عشقت جميلتي

٧٢- كلمة.

دخل 'محمود' محل المجوهرات الذي كان فيه قبل أيام برفقة 'تهاني' واقترب من الصائغ الشاب..
'محمود' :- السلام عليكم !!
الصائغ - بابتسامة - :- وعليكم السلام ورحمة الله وبركاته !!
'محمود' - بتردد - :- ااأنت فاكرني ؟!!
الصائغ :- آه طبعاً. أنت اللي بتشتري لمراتك دبلة كل سنة !!

ابتسم 'محمود' لقصة 'تهاني'..
'محمود' :- أيوة والمرة دي هشتري للمرة الأخيرة، فعايز يكون الخاتم مميز، قصدي لأني كل سنة كنت بشتري على حسب ذوقي، فدي المرة عايزه يكون على ذوقها !!
الصائغ :- حاضر. إيه طلب حضرتك ؟!!
'محمود' :- أنت فاكر أول خاتم اختارته مراتي ؟!!
الصايغ - بدهشة - :- طبعاّ فاكره، معقولة نسيت بدي السرعة ؟!!

ابتسم 'محمود' بصمت وهز كتفيه بقلة حيلة..

'محمود' - لنفسه - ... " إنشغلت كل حواسي بإيدها فماانتبهتش للي اختارته !! " ...

'محمود' - بابتسامة - :- للأسف ذاكرتي ضعيفة فأرجوك ساعدني !!

ضحك الصائغ وفتح الزجاج وأخرج صندوق الخاتم النسائي..
الصائغ :- دا الخاتم ذوقها حلو. شوف حاجة جميلة !!

أخذ 'محمود' الخاتم وقلبه بين أصابعه وهو يرى جماله..
'محمود' :- كان مقاسه مناسب عليها !!
الصائغ :- لا كان واسع لكن ماتقلقش هعدله على مقاسها لأني شفتها بتقيس واحد كان عليها بالضبط !!
'محمود' :- أشكرك جداً. تفضل عدله دلوقتي لو سمحت !!
الصائغ :- تحب أكتب عليه حاجة زي تاريخ جوازكم أو أسمك أو كلام حلو ؟!!

فكر 'محمود' قليلاً ولم تتبادر إلى ذهنه إلا كلمة واحدة..
'محمود' :- أكتب "أحبك" !!
الصائغ - بدهشة - :- بس ؟!!
'محمود' - بابتسامة - :- مافيش كلمة توصل للقلب بسرعة وتسعده زي كلمة "أحبك" !!
الصائغ :- فعلاً كلمة مقدسة عند من يعرف معناها !!

'محمود' - لنفسه وبابتسامة - ... " ولو في يوم زعلتها هبعث لها مسج على موبايلها تشوف الكلمة المنحوتة داخل الخاتم وأكيد لما تشوفها هتنبسط وتنسى أي زعل حصل بينا !! " ...

'محمود' :- فعلاً. كلمة مقدسة للي يعرف قيمتها ويقدرها !!
الصائغ :- تمام وحضرتك عايز خاتم ؟!!
'محمود' - بإستغراب - :- نعم ؟!!
الصائغ - بإرتباك - :- أنا آسف لو ازعجتك بسؤالي، لكن مش شايف في إيدك خاتم ؟!!
'محمود' :- آه لا لا مافيش ازعاج. عندك حق. وريني الدبل الفضية اختار واحد على مقاسي !!

وضع الصائغ خاتم الرجال على الطاولة. وجرب 'محمود' أكثر من خاتم حتى وجد خاتماً بمقاسه وسلمه للصائغ..
الصائغ :- إيه عايز أكتب على دبلتك ؟!!
'محمود' - يفكر - :- امممم أكتب "تهاني" ده أغلى اسم وأقرب لقلبي !!

ابتسم الصائغ لـ 'محمود' ودخل غرفة جانبية لينفذ طلبه على الخاتمين. وبعد دقائق خرج ووضعهما في علبتين أنيقتين..
الصائغ :- أي طلبات ثانية ؟!!
'محمود' :- أيوة عايز طقم يشبه طقم أميرات الخمسينيات !!
الصائغ :- ذوقك حلو لكن الطقم اللي عاوزه لازم يكون عليه أحجار كريمة وهيكون سعره أغلى من طقم الذهب العادي !!
'محمود' :- مش مهم، بس وريني الطقومات اللي عندك !!
الصائغ :- تعال معايا للناحية دي !!

نظر 'محمود' إلى الطقومات المعروضة وأبدى إعجابه بطقم من قطع الألماس الصغيرة الأنيقة. وتخيل 'تهاني' ترتديها، وفرح عندما رأى وجهها كأنه القمر بنوره، وحولها نجوم من الماس تزينها وتزيد من جمالها..
'محمود' - بفرحة - :- هات الطقم ده، عجبني قوي !!

دفع 'محمود' الفاتورة وفكر في مفاجأة 'تهاني' بخطوبتهما..

♡✦♡✦♡✦♡