عشقت جميلتي

٥٤- بيت.

في ليلة حفل زفاف 'طاهر' وقفت 'تهاني' أمام المرآة بسعادة لتعدل اللمسات الأخيرة على إطلالتها..
'تهاني' - بلهفة - :- لازم أجهز نفسي بسرعة حتى أسبق 'إيمي' وأنزل لعربية 'أحمد' واشكره على مفاجأته. بالفستان والكعب !!

سمعت هاون سيارة 'أحمد' ينبههما بقدومه ليأخذهما إلى قاعة الزفاف ويستعجلهما بالنزول..
'تهاني' - بحماس - :- أيوة تمااام 'أحمد' جاء في وقته بالضبط !!

أمسكت بحقيبتها بسرعة وأطفأت النور في شقتها. رفعت فستانها الطويل ونزلت بسرعة على الدرج حتى وصلت إلى سيارة 'أحمد' لتشكره. ركبت السيارة وأنفاسها تتقطع من الركض، فجلست خلف مقعد السائق وأغلقت الباب..
'تهاني' - بفرحة - :- يا حبيبي يا 'أحمد' مش عارفة إزاي أشكرك؟ كلفت نفسك تشتري لي الفستان والكعب علشان تبسطني !!

اقتربت من مقعد السائق لتخبره بالخبر السار..
'تهاني' :- وأطمن يا 'أحمد'، فلوسك هترجع لك، أخويا اتصل بيا وقالي هيبعث لي الفلوس قريب...!!

توقف عن الكلام عندما نظرت في المرآة الأمامية وتفاجأت برؤية 'محمود' الذي يقود السيارة. فخافت ورجعت بظهرها للخلف وجلست بصمت. انصدم 'محمود' من كلامها وامتنانها لـ 'أحمد' وكأن يدًا باردة أمسكت بقلبه وعصرته بقوة..

جلست 'تهاني' تنظر إلى حقيبتها وتفكر في المصيبة التي ستحل بـ 'أحمد' بسببها..

'تهاني' - لنفسها - ... " يا ويلي إيه اللي أنا عملته؟ فضحت 'أحمد' عند خاله أنه صرف فلوسه علشاني؟ أكيد خاله دلوقتي بيفكر إزاي ينتقم مني لأنه هيفكر أني أحرجت 'أحمد' يشتريهم لي. أعمل إيه يا رب وأنا قريب هسدد له كل جنية دفعه ثمن الفستان والكعب. طب طالما هرجع الفلوس ليه لسه خايفه منه ؟!! " ...

وصلت 'إيمي' وجلست جوار 'محمود' في المقدمة..
'إيمي' - مسرعة - :- يلا يا خالو بسرعة هنتأخر على زفة العروسين !!

أدار محرك السيارة بصمت وظل طول الطريق يتحدث مع نفسه ويسخر من حظة..

'محمود' - لنفسه - ... " بالسهولة دي قدرتي تقولي 'أحمد' يا حبيبي؟ اخس علي، وأنا اللي زي الاهبل جيت بنفسي علشان اوصلك واشوف الفستان إزاي بقى عليكي؟ قلت يمكن هتفهمي بنفسك أني أنا من اشتراهم ليكي وهتسامحيني على قسوتي معاكي وهنبدأ نقرب من بعض. هو أنتي فاكرة أن 'أحمد' هو اللي اشترى لك الفستان؟ منين له يا حسرة وهو لسه طالب بيدرس؟ المفروض أكون أنا حبيبك مش هو. صدق من قال "المحظوظ محظوظ والمنحوس منحوس". قعدت الف في المحلات والمولات حتى لقيت كعب يناسب مقاسك ويناسب لون الفستان، كعب فضي شكله جنان مزين بحبات كريستال سعره يقارب من سعر الفستان بحاله. عمري ما عملت ده مع أي واحدة من قبل. وعلشانك تعلمت إزاي اتحكم باعصابي لما عرفت أنك انسانة حساسة ورقيقة قوي وبتخافي من أي كلمة تسبب لك جرح ولو كانت كلمة بسيطة. وأنتي كده بكل بساطة تختاري 'أحمد' تحبيه، ليه؟ "المنطق" الحقيقي ليكم يا ستات هو أنكم لو عرفتوا أنه في حد بيحبكم بتدلعوا وتثقلوا عليه، ولما نمل من لعبتكم ونسيبكم تجروا ورانا زي القطط الجيعانة. 'تهااااني' أنتي لازم تعرفي الحقيقة مني والليلة !! " ...

༺༻

فكر 'محمود' في قول شيء ليبدأ حوارًا مع 'تهاني' لينتقم منها بسبب تفكيرها في 'أحمد'..
'محمود' - بغضب - :- 'إيمي'. فاكره صاحبي 'كمال' ؟!!
'إيمي' - باستغراب - :- أيوة فاكراه، لكن أنا من فترة طويلة مابقيتش اشوفه أو اسمع عنه منك ؟!!
'محمود' - بتلميح - :- اه مسكين، والده مات من أسبوع الله يرحمه، وبقى نصيبه في الورث بيت بناه والده من "42" سنة بالضبط، وامبارح اتصل بيا 'كمال' وسألني إيه يقول "المنطق"؟ هل يسكن البيت أو يبيعه ويشتري بيت جديد لأنه بقى قديم مش نافع ؟!!
'إيمي' :- على حسب. في بيوت تتهد بسرعة. وفي بيوت تقدر تتحمل سنوات كثيرة يسكنوا فيها !!

فهمت 'تهاني' قصده عندما قال عمرها بالضبط، ففكرت في إغاظته..
'تهاني' - بسخرية - :- بسيطة. أطلب من صاحبك يهد البيت لما يكون عمره "56" سنة !!
'إيمي' - تصحح - :- هو "46" مش "56". يعني تاخذوا بالكم لأنكم هتتهدوا في نفس الوقت لأنكم متقاربين في العمر !!

ابتسم 'محمود' لكلام 'إيمي'..
'محمود' - بابتسامة- :- طب نعمل إيه يا حضرة الدكتورة النابغة ؟!!
'إيمي' :- خذ البيت صاحب ال"42" واعزمه على عصير في مكان هادي وهناك قولوا لبعض بالحقيقة !!

ارتبكت 'تهاني' عندما تكلمت 'إيمي' بصراحة..
'تهاني' - بحدة - :- أيه اللي بينا حتى نعترف لبعض ؟!!
'ايمي' :- أنا قولت تقولوا مش تعترفوا ؟!!

انزعج 'محمود' من كلام 'تهاني'، ففكر في تجربة طريقة أخرى حتى تعرف ما الذي فعله ليسعدها، فطرح موضوع الفستان ولكن بطريقة ساخرة لتعرف خطأها..
'محمود' - بسخرية - :- 'تهاني' ليه مالبستيش الفستان الأحمر؟ في الحقيقة كان عليكي أحلى !!

ظنت 'تهاني' أنه يسخر منها لأنها محجبة والفستان الأحمر مكشوف فكيف سترتديه أمام الناس..
'تهاني' - بعصبية - :- أنا بلبس الفستان بس لما يتهجموا علي وحوش في نص الليل، أصله بيحميني منهم !!
'محمود' :- بقى كده ؟!!

غضب 'محمود' من رد 'تهاني'، أنها لا تزال تتذكر أول موقف حدث منه، وهو من أجلها ضحى بحياته وماله ووقته. بروحه أنقذ حياتها وكسر ذراعه، وبماله اشترى لها فستاناً غالياً تفتخر به أمام الضيوف، وبوقته عندما ذهب بنفسه لينقذها من السجن..

كظم 'محمود' غضبه بمجهود كبير ليجد المكان المناسب..
ويربيها..

༺ཌ༈༈ད༻