انتقام للعشق

بارت ٣١

منقول❤❤❤❤❤

البارت31

~~~~~~~~~~~~~~~~~
لهسه وماعرف عايش وياهم ليش
ويذوب الثلج بس ينجوي شويه
حتى جروحي من عدهم خذتهن شوكَـ
ابد ماحسستهم بيها من نيه
من سألوني صح كَالوا اطوّك جروح
لا كَلت لشماته انطوني عيديه
شايف من تجيك الطعنة من أحباب
هيج جروحك تحس بيها روحية
تصور تبتدي تشتاكَـ للچتال
اذا جف التطعنك بيها حنيه
المهم ... عاذرهم وكلّ البقن سهلات
انا الجرف اليسامح روچ شاطيّه
حتى مننجرح مادام همه بخير
أنا بخير يعني وكلشي مابيه 💔..
~~~~~~~~~~~~~~~~~~~~~~~~
جمارة /
طلعت من بيتنه اريد اروح لبيت عمي ابو محمد
اريد اتأسف من جوري لان زعلته وياي جنت اني ماخذه
بخاطري على تصرفه ليش ترفض شهاب وكدام الناس..
بس من فكرت اني كلت هذا حقه ورادت فقط
ترجع سمعته و كرامته الي راحت بسببه
حسيت نفسي غلطانة بحقه و لازم اني اروح اعتذر من يمه ...
طلعت من بيتنه و وصلت لبيتهم هستوني دخلت للحديقة و اشوف غيث كاعد بيه اني ردت ادير وجهي عنه و امشي بس قويت نفسي و كملت طريقي ..
سمعت صوته وراي يصيح بأسمي بس اني ما اهتميت
سرعت خطواتي حتى ابتعد عنه بس ماحس غير لزمني من أيدي و جرني ورااه ..
اريد اوخر ايده بس هو جرني عليه اكثر
صرنه وره بيتهم دفعني على الحايط كلت بخفووت : غيث شتسووي ليش جبتني هنا ...
خزرني و كال : ليش من اصيح عليج ماتردين ..
: شتريد مني ..
اقترب من يمي كلش صار قريب عليه ماكو اي فاصل بيناتنه ..
كال بهمس وهو يباوع بعيوني : اريدج الي جمارة اني احبج و اعترف بهذا الشي و شترديني اسوي حتى تقبلين اني راضي و اذا تردين اعتذر ..
كال : اني آسف على كلشي سويته بيج بس سامحيني و اقبلي ..
دنكت راسي و كلبي يدك بسرعة من اثر كلماته
اتوترت كلش رفع راسي بأيديه باوعت عليه شفت عيونه بيه لمعة اول مره اشوفه ..
كال بأبتسامة: جمارة اني احبج اريدج تصيرين زوجتي و أم بيتي ماريد غيرج توافقين ..
على لحظة راح تصير بيه جلطة من كلامه و كلبي دكاته اتسارعت راح يصير خفقان ..
كتله بهمس : شنو ..
ابتسم هو و اقترب من يمي دنك راسه و باسني من خدي غمضت عيني المشاعر اجتاحتني كله حسيت بقشعريره سارت بأنحاء جسمي لثواني نسيت اني وين واكفة و وي منوو ..
فتحت عيني لكيته على نفس وكفته قريب عليه
مبتسم على شكلي ..
كال بأبتسامة : اذا هيج تحبيني و بوسة على خدج صار بيج هيج لعد ..
فتحت عيني كتله : شنوو لا تكمل عيب ..
ضحك و كال : بوية هسه اني شكلت ما خليتيني اكمل اكلج لعد لو ابوسج بلخد الثاني شيصير بيج يمكن تموتين بس انتي تفكيرج منحرف و مدري شكام يصور ..
متت من الخجل من هيج حجه ظليت اتأتئ بلكلام
و ما اباوع بعيونه : ااا هو شسمه موو ..
ضحك بصوت عالي كلت على ساعة هسه يجون
من صوت ضحكاته : خرب يومج شبيج ولج كمتي تعلسين بلحجي ...
كمل كلامه : شووفي جمارة اني راح ارجع اخطبج من اهلج و كلشي راح يكون رسمي اتمنى هاي المرة الكه الجواب الي يفرحني ..
باوعتله هو غمزلي و عافني مشه بقيت بمكاني متصنمه ماعرف شسوي و وين اروح اتلمست خدي مكان البوسة
ابتسمت ومغمضه عيني و اني اتذكر كلامه ..
فتحت بعيني و حجيت بهمس : ما معقولة غيث اعترف لمرة الثانية بحبه الي كالي هو يحبني و يريدني زوجة اله ..
رفعت راسي لسما : ربي مشكوور على امنيتي الي حققته عمره كله مراح اووفي الي صااار اليوم..
دخلت للبيتهم لكيتهم كلهم متجمعين حتى غيث
بس جوري ماكوو ..
شافني غيث ابتسم و غمزلي بدون ماحد ينتبه يااا هذا شعنده وي الغمزات اليوم بس لا عيونه شكلن
سئلت على جوري كالن فوك بغرفته ..
رحت صعدت دكيت الباب بقووة وفتحته هيا من شافتني اتفاجأت كامت و كتفت اديها : خير شكو اليوم جاية شعجب الشمس منين طالعه ..
ابتسمت و كتله: من العراق العظيم ..
رحت حضنته و ظليت ابوس بخده : يمه اروح فدوه لزعلان ولج وعلي ابن ابي طالب احبج و محمد احبج و العباااس اعشقج و الحسين..
هيا دفعتني عنه و كالت : بعد بعد احلفي بالائمة الاثنعش المعصومين و الانبياء حتى اصدك شكد تحبيني ..
: يي و ياريت تصدكين اني احبج..
باوعتلي و رفعت حاجبه : يي كلش تحبيني بحيث زعلتي على سبب تعرفين ليش هيج سويت اني و الي حق بيه بس انتي عفتيني من فترة و ما سئلتي عليه ..
رجعت حضنته : حقج والله بس شسوي جنت زعلانة على شهاب لج صدكي لو تشوفين فرحتة من انتي موافقة عليه و متلهف ترجعين اله جان تكليلي حقج يا جمارة ..صفنت و كالت : اني سويت هيج بس حتى ارجع كرامتي ترى اخوج شما يكون سبب بس عذر ماكو عندي ما اعذر اي احد هيج يسوي بيه ..
: يي حقج بس تدرين اني عندي ثقة انو ترجعين لشهاب و مثل قبل بس يحتاجلج فترة ..
باوعتلي بطرف عينه : تسكتين لو اشحتج هسه من الغرفة ..
: شحدج ولج ..
كعدنه اني وياها وظلينه نسولف لحد مصار المغرب
كمت وهيا اصرت ابقه يمهم على العشه بس ماردت وخاصة غيث موجود استحيت ..
طلعت وسلمت عليهم طلعت من بيتهم و اشوف غيث واكف يم باب بيتهم ابتسم و فتح باب البيت : يلااا انسه جمارة تفضلي ..
دنكت راسي و مريت من يمه هو سد الباب و مشه
اني مشيت و هو رواي لحد ماوصلت لباب بيتنه
يعني ثانية ماكو ..
كال : اووف اول مره بحياتي اتمنى بيتكم بعيد
يوصل لنهاية الشارع حتى اشبع منج شوف بس هو اصلا ما ينشبع منج لو ابقه العمر كله ..
ردت امشي لان بعد ماكدر اتحمل كلامه ترى هواي والله هستوني فتحت الباب صاح هو عليه
درت وجهي كال بأبتسامة : اريدج تعرفين جمارة اني احبج ..
عزا هاي ثاني مره اليوم يحجيه طبيت للبيت و سديت الباب وراي و اني خجلانه كلش رحت صعدت فوك لغرفتي سديت الباب و كعدت على الجرباية خليت ايدي على كلبي و تنفسي سريع ما مصدكه لحد هسه غيث يكلي احبج دخيلك ربي يعني صدك صدك اليوم هواي ..
حسيت نفسي صخنت خليت ايدي على وجهي
حرورة بوجهي يماا شصاير بيه رحت كبال المراية
اباوع على شكلي احمر صاير و الابتسامة شاكة الحلك
كلت بهمس و اني اباوع على شكلي بلمراية : جمارة هذا حلم لو حقيقة ..
كرصت ايدي حسيت بوجع بس فرحت كلت بفرحة : طلع حقيقة والله ..
وكفت بمكاني بنص الغرفة مصدومه لحد هسه هذا غيث المغرور أبو النسوان يكلي احبج ماصدك حب طفولتي اعترف بحبه الي ..
بصوت ناصي عطت : عااااا يحبني ..
ظليت اكمز بمكاني وفرحانه ظليت اركص وحدي و اطك اصبع لو مو الدنيا غروب جان شغلت اغاني وهم فشلة من اهلي شيكولون عليه اتخبلت..
شمرت روحي على الجرباية و مبتسمه ماصدك يربي اليوم احلى يوم بعمري واخيرااا اعترف غيث ..
ثاني يوم كاعدين و أبوي صاحني كلهم مجتمعين ماعدا شهاب لحد هسه مااجه جانت صدمة بلبنسة النه علي طلع مو ابنه بس صدك حبيته وتعلقت بيه وحتى وحشة عليه ..
شفت أبوي ضايج يريد شهاب يرجع بس هذاك مايقبل يكول مارجع لمكان ابني مو بيه ..
كعدت على القنفة: ها بوية كلت رايدني !؟
كال بهدوء : يي بوية اريدج اكلج و كبال الكل امج واخوج وبعدين نحجي لشهاب ..
عرفت على شنو بس سويت نفسي مادري ؛ على شنو بابا تحجي ..
بوية غيث طلب ايدج مرة ثانية و كال اخر مره اذا ماوافقت هاهيه اله مطلق الحرية ..
حجت أمي بعصبية :هااي شنو ماعنده كرامة مو كلنه ماننطي و هيا ما وافقت ..
حجه أبوي و هو يخزره : اسكتي انتي كلتج الف مره لا تدخلين بشي مايخصج ..
رجع باوعلي و كال : القرار الج بوية و هسه هم اكلج شنو رايج ..
رجعت كالت امي : شنو تسئله غير كالت ذاك اليوم ماموافقة ..
غمض عينه بابا ورجع فتحهن : استغفر الله مو كلت ماريد اسمعلج صوت كاافي لو اخليج هسه ترحين لغرفتج و مالج اي كلام ..
سكتت امي و ماعاجبه الوضع رجع باوعلي و كال: ها بوية شكلتي شنو قرارج ..
مدنكة راسي كتله بخجل : موافقة اني بابا ..
صاحت امي: شنوو ولج ..
كال أبوي بهدوء : وليش غيرتي رايج لعد اذا انتي موافقة ليش رفضتي من الاول ..
كتله بتوتر : ااا مو بابا الولد امبين شااري و عيب من عمي انو ارجع ارفض ابنه و هم على كلامك القريب اولى من الغريب ..
ابتسم أبوي برضى و كال : الله يرضى عليج بوية و نعم التربية..
طلع أبوي منا و امي ظلت ترزل بيه كالت بعصبية : يعني شنوو فهميني شلون توافقين عليه نسيتي شسوو همه و اني شنوو و انطيج اله ..
: يمه هسه على شنو الصياح هذا قراري و اني حره ..
كالت زهراء : خلي لنفسج و لهلج كرامة شلون توافقين على ناس ذلوو اهلج و اخوج ..
صحت بيه : انتي لا تدخلين فهمتي بت خالتي ييي بس هااي الشغلة عائلية و انتي برة الموضوع ..
كالت : هيج يعني جمارة ..
: ييي هيج ..
كالت زهرة بهدوء: صلوو على محمد كاافي شنو هاي الصيااح و عمه ترى هذا اختياره و لازم احنه ما ندخل ترى هيا الي تزوج ..
حجينه كلنه : اللهم صل على محمد وآل محمد..
عفتهم وصعدت فووك ماريد اخرب فرحتي اني ما عولت اخذ الي احبه ويطلع هو هم يبادلني ..
بليل و دزلي رسالة : ماتصورين شكد فرحت بموافقتج ان شاءالله اكوون الشخص الي ابالج و اسعدج وصدك جهزي هاي اليومين اهلي يجون عليج و يخطبوج رسمي ..
ابتسمت على كلامه ما رديت عليه بس حضنت الموبايل وغفيت و اني اتخيل لابسه الفستان و هو لازم ايدي ..
مرن يومين و صدك اجوو اهله امه وحبوبتي و زينب بس فاتن قبلهم اجتنه حتى جوري اجت اتفأجات طبعا ..كتله : شعجب ولج اجيتي ..
ابتسمت و كالت : شتردين خطوبة اخوي ماحضر و هم صديقتي اليوم خطوبته يعني لازم اكون متواجده بهذا اليوم و مايهم المكان ..
ابتسمت اله و بدن يحجن عن المواضيع و طلبن ايدي رسمي من اهلي اشوف امي تحجي بس من وره خشمه بس ابوي حذره قبل لا يجون انو تتعامل بأسلوب زين وياهن لأن يعرف بسوالفه وياهن ااخ شدعواج يمه كلنه بشر و كلنه نفس الشي يعني و اذا بنت شيوخ اشو كلهم نسوان عمامي من عائلة محترمة و معروفين و الناس تحلف بأخلاقهم بس استغفر الله لو تبطل هذا الغرور ..
بقن ساعة ونص و هيج مشن من راحن امي بقت تحجي : و لا تستحي جويرية جاية و نست شنو الي سوته عيني عينك ..
كالت زهراء بقهر :عود شوفوني اني كلشي مابيه و حيل وياكم..
باوعت اله و كتله :انتي شبيج ليش تردين تزيدين و تشعلين النار ..
:يااا اني شسويت و تعاي ليش هيج تتعاملين وياي ..
كالت أمي: ولج ليش هيج وي بت خالتج واكفة وي بت عمج ضده ..
كمت من مكاني :انتي حجيتيه هذيج بت عمي و طبعا اوكف وي الحق اذا زهراء تكره بدون مبرر وترى مانسى الي سويتيه اليوم من كلبتي العصير على جوري ..
كالت : شبيج يعني اني متعمدة هو وكع لان اتعثرت بلسجادة ...
كمت من يمهن و اني ماريد اسمع اي شي من كلامهن
...........................................
جوري /
وكفت كدام المراية مبتسمه لابسة تنورة سودة قصيرة توصل لركبة و قميص ماروني وحزام جلد على الخصر
لبست كعب عالي اسود ..
اليوم يوم فرحة و اخيرا عقل غيث وخطب وبرضاته لان ماشاءالله اهلي كلهم كالبين على الزواج الاجبااري
وهو خطية فرحاان و يكللهم يلا استعجلوو اريد اعرس اول تالي ..
نزلت جوه وبأيدي عباتي نزلت و اني منتظرة الباقيات
نزلت زينب و لبست عبايته خطية ضايجة مدري شجاهم عود اول بداية جانو شمحلاتهم هسه رجعو من البداية امي لبست عباته و حبوبتي كاعدة ..
دخل غيث من الباب حبوبتي من شافته طكته بهلولة : كللوووووش يمه بخت غويث الخبل راح يعرس ..
جان مبتسم غيث بس من سمع هيج راحت ابتسامتة : ليش ولج حبووبة يعني انتي تكحلينه و بعدين تعميه شمالني خبل ..
: ييي والله خبل و همزين راح تعقل ..
كال : شدراج يمكن ابقه خبل و اخبل وياي زوجتي ..
ضحكت حبوبتي : ايي والله تسويه انت مسودن ..
اجه كعد يمه باس راسه و كال : اكلج حبوبة شو رجعي طكيني بهلولة مراح اصدك اني راح استقر و أعوف سوالف الزحف ..
اقتربت يم اذنه و هذا شاك الحلك من الابتسامة : كلللوووووووش ..
هو ابتعد : شجااج حبوبة هو هيج مو طبلة اذني راحت ..
ظلت تهوس حبوبتي فرحانه يكول عرسه مو رايحين نخطب : هذا الرادها و هذا التمناها بنت الشيخ لابن الشيخ جبناها ..
حجت هوسه ثانية : كحل للعين بت العم لأبن عمه ..
هو كام من مكانه كام يركص و يطك اصبع ظل يهوس : و جان صاحبه و خذاها و جان صاحبه وخذاها ..
متت من الضحك عليه و على شكله حتى زينب ضحكت امي صاحت عليه : ولك دهر دهرك بس لا صدك جنت مصاحبه ..
ضحك و كال : ييي جا شبيه بت عمي و هم سترت على نفسي و عليه و راح تزوجه ..
كلت لامي : يما لا تصدكينه ترى ماكو بيناتهم شي ..
طلعنه من البيت ورحنه لبيت عمي ابو غسان باوعت على البيت خذت نفس و دخلت جوووه ..
استقبلتنه فاتن و امه كاعدة من شافت حبوبتي كامت وباسته من راسه كعدنه اني ذبيت عباتي و الحجاب و بقيت اسولف وي جمارة ..
ظلينه نحجي بموضوع الخطبة و هيا تحجي من طرف خشمه ..
اجت زهراء وبيده صينية العصير قدمت الهن و اجت عليه تباوع و مبتسمة اني استغربت هاي شكو شبيه عليش الابتسامة شوي و ماحس غير عثرت و كلبت العصير عليه طاح شوي منه بشعري و الباقي على ملابسي ...
شهكت : هئئ شسويتي ولج ..
باوعت و ابتسمت: اسفه مجان قصدي ..
عرفته متعمدة ردت احجي بس لزمتني جمارة
من أيدي كالت : روحي صعدي لغرفتي غسلي شعرج و ملابسج غسليهن ..
كتله : خاف احد فوك ..
قصدي على شهاب ماريد اشوفه ..
باوعت و ابتسمت :محد فوك كلهم طالعين روحي اخذي راحتج ..
كمت من مكاني و اخذت عباتي لاحتياط لا احد يجي
صعدت فوك و رحت لغرفة جمارة دخلت للحمام غسلت شغري لا يدبك من العصير و نضفت ملابسي منه ..
ظليت انظف بشعري و ادردم : الله ياخذج زهيرة ان شاءالله سم بكلبج الحقير اعرفة متعمدة هيج تسوي ..
طلعت و وكفت كبال المراية مشطت شعري و عدلت شكلي اخذت عباتي و طلعت بره و جان اشوف كبالي شهاب ..
اتنصمت بمكاني كبل لبست عباتي و هو واكف كبالي مصدوم يمكن لأن شافني ..
عبرت من يمه ماحس غير لزم ايدي و رجعني لغرفة جمارة دخلني جوه وسد الباب وراه ..
عصبت من اسلوبه كتله :خيير شنو هذا الأسلوب شتسوي ..
: اريد احجي وياج جوري ..

يتبع...