صباح الحب والورد 🍀☘️
الكذب لا يخفي الحقيقة إنما يأجل انكشافها فيرسلها الله إليك دون سعي أو جهد منك لا تحاولوا إخفاء الحقيقة فقد اقسم الله ان الكاذب مفضوح مكشوف أمره ولو بعد حين
🍃🌾🍃🌾🍃🌾🍃🌾🍃🌾🍃🌾🍃🌾
نورس : كمت احجي ويا منذر كدام امي وخواتي بدون خوف وقلق
وكمت اطلب من منذر الي نفسي بي
من فلوس للملابس للتلفونات للعطور
ايي شي جان بنفسي اكول المنذر عليه ثاني يوم
يكون يمي
وبشرط امي بيدها تنطيني يا
وتكلي هذا من منذر
وجان منذر روحه حلوة يشاقه ويضحك ويسولف
شخص كلش يحب الحياه
علمودي يتنازل عن كل شي
ايام تروح وايام تجي واني الملكة بالنسبه المنذر
حبني بجنون
منذر : كولي احبك
نورس : اممم بعدين
منذر : حبيبتي كوليلي احبك ترى تعبتيني
نورس : وشيصير اذا كلتلك احبك
منذر : ارتاح
نورس : اممم هيج كلمة احبك تريحك
منذر : منج ييي تريحني
نورس : احبك منذر
منذر : افيشششششششش كون يمي وبحضني وتكوليها
نورس : شسوي
منذر : من اصيرين بحضني راح تعرفين شسوي
نجمة:الكل شي اكو مقابل
وجانت مقابل طلباتي تنازلات
ورى كم شهر من كلامي واعترافي المنذر بالحب بدأ يطلب مني صور
وكمت ادزله صوري بس محتشمة
وراها كام يطلب مني صور مغريه ومجنت افهم شلون صور مغريه
كمت اسأله وهو يعلمني شلون اخذ الصور المغريه
واخذ بهاي الصور المغريه بالقطات الي تعجبه والي تغري وتثير شهوته وادزها وهو متخبل عليه
جنت مثل المنيمه مغناطيسياً اتجاه منذر
شيطلب اكله حاضر ولحد هاي اللحظه مااعرف ليش جنت هيج اسوي
كام يطلب مني افتح كام ويا ونسوي سوالف مثل الرجال ومرته
كام يحسسني اني مرته بس قيد الزواج
وهذا الشي مااكتفه بالتلفون
بيوم من الايام
جنت كاعدة بالغرفه ودخلت عليه امي
بشرى : نورس كومي بدلي علمود تجين ويايه للسوك
نورس : مابيه حيل شوفي غيري
بشرى : لا انتي لازم تجين لان منذر هو الي راح يوصلنا
نورس : شنووو منذر وشوكت خابرتي وليش يوصلنا
بشرى : لعد اروح تكسي واذب كومة فلوس
نورس: يعني من كلامج هذا ماخذه فلوس من منذر
بشرى : ييي لعد شلون اسممكم
نورس : انتي شنووو من ام فهميني
بشرى : راح اركعج بالنعال كووومي بدلي الرجال ينتظر بالباب
نورس : بدلت واني اعصابي تحرك بيه اريد احركها الامي واخلص منها
نزلت من الدرج وشفتها واكفه كدام المرايا تعدل بنفسها
الي يشوفها يكول مراهقه
طلعت شفت منذر يحجي بالتلفون
اول مصعدت بالسيارة بتسملي وسد الخط
منذر : شلونها حبيبتي
نورس : ليش انطيت الامي فلوس
منذر : هي طلبت مني
نورس : وعلى ياا اساس تطلب منك
منذر : على اساس ام حبيبتي
والخاطر حبيبتي كل فلوسي فدوة
نورس : ردت احجي بس امي صعدت للسيارة
بشرى : راح نتعبك ويانه
منذر : لا يابه تعبكم راحة
نورس : الطريق كله اني ساكته وامي سولف ويا منذر لحد موصلنا للسوك
ردت انزل ومااقبل
منذر : نورس راح تبقين ويايه
وامج هي الي تنزل للسوك ومن تخلص تخابرنا
نورس : شلون ابقى وياك
بشرى : قابل شكو راح ياكلج
اني نازلة
نورس : عافتني ونزلت واني مثل الخشبه مااتحرك من الصدمة
محسيت غير على ايد منذر على خدي ادير بيها وجهي اتجاهه
منذر : شبيج
نورس : يعني شبيه
منذر : اني اكثر شخص يخاف عليج
نورس : اعرف
منذر : دام تعرفين راح اخذج المكان
نورس : شنو هذا المكان
منذر : بيتي
نورس : وشسوي بيتك
منذر : اشوفلج ياا علمود اشوفين مكانج الي راح تعيشين بي وياية
نورس : خفت من عندة وكلشي يكدر يسويلي
عفيه رجعني
منذر : تخافين مني
نورس : كل شي يصير
منذر : لاتخافين مااسويلج شي
نورس : اخذني منذر البيته ونزلني من السيارة
وجان البيت كلش حلو جبير وبناء حديث
والتصاميم الداخليه كلش حلوة
حتى اثاثه حلو مبين مال ناس طاكه وعدها كومة فلوس
دخلنا للغرفه
كاعدة اباوع عليها
ومنذر حاوط خصري بين ايدي وسحبني الصدرة
صار ظهري على صدرة
وخلى راسه على جتفي
منذر : هاي اول مرة هيج ارتاح
نورس : وخر شويه
منذر : بالتلفون مسوين اكثر من هذا الشي
نورس : يي هذا بالتلفون
منذر : واني اريد شويه من الي نسوي بالتلفون
نورس : ماا لحكت احجي بسرعة فر جسمي عليه
واخذ شفتي بين شفايفه
وجانت اول مرة اجرب البوسه
باسني بكل حب ولهفه
حتى من كثر حبه اليه كامت بوسته تصير قاسية
مااوخر عني لحد ما ردنا الهوى
منذر : ياااربي شهل شفايف وشنو من طعم بيها
نورس : بعد لاسويها
منذر : مستحيل مااسويها الي يضوك هذا الشهد يكوم كل يوم يطلب بي
نورس : خلي نروح كافي
منذر :يي قبل منروح تعالي
نورس : سحبني من ايدي و وكفني كدام المرايا
جانت المرايا على طولنا
نزعني شالي وفك شعري
وحضني من ورى
منذر : اخذيلنا صور اني وياج
نورس : تفاجئت من طلبه
منذر : مو وكت صفنتج يلاا اخذيلنا
نورس : كمت اخذ صور بااكثر من لقطه
صورة وهو يلزم شعري ويخلي على خشمة
وصورة حاضني قوي ومخلي راسه بركبتي
وصورة خلاني ادفن راسي بصدرة وهو اخذ الصورة
جانت لقطات مال مزوجين مو مال ثنين يحبون بعض
مااطلعنا من البيت لحد مخابرت امي وكالت تعالولي
لبست شالي وعدلت نفسي ورحن الامي
الطريق كله نضحك
اعتبر من هذا اليوم اني خصرت برائتي
خصرت الشي الثمين الي لازم ماانطي بس الزوجي
من رجعت للبيت وسولفت النجمة على الموضوع لكيتها تحجي ويايه بطريقه هي معاجبها الوضع ومن ورى خشمها
نجمة : يي بالعافية عليج
نورس : ليش احسج من ورى خشمج تحجيها
نجمة : انتي تحبي
نورس : شهل سؤال
نجمة : سؤالي واضح نورس
نورس : ماادري مكاعدة اعرف شي
نجمة : شنو مكاعده تعرفين شي
ترى انتي الي ماتعرفي من الاساس هو منذر
نورس :شنو قصدج
نجمة : منذر شتعرفين عنه غير ضابط وعنده فلوس
نورس : مااعرف شي
نجمة : اهله وين ؟
عمرة شكد؟
مزوج ؟
مطلك ؟
وين يروح من ينزل من الدوام ؟
انتي كل شي متعرفين عنه
نورس :بس هو يحبني وكل شي اريده يسوي
نجمة : اكيد اكو مقابل
نورس : ردت اجاوبها بس عافتني وطلعت من الغرفه
مااا فكرت بكلام نجمة ابداً
مافكرت شنو المقابل
ييي نورس المقابل جسمج وارضئ شهوته
ييي المقابل اني صرتله مره يطفي بيها غريزته
شنو الشي الي مااخليته يشوفه
شنو الشي الي حافظت عليه
بس هذا التفكير مااجاني غير بعد فوات الاوان
سنتين دامت علاقتي بمنذر وهو شيطلب اكله حاضر
لحد مايوم دكيت عليه طلعلي صوت ولد
الو منو
الولد : اني الحارس الشخصي
نورس : ييي منذر وين
الولد : عايف التلفون بالمكتب لان عنده تحقيق
نورس : تمام من يجي خلي يخابرني
الولد : بس دقيقه قبل متروحين
انتي نورس مو
نورس : ييي اني نورس
الولد : راح اخذ رقمج واتصل عليج
نورس : ليش عود
الولد : عندي موضوع كلش مهم وياج
نورس : احجي هسه للموضوع
الولد : مااكدر احجي هسه لان كلها دقايق ويجي منذر
نورس : تمام
سديت الخط وضليت انتظر الولد يخابرني
ربع ساعه ودزلي مسج مكتوب بي اني الحارس مال منذر سجلي رقمي ومن اخلص الواجب اتصل عليج
دزيتله تمام
ضليت انتظر وانتظر
والف فكرة صارت بعقلي
ليش يريد يحجي ويايه
ومنين يعرف اسمي
كومة اسأله
والانتظار طال الاربع ساعات
وراها دك عليه
الو
الولد : الو شلونج نورس
نورس : تمام ممكن تفهمني شنو الموضوع
الولد : الله شاهد اني اعتبرج مثل اختي
ومااحب اختي ينضحك عليها
نورس : بشنو مضحوك عليه
الولد : اسمعي اختي اول شي اريدج تحلفيلي
الشي الي راح اكلج ياا ماايوصل المنذر
نورس : وداعت عافيتي ماكول المنذر
الولد : اسمعي اخيتي
ترى منذر مزوج وعنده اطفال ثنين
هاجر زوجته علمودج
وعايف حتى جهاله من وراج
والمرأه شاهد الله خلقه واخلاق وجمال وصاحبه ملكه
الي يشوفها ينقهر عليها لان منذر يدور عليها
ماادري اذا هو مفاتحج بالموضوع او لا وعلى الاكثر ممفاتحج بي ومكايلج مزوج
بس هو مزوج
وعندة اطفال ولد وبنيه
££££££££££££££££££££££££££
للحكاية عناوين 😢
لاتنسون النجمة والتعليقات الحلوة 🥺
