البارت37
~~~~~~~~~~~~~~~~~~~~~~
سبحان من جمّعَ التوت والرمانَ
في خدِّ مليحةٍ تسرقُ الانظارَ
وسبحان من جعل القمرَ اثنانَ
أصبحوا في جوفِ جميلةٍ سكانَ.
~~~~~~~~~~~~~~~~~~~~~~
زهرة /
من تزوجت لهذا اليوم غسان ابد ما قصر وياي
بلعكس كان نعم الزوج الي عوضني عن كلشي
حبيت اهتمامه الي و حنيته عليه و خوفه ..
اول بداية زواجي حسبالي زواجي منه فقط علمود
سماا اربيه لا اكثر ..
بس بعدين اكتشفت غير حتى هو احس بنظراته
اليه وين ماروح و من اضوج يكلي امشي نطلع
مايحبني ابجي يكلي ماريد اشوف دموعج ..
اعترف اني بديت اتعلق بغساان صار هو سما
عائلتي الي ماكدر ابتعد عنهم ولا لحظة حسيت الله عوضني عن كلشي و انطاني هاي العائلة كلهم زينين وياي وناس طيبة ما الومه اسراء الله يرحمه من جانت فرحانة و تكلي احبهم لان همه يحبوني و مامقصرين وياي ..
صار عندي شعور اتجاه غسان هل هو حب أم إعجاب
بس المهم شعوور حلوو ..
بس هاي الاياام كام ينشغل و كلنه انشغلنه بحادث علي أبن شهاب كلش انقهرنه عليه و هم من صار زين و جابو يوميه خطار عدنه يعني ما الحك حتى اشوفه منا شغله ويرجع هنا يم الخطار يجي بليل ينام ويكعد الصبح ..
اني من اجيت هنا العائلة يوميه بسالفة يطلعون
واكثره بسبب شهاب و جوري تصير هذوله الاثنين بس يكابرون و هو واحد يحب الثاني ..
اليوم هم جان عدنه خطاار على الغده من مشو كعدنه اني و زهراء نغسل المواعين تعبت كلش من الصبح كاعدة و انكسر ظهري ..
اجه غسان من باب المطبخ الخارجي اجه من الشغل
باوع علينه و رجع باوع عليه ابتسم كال : السلام عليكم الله يساعدكم ..
ابتسمت اله و ردينه عليه : وعليكم السلام..
ردت اكوم كال : لا ابقي بمكانج اني صاعد ابدل و انزل ..
رجعت لمكاني و هو صعد فوك كملنه غسل مواعين وهاي زهراء بس ساكتة و تفكر مو على بعضه بس ماحبيت اسئله مالي دخل بيه ..
خلصت و غسان لحد هسه مانزل يتغده
كلت خل اصعد اشوفه شو طول بس لا نام عفت الي بأيدي و رحت صعدت فوك ..
فتحت الباب دخلت لكيته مبدل وكاعد على الجرباية و منزل راسه سديت الباب وراي ..
رحت عليه كتله : غساان ليش مانزلت ناكل مو كلت تبدل و تنزل ؟
ماحجه شي بقه بمكانه كاعد حتى مارفع راسه
كتله : غساان احجي ويااك شبيك ..
حجه بهدوء : يهمج شنو الي بيه ..
استغربت من سؤاله بس جاوبته : طبعا يهمني ..
بقه مدنك راسه بس كال : ليش يهمج شنو اني بلنسبة الج ؟
رفعت حاجبي : شبيك غساان شتحجي أنت..
رفع راسه عليه و وجهه احمر و عيونه مايتفسرن من العصبية ماشفته ابد كال بحدة : جاااوبي من اسئلج تجاوبين فهمتي ..
خفت من نبرة صوته و هم استغربته كتله : يهمني لأن زوجي أنت..
حجيت هيج وهو طفر عليه مثل المخبل اجه ولزمني من زندي بقووة : زوجج ولج تضحكين عليه أنتي؟
غمضت عيوني بألم كتله : ااا شبيك غساان..
دفعني عنه : تردين تعرفين شبيه مااشي..
رفع الصورة كبال وجهي كال : هذاا الي بيه و الي مخبلني ...
فتحت عيوني بصدمة من الي اشوفه صورة خالد و عد غساان شلون و منين اخذه ؟
كال بعصبية : هذااا منوو زهرة ؟
ماجاوبته ماكدرت و شجاوبه اكله هذا خطيبي و حبيبي شحجي و شأكول ..
فزيت من عاط عليه:جااووبي لا تسكتين .. هذا منوو؟
ولا تكولين اخوي لو شي ترى ادري كلش زين ماعندج اخوان ..
كتله بهدوء و اني بكلبي ميتة خوف منه : هذا مو أخوي..
رفع حاجبة و ايده الي بيه الصورة ترجف كال بعصبية
: إدري مو أخوج لهذا السبب سئلتج هذا منووو ..
غوركت عيوني و دمعة طاحت كتله بخوف
: افهمني غساان فدووة ..
صاح بعصبية :احجي وخل افهم ..
غمضت عيوني وظليت ابجي من صياحه خووف دب بكلبي و اخرسيت ماكدرت احجي ..
ابتعد من يمي و كام يصيح :عليش هذااا البجي احجي ولج لا تموتين كولي منو هذا الي بلصورة ..
مدنكة راسي ماحس غير لزمني من فكي بقوة ورفع راسي عليه صارت عيوني كدام عيونه الغاضبة ..
كال بفحيح : شتحسين من افتح الكنتور و اكله صورة محتفظة بيه زوجتي بصندوق اول مره اشوفه هاااا ..
ماحجيت شي رجع سئل : احجي منو هذا لا اموت والحسين ...
كتله بتوتر : اا هذا ابن عمي ..
باوعلي بأستغراب :ابن عمج شو مشايفه و شعده صورته يمج ..
بجيت و كتله بحركة : موو هو مااات ..
حجيت هيج وكمت ابجي من خوفي و هم على خالد
باوعتله هو يباوعلي مستغرب و رافع حاجبه بعصبية
من شافني هيج ..
كال بحدة : سئلتج شعده صورته و شنو علاقتج بيه احجي ولج ..
باوعت بعيونه و كتله بتوتر : مو هو جان خ خطيبي بس صاارت و مات هو بحاادث ..
اتسعت عيونه من حجيت هيج كال بهمس : خطيبج؟
هزيت راسي و ماحجيت اي شي بس دموعي تنزل
كام يقترب من يمي و عيونه عليه كال بحدة :من سئلتج كلتي ماعندي علاقه بأي شخص و اني اول واحد بحياتج .. مو هيج حجيتي لو لا؟ماحجيت هو صااح : احجيي مووو لو لااا ..
كتله بخوف : ييي حجيت ..
كمل كلامه : و صورته لحد هسه محتفظة بيه يعني تحبيه لحد هسه واني الغبي هنا يمج كلشي ماعرف
و كلت ابدي وياها صفحة جديدة و مالي دخل بلماضي و الي مات بعد مايرجع و ماريد ازعلج و اقهرج حتى صور اسراء شلتهن علمودج انتي بس ..
ماحجيت شي بس ابجي رجع حجه هو : تالي انتي هيج تسوين تضحكين عليه و تخدعيني ليش ماحجيتي من البداية ترى راح افهمج و ماسوي شي بس مال هسه تجذبين عليه و تخليني غبي ماكدر اقبله ..
باوعت عليه كتله بترجي : غساان افهمني ..
وكف بصفي و هو يباوع عليه كال بحده : زهرة ..
كتله : غساان فدوه افهم ..
ما كملت كلامي بسبب الضربة الي اجتني على وجهي
حسيت خدي اشتعل نااار من حرورة الراشدي ..
بجيت بسكته و اني مستهضمه الي صااار بس اني السبب و استاهل الي يصير الي ..
رجع لزمني من زندي باوعت عليه ابجي و هو ماهمه
كال بعصبية : ولج ليشش هيج تسويني غبي فهميني شسويت اني الج ..
: اروحلك فدوة بس افهمني ماكدرت احجي الك لأن خفت ..
رفع حاجبة كال : خفتي من شنوو كليلي شنو راح اذبحج لو ارجعج هاي اني ما اسويهن ..
ماحجيت شي اله بس بقيت ابجي هو من شافني هيج دفعني و وكعت بلكاع كال : انتي جبتيه لنفسج زهرة
جذبتي عليه و خدعتيني انتي نهيتي كلشي ..
كتله : شقصدك غسان..
كال : ماكدر بعد امن بيج و لا أمن بنتي يمج و ماحب مره تستغفلني ..
كتله بخوف : شنو اطلكني ..
: لا ماسوي هيج لان اهلج بعيوني مخليهم و سجاد هم ماكدر اكلك اختك اطلكه بس كل شخص يبتعد عن الثاني و هم ابتعد عن بنتي ..
راد يمشي انتبه على الصورة بعده بيده عقجه بيده بقووه و شمره قريب عليه طلع و طبك الباب بقوة ..
بقيت وحدي و كمت ابجي الوم بنفسي شسويت اني هيج ارتاحيتي يا زهرة من خربتي حياتج و بيتج
شصار لو عتفيهن هناك يم اهلج ..
كلت ؛ يعني انتي غبية من تاخذين صورة حبيبج القديم شحسبالج مراح يشوفه ..
ظليت ابجي بحركة : بس نسيته اني والله من صارت عندي مشاعر اتجاه غسان كلت اخذه حتى لا يشوفه بس صارت هاي السوالف و نسيت ..
باوعت على الصورة رحت اقتربت من يمه و اخذته
فتحته و رتبته ظليت اباوع على صورته و ابجي..
متندمه بس ما يفيد الندم خفت من الجاي شراح يصير و شيسوي بعد وياي راح يشد اكثر و اكثر ..
ظليت لليل و اني بغرفتي و حايره و خايفة اجت عليه جمارة علمود العشه كتله ما اشتهي سئلته : غسان جوه لو لا ..
كال بشك : لا مو يمنه شنو ما تعرفين وينه هو صاير وياكم شي ..
: لا ماكو شي بس اسئل ..
هزت راسه و هيا ما مصدكه كلامي عافتني و بقيت وحدي لليل و هو ماكووو ..
ظليت افتر بلغرفه اتصل عليه مايرد : هسه غير يجي تعال سوي اي شي بس لا تغيب و تخليني قلقه عليك ..
صارت الساعه ب١ بليل وهو ماكو تمدد على الجرباية و تغطيت و ظليت ابجي خايفة عليه لا صاير بيه شي
غفيت شووي و فزيت و اني اسمع صوت الباب انفتح ..
فزيت و اشوف غسان دخل للغرفه وسد الباب وراه
كمت من مكاني بخوف رحتله كتله : غسان وين جنت و ليش هيج اتأخرت لهذا الوقت ..
لزمت ايده اريده يحاجيني بس هو باوعلي بعصبية
و نتر ايدي من يمه رفع اصبعه كبال وجهي
كال بتهديد : لا تفكرين ابد تخلين ايدج على ايدي
انسي كلشي يازهرة انسي غسان القديم الزين وياج مثل ما حقرتيني هسه احقرج و ادوس عليج ..
حجه هيج ومشه اخذ ملابسه و دخل للحمام و اني واكفه بمكاني مصدومة من كلامه دموعي تنزل ماكدر احجي اي شي بس ابجي يدوسني و يحقرني ..
ظليت ابجي كعدت على الجرباية اريد استوعب كلامه
ماكدر طلع هو و ينشف بشعره شافني خزرني ..
رحت عليه كتله : شقصدك من كلامك غسان شنو احتقرج مثل ما حقرتيني ترى والله مجان الي قصد أذيك لو استغفلك ..
حجيت هيج و هو بسرعه خله ايده على شفايفي و عصرهن كال بعصبية :ششش لا تحلفين بالله جذب
ديري بالج ترى اكره النماذج الي هيج ..
باوعلي و وخر من يمي راح اتمدد على الجهه الثانية من الجرباية و اني بمكاني واكفة كال بعصبية: طفي النعل الضوة اريد انطمر ..
رحت طفيته و اتمددت على الجرباية بقيت بمكاني اتكلب ماكدر انام جنت اقبل يجي هو يجي يحضني وينام و هسه هو داير وجهه عني و عايفني ..
ثاني يوم كعدت لكيته بعده نايم شعجب متأخر و عنده دووام خفت اكعده لا يحجي عليه بس كلت اذا ماكعده يظل يعصب ..
اقتربت عليه و خليت ايدي على كتفه اهز بيه
كلت بهمس : غساان اكعد ترى اتأخرت على الشغل ..
باوع عليه صفن شووي بعدين خزرني وخر ايده و كال : لا تلزميني كتلج وخري منا خل انطمر عندي اجازة اليوم ..
دار وجهه و رجع غمض عيونه اخذت حسرة و عفته على راحته رحت للحمام غسلت وجهي و غيرت ملابسي باوعت بعده نايم نزلت جوه لكيتهم ملتمين عمي و شهاب و ابنه و سماا كاعده و مبدله يمكن جمارة مغيره ملابسه لان متأخره كلش اليوم ..كال عمي : بوية غسان بعده نايم شنو ؟
: يي عمي لان تعباان و ماخذ اجازة اليوم ..
ماحجه شي و رحت اني يم البنات اساعدهن ..
مرت اياام على نفس حالته غسان ماتغير بس عصبي عليه و يصيح و ينتر بلحجي ..
يظل يتأمر عليه ومن احجي وياه يصيح بس الي عجبني انو يم اهله مايبين انو بيناتنه شي لا يحجي وياي بهدووء ..
يعني مره كاعدين بالاستقبال نباوع هو كام باوعلي
وابتسم كبالهم : زهرة عيني جيبي الي كلاص جاي اني صاعد فوك ..
هزيت راسي مصدومه من كلامه هذا شغيره
بس فرحت كلت الله هداه رحت صبيتله جاي وصعدت فوك لكيته متمدد على الجرباية و بيده الموبايل يباوع عليه ..
اجيته مبتسمه كتله ؛ تفضل هذا الجاي ..
باوع عليه كال بحده: خليه هنا على الميز..
استغربت صوته كلت هذا شجاه خليته كباله و ظليت اباوعله ..
عدل كعدته و اخذ الجاي يشرب باوعلي و كال :شبيج واكفة يم راسي يكول شرطي شرايده مني ..
كتله بأستغراب : ليش هيج تحجي وياي ..
رجع الكلاص لمكانه و كال : شحجي وياج لعد .
رجع ضحك : ههه بس لا حسبالج رضيت وياج لان هيج اتعاملت وياج كدام اهلي ترى بس كدامهم هيج اسوي لان تبقين زوجتي و ماريد اقلل من احترامج كدامهم بس هنا لا ...
رجعت للواقع و اني مخنوكة كلش ما متعودة هيج يتعامل وياي غسان ..
رجع العصر لغرفته هم ما اهتم لوجودي دخل بدل و طلع راد ينام كتله : غسان اريد احجي وياك ..
غطه نفسه و كال : ماكو شي ينحجي اريد انام لان تعبان .
رحت يمه جريت الغطه بعصبية لأن مليت هو انصدم من الي سويته بعدين خزرني ..
ماحس غير جرني من ايدي و جرني عليه صرت بحضنه كال بعصبية : هاي شسويتي ..
كتله و الدمعه بطرف عيني: ما كافي غساان ترى تعبت ..
ابتسم و كال بأستهزاء :انتي تعبتي ؟
سكتت ماحجيت اي شي رجع كال : شتردين فضيه اريد انام .
كتله بقهر : اريد اروح لهلي لان ماكدر استحمل هيج تصرفاتك وياي ..
صفن عليه بعدين وخرني من يمه رجع غطه نفسه
و اني بمكاني منتظره رده ..
بس فاجئني و هو يكول : مااشي بليل حضري نفسج و اخذج لهلج اريد هسه انام ...
ما توقعته هيج يحجي ابد حسبالي يعترض و ما يوافق يكلي شعدج بس صدمني يكلي اخذج ..
رحت للحمام بسرعة ظليت ابجي ماريد ابجي كدامه
ماتوقعت هيج اني رخيصة عنده و مااهمه بأي شي ..
رحت للمراية اغسل وجهي باوعت على نفسي
ضحكت على نفسي كلت : ولج زهرة ليش تبجين لعد شتتوقعين شخص اتزوجج علمود بنته فقط و يحب زوجتة الي ماتت تردينه يكلج ابقي هنا لو احبج صدك ماعندج شغل ..
رجعت حجيت : صح غلطت اني بس جبت صورت خالد بس والله من حبيتك يا غسان ردت ارجعه ما ابقيه هنااا بس اعرف حضي لازم تشوفه ...
..................
رسيل /
بقيت بيت عمي مارجعت هناك للكوت طبعا بأمر من شاهير يكلي ابقي هنا شعندج هناك ترحين .
هم طلع يغار عليه و من منو يغار عليه من ابن خالي احمد يكول شنو هاي علاقتكم صداقتيش راح اتخبل من غيرته ..
من جنت اتصور شاهير هيج طلعت غيرته تموت
يغااار من كلشي و من سئلته كال هذا اني اغار على الي احبهم حتى اختي اول بداية من راد يخطبه شهاب ردته ترفض لان ما اكدر اتحمل تروح من يمنه شحال و انتي مرتي و تكونين الي فقط ...
اليوم كاعدة من الصبح و ضايجة و شاهير البارحة نزل من الدوام بليل و لحد هسه نايم ما يكول اكو وحده منتظرته ..
اجت ابالي خل اروحله باوعت على نفسي بلمراية لابسة دشداشة رصاصي خليت حمرة و لبست الشال
رحت على غرفة شاهر فتحته لكيته ظلمة و الغرفة دافية و شوي من ضوه الشمس داخل على الغرفة ..
الجو سحرني ردت انام على شووي و هيا صدك مال نومة ..
باوعت لكيت شاهير نايم اقتربت من يمه حصرتني الضحكة عليه ..
نايم على بطنه و حاضن المخدة و شعره نازل على عيونه و رجل ضامه بلغطه و رجل طالع من الجرباية ..
رحت كعدت على الجهة الثانية من الجرباية باوعت عليه و صفنت ظليت مبتسمه على شكله يكول طفلة
و نايم ملامح هادئة مو يكول هذا شاهير الي نشوفه كله عاكد حواجبه ..
رفعت ايدي و ظليت اتلمس بشعره و اوخره من وجهة
ردت ابعد ايدي ماحس غير لزمني من ايدي شهكت من الخوف كتله : يمه ..
فتح عين وحده باوعلي بصوت كله نعاس : شكوو شعندج جايه تتحرشين بيه ..
: هااا لا بس ردت اكعدك ..
رجع ايدي على راسه و اقترب من يمي و نام على رجلي كال : بعدني نعسان و تعبان اريد انام هناك مشابع نوم ..
كتله بتوتر : خوش نا نام و اني اروح ..
كال و هو مغمض عينه : لا ابقي يمي و العبي بشعري خليني اخفه على ايدج ..
ابتسمت و ظليت امسح على شعره حسيت انفاسه انتظمت باوعت لكيته نايم دنكت راسي و بسته من خده ...
ابتعدت منه بهدوء و هو ماحس عليه نايم امبين عليه التعب عفته و طلعت من الغرفة نزلت جوه ظلينه نحضر الغده و جوري امبين على عيونه الراحه الله يسعده اجت و كالت هيا و شهاب تصالحوو ان شاءالله خير ..صاار الظهر و كلهم التموو حتى شاهير نزل و سلم عليهم فرشنه السفرة و كعدوو كلهم ..
ردت اكعد يم جوري بس عمي كال : تعاي بوية اكعدي يم رجلج ..
استحيت اني بس كمت و اجيت اكعد يمه هو سوالي مجال و كعدت بصفه شفت طرف ابتسامة ..
كال غيث :الك الله يلحديقة يعني محمد يم مرته كاعد و شاهيير يم مرته رسيله لعد و اني يمته ..
استحيت من كلامه كالت حبوبتي : ولك صلي على محمد عينك دهر .
: حبوبه اني ماحسد ..
رجعت كالت حبوبتي : وانت يمه ليث يمته ترجع مرتك و هم تجي هيج تكعد يمك و تشوف شتريد ..
دنك راسه و ياكل كال بهدوء : الله كريم حبوبه ..
: والنعم بالله يمه بس ما يصير هيج روح رجعه ..
باوع بضوجه كام من مكانه و كال : الحمدلله شبعت ..
ظلينه ساكتين واحد يباوع بوجهه الثاني خطية كلش ضايج و حتى ما يكعد ويانه هواي و الي سمعته من جوري انو شغلتهم صعبه كلش و المصيبة زينب طلبت الطلاك منه و اخوها فارس وياها بكلشي ...
صحيت من صفنتي على كلام شاهر بهمس كال
: شبيج بوية ليش صافنة ؟
همست يمه : لا مابيه شي ..
:لعد اكلي و بطلي هاي صفناتج ..
هزيت راسي كاعد اكل و خل يمي لحم يفلس و ينطيني كتله بهمس : كافي شاهيير ..
ابتسم : فدووة لهاي كلمه بوية اكلي شايفة نفسج شلون صايرة و ضعفانه ترى اني ماحب مريتي تصير ضعيفة و معصعصه ..
ابتسمت و ظليت اكل و هو ينطيني باوع علينه غيث و كال : اووف وين يلبالي و تجين و افلسلج سمج مو بس لحم و حتى اوكلج بيدي ..
باوعله شاهر :جاا شجاك ما تزوج و تفلس لمرتك حتى تبطل تباوع علينه و تحسد بينه ..
كال بقهر : لو بيدي من باجر اعرس بس غير الخاتونه تريد مو هسه تزوج تشلع بكلبي ...
ضحك محمد :والله عفية عليه جمارة قوية و تعرف شلون تسحلك و تستاهل هيج يصير بيك ..
كالت مرة عمي : يااا شجاكم على ابني تعال يمه اني اوكلك تعال ..
خله ايده على خده غيث و كال : مشكوره يمه ماريد منج اكل اريد اكل من ايد جمارتي انتي روحي وكلي سلمان ..
خربنه من الضحك على كلامه كالت مرة عمي : طاح حظك اي والله مو صوجك و تستاهل كل الي يصير بيك ..
كال عمي بأبتسامه : طايح الحظ شنو سلمان ..
: جا شسمك انت غير سلمان ..
: ولك أبوك اني بس بسيطة على لسانك هذا اني اشوف منو الي يعرس و جمارة اخذله واحد احسن منك ..
من حجه هيج عمي مانحس غير غيث طفر و راح يم عمي باس راسه و كال : بوية تاج راسي انته كاعد اتشاقه ويااك يعني ليش هلكد صاير ما تتحمل الشقة ..
: يي هيج و تعدل ..
باوعت على جوري غمزتله ابتسمت و هزت راسه
كالت : بابا احنه ضايجين اني و جوري و فاتن خل نطلع اليوم و احد يطلعنه فدوة و هم نريد نشتري غراض محتاجين ..
كال ابوي : روحن بوية بس شوفلجن احد ..
كال شاهر و هو يباوعلي و رافع حاجبه : بوية اني اخذهن العصر ..
خلصنه اكل و كمنه شلنه السفرة و سويت جاي
رحنه يمهم كعدنه و قدمت جوري الهم و صعدت لليث جاي لغرفته مايريد ينزل جوه ..
كاعد اشرب جاي و اجاني مسج باوعت لكيته من شاهير رفعت راسي لكيته مدنك على موبايله و يشرب جاي ..
كاتب اليه :يعني من انتي ضايجة و تردين اطلعين ما تكليلي و اطلعج الا ترحين و توسطين جوري ..
ابتسمت و كتبت اله :مو استحيت منك ..
رفعت راسي لكيته يباوعلي و مبتسم رجع دنك يكتب شوي و دزلي : انتي تستحين ؟ من يمته ولج و تعاي وخري هذا المستحه انتي صرتي زوجتي يعني عوفي هذا الشي و كلشي ترديه و تحتاجيه تجين عليه اطلبين ماشي بوية ..
كتبت اله : ماااشي بس شاهير ..
: ها بوية كولي ..
ابتسمت و كتله : احبك اني ..
رفعت راسي عليه لكيته يضحك و مدنك راسه
اجتني رساله منه كاتب :هههه واني هم ... جهزي نفسج اليوم ما اتأخريني مفهموم ..
سديت الموبايل و ضلينه اني و البنات نسولف و همه يسولفون على الشغل صارت ب٢ صعدنه احنه البنات دهلت سبحت و طلعت شسورت شعري و مشطته ..
لبست بنطرون جينز و قميص زيتوني و لفيت حجابي و لبست عباية بأمر من شاهير ..
نزلت لكيتهن منتظراتني طلعنه اني كعدت كدام يم شاهير و هنا وره ماقبلت اول شي بس هنا اصرن ..
وصلنة لمجمع نزلنه مشه كدامنه شاهير و احنه وراه
دخلنه على محل هوسة كلش و هو ابتعد اجاه اتصال
اني من الخنكة و الازدحام طلعت بره وكفت يم الباب ..
اتذكرت شاهير مدري شجاني و ابتسمت انتبهت على نفسي لان بره كدام الناس اتبسم هسه يكولون عليه خبله ..
وصدك رفعت راسي و جان اشوف شخص كبالي يباوعلي و مبتسم من شافني انتبهت عليه هو غمزلي
اتفأجئت من يمه حسباله هسه ابتسم اله ..
اجه قريب عليه وكف و كال بهمس : الحلو يبتسم
لعد انطينه الرقم اذا هيج .
وي كلامه و ماشوف غير شاهر واكف وراه يباوع و يخزر كال بحده : تريد الرقم حاضر ..التفت عليه الولد كال : عفواً منو أنت..
كال شاهر : اني أجيت اخذ روحك ..
حجه هيج و راح على الولد يضرب بيه و اني اصيح و هذا شاهر كام يغلط ة يحجي حجي اني من يمي انصدمت البنات طلعن و من شافن شاهر هيج كام يصيحن ..
هو سمع صياحنه كام من يمه بس بعد ما خلصه خلاص
شافنه هيج عاط بوجهنه : و قزر قرط و مرض شبيجن يلاااا امشي وراااي لا احرك عشيرتجن هسه ..
مشه و احنه وراه نتراجف خاصة اني لأن الي صار بسببي ظليت ابجي و البنات يباوعلي مصدومات يعني بعدنه بأول محل وهيج صار ..
صعد و احنه هم صعدنه كعدت بمكاني هو حرك و مانسمع غير صياحه و غلطه.
:طايحات الحظ مو صوجن صوجي اني الي اطلعجن دائما أحلف و ارجع اخذجن شجاااني ..
عود ردت اهدي بيه كتله : شاهير اهدئ فدوووة ..
هو باوع عليه خزرني اتمنيت اموت و لا هيج يخزر
كال بعصبية عليه و صاااح : انتي انجبي احسلج احساابج من اوصل للبيت ولج لو ما انتي مبتسمه مجان اجه و اتجرئ يجي عليج و يزحف ..
اتفاجئت من كلامه كتله بقهر : اني شكوو شنو مبتسمه اله هو راد بس شي حتى يزحف .
صاح عليه بعصبية : انتي حجيتيه يريد بس شي حتى يزحف و ينطيج رقمه و انتي بس صافنة و تتمضحكين بلشارع ..
صاح : الف مره كتلج بطلي هاي صفناتج بس ابد ماتفهمين بالكلاااام ماعندج كل احترام لكلامي بس هو وين الاحترام و التربية و انتي تتمضحكين للزلم ..
شهكت فاتن من كلامه بعدين سكتت و اني صافنه من كلامه و ابجي كتله بخنكة : شقصدك شاهر اني محد مربيني و ماعندي تربية و احترام لأي احد و هم اضحك لزلم ..
كال بهمس :استغفر الله..
صحت بقهر : احجييي مو هيج قصدك شنو شايفنب فهمني بنت شوارع و هيج تحجي لو قصدك لأن امي مامهتمه بيه افهم كلش زين اني متربية احسن تربية و عندي احترام للي رباني .
كملت كلامي و ابجي :لو هيج شايفني ماعندي احترام و اتمضحك للزلم لعد ليش خطبتني اذا تريد نفصخ هاي الخطوبة و كل واحد بحال سبيله ..
باوع و خزرني كال :لا تظلين تاكلين تبن و تحجين براحتج اني ما جان هيج قصدي ..
درت وجهي من يمه و ابجي بس بسكته ماريد يسمعني
كلامه جرحني كلش هاي ثاني مره هيج يسوي بيه هيج و يشكك بأخلاقي تعبني كلش ...
وصلنه للبيت و نزلت اني اول وحده من حركة كلبي
سديت الباب بقوة نزلت و هو يصيح عليه يريدني اوكف..
وصلت جوه لاستقبال لكيتهم كلهم كاعدين ألولد و عمي و مرة عمي و بيبي و جدي ..
كالت مرة عمي :هاي شبسرعه اجيتو ..
ردت امشي ماحس غير جرني من ايدي بقوة و دارني عليه كال بعصبية : من اكلج اوكفي توكفين فهمتي ..
بجيت و كتله بشهكة : شتريد مني شاهر شنو بعد عندك حجي تريد تحجيه نسيته بلسيارة ..
كال : ولج افهمي جنتي عصبي و مو بوعيي هيج حجيت ..
وخرت ايده من يمي و كتله بحركة كلب : هو العصبي يطلع الي بكلبه انت دائما تجرح بيه و اني اسكت و حسبالك لان احبك تكعد تذلني ..
كام يصيح كدامهم بعصبية كال : خرب بهيج عيشة عايشه ولج شنو اذلج ليش ما تبطلين تفسرين الكلام من وحدج ..
كال عمي بعصبية : ولكم شو ما تحترمون اي احد احجو شبيكم هيج متخبلين ...
كتله : عمي اسئل أبنك ترى اتحملت منه هواي بس مال يتجاوز عليه ما اقبله والله ..
صعدت فوك و اني اسمعه يصيح عليه بس ما اهتميت
رحت للغرفة و قفلت الباب رحت كعدت على الجرباية و ظليت ابجي ..
احس نفسي اتندمت على هذا الزواح يعني بدايته هيج و هو هيج يتصرف و يشك بأخلاقي و تربيتي و اني مو الغلطانه ماكدر اتحمل عصبية شاهر ابد ...
بقيت لليل و اني ما نازله يدكن الباب عليه بس ما افتحه ابد ..
و حتى هو ما اجه عليه و لا اعتذر و هذا الي قهرني اكثر يعني ما مهتم الي ...
صار ثاني يوم و اني بس كاعد و اتكلب من القهر
نزلت جوه الصبح سلمت على عمي و ما كال على سالفة البارحه و احسن هم ..
كتله : عمي اليوم اريد امشي للكوت لخوالي ..
باوع عليه و عرف ليش كاال : استأذنتي من رجلج ..
: لا عمي شكو ليش اسئله اني اريد امشي لخوالي و اجيت اخذ الأذن منك ..
ابتسم : بوية هاي قبل اذا تردين اطلعين تاخذين السماح مني بس هسه زوجتي و عدج رجال الي يكلج اي او لا روحي شوفيه يلا ..
كمت من مكاني و اني مقهوره يعني لازم اخذ كلمة من هذا البارد ..
رحت صعدت فوك لغرفته و اني بعدني ضايجة منه
دكيت الباب كال : تفضل ..
فتحت الباب باوعت عليه هو شافني جان واكف يم الكنتور ..
من شافني رجع يكلب بملابسه كال : خير شكوو ؟
اتنرفزت من كلامه كتله : اجيت اريد اكلك اريد امشي لخوالي كلت لعمي يكلي استأذني من الي عندج ..
باوع عليه برفعة حاجب كال برود : و هسه شنو جاية تاخذين الأذن مني ..
كتله بقهر :ييي
كمل برود : و اني اكلج لا ماكو روحه ..عصبت من كلامه اتقدمت عليه كتله : هو شنو لا لعد هو بكيفك اشوو امشي و غصباا عن الكل ..
حجيته بعصبية و درت وجهي وصلت يم الباب ماحس غير الباب انركع بقووة و انسد بلعت ريكي بخوف و اني اسب نفسي على كلامي ..
ماحس غير صوته يم أذني يهمس بحده :شتكولين غصباا عليمن ..
ماحجيت اي شي لزمني من زندي عصر بقووة و اني متألمه دراني عليه و يباوعلي بعصبية : غصبا ما عليه طلعين هااا ...
: اذا انتي مره روحي طلعي عتبت باب بيتنه وشوفي شسوي بيج لسانج هذا ترى اكصه و الي كفل زينب
ترى اني مو اي واحد تجين تشاقين وياااه فهمتي ..
غوركت عيوني من كلامه كتله : بس اني اريد امشي ..
باوع عليه و كال بهدوء :واني كلت لا و يلا طلعي ..
نزلت دمعه من عيني مسحته بسرعه كتله بقهر : ماشي شاهر روحه مراح اروح بس بسيطه مثل ما قهرتني هم اقهرك ترى مو لعبة اني عندك اذا انت عصبي تذب حركتك بيه لو مرتاح تجي عليه زين ...
درت وجهي و طلعت من الغرفة رحت لغرفتي بس ابجي و دموعي على خدي ما مصدكه شاهر هيج طلع كلبه صخر كلش كاعد اشوف كل يوم صفة من يمه جان ضامه ...
يتبع...
