عشقت جميلتي

٥٦- حفل زفاف.

وقف 'محمود' و'هناء' أمام باب القاعة للترحيب بالضيوف، وذهبت 'تهاني' مع 'أحمد' ليصطحبها إلى الطاولة المخصصة لهم. وعندما دخلت القاعة..
'تهاني' :- واااو القاعة حلوة قوي، وفيها معازيم كثير !!!

سمع 'أحمد' كلامها وفجأة انفجر ضاحكاً بصوت عالٍ، نظرت إليه 'تهاني' وفهمت قصده..
'تهاني' - بابتسامة - :- يلا قولي قلب مين اللي عاوز توجعها !!
'أحمد' - بابتسامة - :- أيوة تعجبيني قووي لأنك تفهميني. بصي بطرف عينك لليمين للبينتين الواقفين هناك. هي دي اللي خطفت قلبي !!
'تهاني' :- آاه، قصدك الحلوة اللي لابسه الفستان البنفسجي !!
'أحمد' :- لا لا دي أختها التوأم 'أريام' وهي مخطوبة. قصدي اللي لابسه الفستان الأسود. حبيبتي 'أرين' !!
'تهاني' :- ما شاء الله شابهين بعض قوي !!
'أحمد' :- بعرف أنها تحبني، لكن هي تحب تثقل عليا، وعايز اجب لها درس، اخليها تموت من الغيرة وهي بتشوفني مستمتع في الفرح مع واحدة حلوة زيك !!
'تهاني' - بدهشة :- زيي؟ لكن أنا ماانفعكش، شوف لك واحدة من سنك !!
'أحمد' - بغمزة - :- مش مهم السن. حطي بس واحدة حلوة قدام واحدة ثانية وهتلاقي كل حاجة ثانية ماتهمش هاهاهاها !!

ضحكت 'تهاني' بشدة على منطق 'أحمد'..
'أحمد' - بفرحة - :- أيوة اضحكي كدا، دلوقتي أكيد بتموت غيره منك !!
'تهاني' - بإرتباك - :- وبعد ما تنتهي مهمتي هتسبني لوحدي بين المعازيم صح ؟!!
'أحمد' - ضحك - :- لاااا أنا هفضل جنبك. لازم أعرفكم على بعض قبل ما تخلص عليكي !!
'تهاني' - بذعر - :- خلاص يا عم سيبني في حالي وخليني أعيش !!
'أحمد' - بتوسل - :- أرجوكي أنتي الفرصة الوحيدة الموجودة قدامي علشان اخليها تتعلق بيا أكثر، وتعرف أنه سهل ألاقي واحدة أحلى منها !!

نظرت 'تهاني' إلى الفستان..

'تهاني' - لنفسها - ... " مسكين 'أحمد' أشتراه بفلوسه علشان يبسطني وأقدر أحضر الفرح بفستان غالي، فدي هتكون أقل حاجة اعملها، علشان أرد له الجميل !! " ...

'تهاني' - بابتسامة - :- حاضر يا 'أحمد' أنا موافقة !!
'أحمد' - بسعادة - :- ربنا يخليك يا أحلى أخت !!

༺༻

بدأت الحفلة ودخل العرسان على أغنية الزفاف حتى وصلا إلى مكانهما وبدأ الـDJ في تشغيل الأغاني للضيوف. جلس 'محمود' على نفس الطاولة التي يجلس عليها زملاؤه في العمل ومن مكانه شاهد 'تهاني' ورآها منشغلة بالحديث مع 'أحمد'، وبعد دقيقة رأى 'إيمي' تقترب منها مع أصدقائها وعرفت بينهم، ثم جاءت 'هناء' وقدمتها إلى أقاربهم. وهي استقبلتهم بابتسامتها الجميلة..

أعجب 'محمود' بابتسامتها الهادئة، وبدأ الـDJ بتشغيل الأغاني الأجنبية، فنهض 'أحمد' وسحب 'تهاني' معه نحو المنصة..
'تهاني' - بخجل - :- لا لا أرجوك. أنا عمري ما رقصت قدام حد !!!
'أحمد' - بإصرار - :- دلوقتي مافيش عذر. أنتي بتحبي الأغاني الغربية. خليكي معايا وماتبصيش ناحية المعازيم. بليييز 'تهاني' هم ثلاث دقايق بس ؟!!

صعدا إلى المنصة وبدأ 'أحمد' بالرقص، فانتقلت حمى الرقص إلى بقية الضيوف. ورأت 'تهاني' الجميع يرقصون، فتشجعت ورقصت معهم وهي تسمع أصوات الموسيقى الصاخبة والأضواء الملونة. أعجبه 'محمود' من أنها ترقص بهدوء مثل النسيم، فسرح بنظراته عليها. اقترب منه 'حاتم' صديقه المقرب ورأى نظرة صديقه تلاحق 'تهاني' مثل المغناطيس، وعينيه مخضرتان، فقطع عليه التحديق..
'حاتم' :- "مارلين مونرو" المحجبة، اللي بترقص مع 'أحمد' تبعكم ؟!!

ابتسم 'محمود' للتشبيه..
'محمود' :- آه !!
'حاتم' :- آآآه يبقى هي اللي بتقلب حالك يوم بيوم في الفترة الأخيرة !!

شعر 'محمود' بالإحراج لأن حبه انكشف بين زملائه فلم يستطع الرد..
'حاتم' :- من قرايبكم ؟!!
'محمود' :- لا. من اليمن. ساكنه في شقة قدام شقة اختي !!
'حاتم' - بدهشة - :- لكن أنا عمري ما شفت يمنيات حلوات بالشكل ده ؟!!
'محمود' :- إزاي هتعرفهم والأغلبية بتغطي وشها ؟!!
'حاتم' - بجدٍ - :- اه عندك حق، بس خليك سرحان بيها ومش عارف هيحصل لها إيه لو مالحقتهاش !!

التفت 'محمود' بحدة إلى 'حاتم'..
'محمود' :- إيه ؟!!
'حاتم' :- شايف السواح الألمان القاعدين هناك؟ قبل ما تجي تقعد معانا شفناهم عاملين قرعة فيما بينهم، وعرفنا من نظرات عيونهم وحركة شفايفهم أنهم عاملين القرعة عليها !!
'محمود' - بدهشة - :- قرعة في إيه ؟!!
'حاتم' - بابتسامة - :- قرعة لمين تكون هي جايزته !!
'محمود' - بذهول - :- جايزة في إيه ؟!!
'حاتم' :- يووه يا 'محمود' افهم، الإثنين الرجالة والست اللي قامت دلوقتي ترقص، عملوا قرعة، مين هياخذها ويقضي معاها وقت حلو، وطبعآ فاهم اللي بقصده، وتعرف مين كسب بيها؟ مش هتصدق، الست، أيوة الست !!
'محمود' - بدهشة - :- ست إيه ؟!!
'حاتم' :- ركز معايا شايف الست العملاقة اللي بترقص هناك، اللي شبه الجدار الألماني. أيوووة هي. وأرجوك تسامحنا إحنا كمان عملنا قرعة على مين هيكسب منهم، و'طارق' هو من كسب التخمين !!

تعصب 'محمود' ونظر إلى الألمانية..
'محمود' - بحدة - :- أهو ده "منطق" بعض الستات اليومين دول !!!

༺ཌ༈༈ད༻