن دي" !!

أغمضت 'تهاني' عينيها من الحرج من كلامه الوقح..
'تهاني' - بارتباك - :- وبقيت عندك تعمل إيه؟ المفروض تمشي !!
'محمود' - يضحك - :- كنت مستنيكي توزعي أكياس الفشار وعلب البيبسي، لكن للأسف الخدمة عندك سيئة. محتاجة تطوري خدماتك أكثر، هاهاهاها !!
'تهاني' - بعصبية - :- أهلاً، ماكنش باقي غير كده !!
'محمود' :- آه وكمان الخدمة الصوتية ماعجبنيش نطقك للكلمات غلط وآه لو عرفتي الأغنية بتقول إيه ؟!!
'تهاني' - بخوف - :- هاه، إيه بتقول ؟!!

اقترب'محمود' من الباب..
'محمود' - :- خليني أدخل وهقول لك إيه اللي بيطلبه !!
'تهاني' - بذعر - :- نععععم مين اللي بيطلب ؟!!
'محمود' - مازحا - :- خليني أدخل وإلا هتندمي لأنك ضيعتي درس خصوصي بالمجان. مش طلبتي من قبل من أمي تشوف حد يعلمك لغة ؟!!

ظنت 'تهاني' أنه يمزح على والدته فتجاهلت كلامه..
'تهاني' :- إزاي فهمت إيه بقول وأنا بنطق كلمات الأغنية غلط زي ما بتقول ؟!!
'محمود' :- بسيطة. كنتي بتقلبي حروف الكلمة وأنا ارجعها. يلا ماتضعيش الوقت. خليني أدخل أعلمك. أنا فاضي دلوقتي ومستعد أجيب لك الدرس الأول !!

التصقت 'تهاني' أكثر خلف الباب..
'تهاني' :- لو سمحت سيب الشقة دقيقة بس، خليني أخرج أدور على حاجة البسها !!
'محمود' :- اطمني مافيش حاجة محتاجة تخبيها. تقدري تخرجي. شوفت كل حاجة !!
'تهاني' - بخجل - :- مش خلاص شوفت، يلا أمشي بقى !!
'محمود' :- آه أنا شوفت وأكثر من مرة، باقي بس نتجوز !!
'تهاني' - بفارغ الصبر - :- أووف مش فاضية اسمع هزارك. لو سمحت امشي من هنا وخليني أكمل أغسل هدومي !!
'محمود' :- مش بهزر أنا معجب بيكي بجد !!

تذكرت 'تهاني' صديقته في الدردشة وحزنت لأنه قد يحب اللعب مع أكثر من امرأة باسم الزواج..
'تهاني' - بحدة - :- وأنا مش معجبة بيك !!

وجدها 'محمود' فرصة لتتحدث عن نفسها رغم ردها القاسي..
'محمود' :- ليه مش عجبك؟ قولي إيه هي الحاجات اللي مش عجباكي فيا ؟!!

بحثت 'تهاني' عن عيب في 'محمود'، لكنها لم تجد عيباً فيه سوى العصبية التي سمعتها عنه من أهله، رغم أنها لم تره قط يغضب أمامها، والعصبية ليست عيباً لأن الشخص العصبي لديه قلب نظيف وصادق. لا يحب اللف والدوران. يغضب بسرعة ثم يندم على عصبيته. ففكرت 'تهاني' في شيء تقوله لتنقذ نفسها من أن تكون رقماً بين ضحاياه من النساء..
'تهاني' :- الحقيقة مش أنت، لكن المنطق اللي مش عجبني !!
'محمود' - بدهشة - :- مين ؟!!

تفاجأت 'تهاني' بنفسها بأنها لا تزال تتحدث معه ولا تشعر بالخوف منه..
'تهاني' :- قصدي بالمنطق ليه لما تعجب الست براجل وهو مش عايزها فممنوع عليها تقرب منه، ولكن لما يعجب الراجل بالست فإنه يقرب منها بسهولة وهو واثق أنها هتعجب بيه في المقابل !!
'محمود' - رافعاّ حاجبيه - :- منطق معقول. لكن أنا بسألك عن مشاعرك مش عن مشاعر كل الستات ؟!!
'تهاني' :- أنا بتكلم عن الحقيقة الواضحة، مش لأن الراجل بيصرح إعجابه بالست، يبقى خلاص عليها تقبل على نفسها أنها تعجب بيه. فهمت كلامي ؟!!

خاف 'محمود' أن تفقد عقله بمنطقها الفلسفي وتضيع منه بغبائها..
'محمود' - بعصبية - :- أنتي مالك ومال الستات والرجالة مش هينفعوك لما تكبري وتعيشي وحدك وماتلاقيش حد جنبك يرعاكي !!
'تهاني' - بعناد - :- يووه خلاص قولت اللي عندي !!

غضب 'محمود' من منطقها، ففتح الباب عليها بقوة دون أن يبالي بأنها كانت شبه عارية..
'محمود' - بغضب - :- أنتي بكده بتخسريني !!

وضع 'محمود' سبابته في منتصف جبهتها وواصل حديثه بعصبية..
'محمود' :- اه وخلي المنطق بتاعك ينفعك وأنتي عايشة لوحدك !!

ضغط عليها بقوة حتى عاد رأسها إلى الخلف واصطدم بالحائط. أمسكت 'تهاني' رأسها لتخفيف آلامها..
'تهاني' :- آآآآي واللهِ أشتكي بيك عند 'هناء' !!

خرج 'محمود' من الشقة منزعجًا من منطقها الفلسفي غير المقبول..

༺༽ʚɞ༼༻