နန်းကျအရှင်ရဲ့ အခြေအနေ အရပ်ရပ်ပေါင်းများစွာ : Myanmar translation (Unicode)

Part - {8}

"မင်း အညံ့ခံတော့မလို့လား? မင်း စိတ်မှန်သေးရဲ့လား မြို့စားမင်း?" ကာလ်တန်က ကြောင်အစွာ ပြုံးလိုက်တယ်။ သူ့ရဲ့ ရယ်မောသံက လူလ်စန်ရဲ့ နောက်ကျောကို ထိုးဖောက်နေသလိုမျိုး စူးရှလွန်းတယ်။

"မင်း အခုမှ အညံ့ခံတယ်ပေါ့? မင်းသာ အသက်ချမ်းသာချင်ခဲ့ရင် မနေ့ကတည်းက ဂိတ်တံခါးကို လိုလိုလားလား ဖွင့်ပေးခဲ့သင့်တာ။ မင်း ဒီတိုက်ပွဲကို အချိန်ဆွဲနေခဲ့လို့ ငါ့တို့တွေ ခက်ခဲကုန်ကြရတာ။ ဒါ့အပြင် ကြည့်ရတာ မင်းက မင်းရဲ့ နာမည်ကောင်းနဲ့ တွန်းအားပေးပြီး အခြားသူတွေ ဒုက္ခရောက်စေဖို့ မျှော်လင့်နေသလိုပဲ..."

ကာလ်တန်က လူလ်စန်ရဲ့ နောက်ဖက်ကနေ ပုခုံးကို လှမ်းပုတ်လိုက်ပြီး သူ့ရဲ့ အားက လူလ်စန်ကို ယိုင်သွားစေတယ်။ "ကံမကောင်းစွာပဲ ကျွန်တော်မျိုးက ကြင်နာတတ်တဲ့လူ မဟုတ်ဘူး ဖြစ်နေတယ်။ မင်းဖက်က စစ်ပွဲစတင်ခဲ့ရင် အဲ့ဒီ့အတွက် တာဝန်ယူပေးရမှာပေါ့ အရှင်ရယ်"

ကာလ်တန်က သူ့ရဲ့ ဓားအိမ်ကနေ ဓားကို ဖြည်းဖြည်းချင်း ဆွဲထုတ်လိုက်တယ်။ လှိုဏ်သံထွက်ပေါ်လာပြီး ဓားဖျားကို လူလ်စန်ရဲ့ နှာခေါင်းနားမှာ ချိန်ရွယ်လိုက်တယ်။

"ငါမင်းကို အရင်သတ်လိုက်မယ်။ ပြီးမှ မင်းရဲ့နယ်မြေကို ဖျက်စီးလိုက်မယ်။ ကျွန်တော်မျိုးက ကိစ္စရပ်တွေကို ဘယ်လို ‌ငြိမ်းချမ်းစွာ ဖြေရှင်းရမယ် မသိဘူးလေ။ ငါ့ကို လာတိုက်ခိုက်တဲ့ သူတိုင်းက ဆိုးဝါးတဲ့ အဆုံးသတ်အထိ တိုက်ခိုက်ခံရမယ်။ အထူးသဖြင့် အရှင့်လို အထက်တန်းလွှာပေါ့"

ဒီအရူးကတော့။

အကြောက်တရားက လူလ်စန်ကို လွှမ်းမိုးနေတယ်။ စစ်သည်တော်မျက်လုံးထဲက ဒေါသတရားတွေဟာ ပြတ်သားလွန်းတယ်။ သူ့ရဲ့ ဘယ်စကားလုံးကမှ နှောင့်နှေးခြင်း မရှိခဲ့ဘူး။ သူ့နာမည်ပြောင်တွေ၊ သားသတ်သမားနဲ့ ဖျက်စီးရေးသမားဆိုတာတွေက အပိုမဟုတ်ဘူးပဲ။ သူက မင်းမျိုးမင်းနွယ်တွေကို သတ်တဲ့အပေါ် စိတ်နှောင့်နှေးမှု မရှိတဲ့သူပဲ။

မဟုတ်ဘူး။ ကာလ်တန်က ဒီလိုအခြေအနေမျိုးကို ပိုပျော်တတ်တာ။ လူလ်စန် လေလွင့်ခဲ့ရတုန်းက မဟာနွယ်တွေကို မုန်းတဲ့လူ‌ တော်တော်များများ တွေ့ဖူးတယ်။ ဒါပေမဲ့ အဲ့ဒီ့လူတွေနဲ့ ကာလ်တန်ကြားက ကွာခြားချက်က ထိုလူတွေဟာ အထက်တန်းလွှာတစ်ယောက်ရဲ့ အာဏာကို ကြောက်ရွံ့ကြတယ်။ ကာလ်တန်မှာ အဲ့လို ကြောက်ရွံ့မှုမျိုး မရှိဘူး။