After Five Years

Chapter 2.7

Nandito pa rin ako sa left side ng bakal na gate dahil hindi ko naman akalain na lahat pala ng Grade 10 ay maiisipan na kumain ngayon sa canteen. Anong oras naman na kasi kaya panigurado yung iba ay naisipan na lang din na bumili na lang dito at hindi na magbaon pa.

"Ang gwapo talaga ni Kuya na nandoon no!"

"True! May girlfriend na kaya siya?!"

"Ia-add ko sa Facebook mamaya si Kuya! Oh my gasul! Kyahhhhh!"

"Take note hah, hot din siya kaya whole package na!"

Ewan ko ba kung bakit panay ayan ang naririnig ko ngayon sa mga estudyante na babae na Grade 10. Lalaki na gwapo na nasa couch. Eh yung couch na tinutukoy nila ay yung nasa harapan ng room ko. Most of the time kasi ang couch na iyon ay ginagamit para upuan ng naghihintay na magulang o guardian lalo na at malapit dito ang faculty kapag kakausapin ng teacher about sa concern sa mga student.

Hindi ko na sila pinakinggan pa muli dahil puro salitang 'gwapo' at 'hot' ang naririnig ko mula sa kanila. Halos kumunot naman ang noo ko dahil sa naiisip ko na hindi yata sila nauubos. Paano ba naman kasi ay halos hindi na sila magkasya na lumabas sa may bakal na gate at yung iba ay napipilitan na sa kabila na lang dumaan kahit na mas malayo ng konti yung daan doon sa Grade 6. And mostly mga lalaki ang dumaan doon at puro mga kababaihan naman ang nandito na sa nakikita ko ngayon ay parang ang bagal nila na lumakad. Napaisip tuloy ako kung artista ba yung nasa couch dahil grabe humanga ang mga babaeng estudyante dito na animo ngayon lang sila nakakita ng lalaki na gwapo. Kung gwapo talaga iyon.

"Kyahhhhh! Shems! Parang gusto ko na pakasalan yung lalaki kanina!"

"Tumigil ka! Akin siya! Akin! My prince charming is here! Oh my god!"

"Grabe ang gwapo ni Kuya para bang nakita ko ng personal si Leonardo DiCaprio noong binata pa siya! Ang hot ni Kuya!"

Dahil sa paghihintay ulit ay napakinggan ko na naman ang sinasabi ng mga estudyante na babae. Hindi ko alam pero parang sinasadya na marinig ko ang mga sinasabi nila kahit na tumataas na rin ang volume ng ingay dito sa canteen dahil sa bilang nila. O talagang chismosa lang ako? O baka dahil sa nagulat ako sa mga sinasabi nila dahil noong nasa edad pa nila ako ay in-denial pa ako na ganoon nga si Breeze. Teka! Bakit naman si Breeze agad ang pumasok sa isip ko? Hindi kaya siya gwapo at mas lalong hindi... ano...ano... basta!

Erase. Erase. Erase.

Shaze, yung mga bata muna ang intindihin mo at baka kung mapano sila. Tama! Yung mga bata nga ang dapat inaatupag mo ngayon at hindi ang lovelife mo. Kung mayroon man. Aish! Assuming ko talaga!

Tila nakahinga ako ng maluwag nang medyo lumuwag na ang daan dahil sa konti na lang ang mga nagdadaan na Grade 10. Hindi na ako nagsayang ng panahon at dire-diretso ako na pumasok sa bakal na gate. Hindi ko na rin inisip pa yung lalaki na sinasabi ng mga Grade 10 na nakaupo daw sa couch dito sa harapan ng room ko dahil hindi naman ako interesado. May kung ano man na nagsasabi sa akin na tignan yung sinasabi nila na lalaki na nasa couch na alam ko na kapantay ko na ngayon, kahit man sa peripheral vision lang pero hindi ko naman ginawa kasi loyal ako. Loyal ako sa taong hindi naman sa akin.

*thud* *thud* *thud*

Kumakabog ang dibdib ko sa bawat hakbang sa hindi ko malaman ulit na dahilan. Feeling ko kasi may nakatingin sa akin at pinagmamasdan ang bawat galaw ko. Pero sa kabila nito, pinagpatuloy ko pa rin ang paglalakad at kung kanina ay sobrang kinakabahan ako, ngayon naman ay kulang pa ang salita na 'sobra' para ilarawan ang kaba na nadarama ko. Hindi man halata sa mukha ko pero halata naman sa puso ko na ang klase ng tibok ay yung pwede na akong mamatay sa sobrang bilis at sa kamay ko naman dahil sa panginginig nito.