صباح الحب والتفائل
وابد مـا يسـوون حسـره وصفگت اليا حيف!
نجمة : رجعت اركض من المطبخ
شكد مايستحي
ونظراته اخترقج جسمي
عبالك مشايف بنات قبل
شكد سخيف
دخلت للاستقبال وكعدت يم بيبي ام مهدي
مارحت يم امي اخاف انوب تكلي روحي جيبي مي
وهذا هم يرجع هيج يباوعلي
ماصدكت تخلص الحفله علمود ارجع واخلص من امي الي ضلت كل شويه ادزني المكان
وتخلني النسوان يباوعن عليه
والله حسيت امي كاعده تستعرض بيه
وتكول يلاا منو يزوجها
كلش انقهرت منها
من خلصت الحفله طلعنا من البيت
لكيت نفس الرجال الي شفته بالمطبخ
عرفته هو محمد ابن ام محمد
محمد : خاله تعالو اوصلكم صارت الدنيا ليل
بشرى : ييي يابعد طولي والله مابيه حيل امشي
محمد : يي ادللي خاله اصعدوا
نجمة : كمت اكمز من ورى امي اعصابي تلفت
مخجلتنا بكل مكان
بعد ولا اطلع وياها
صعدنا بالسيارة
بيبي ام مهدي صعدت ليكدام
واني وامي ليورى
وهو الطريق كله يباوع بالمرايا عليه
واني درت وجهي على جهه الشباك علمود مااشوفه
ماحسيت على كرصه بزري ردت اعيط من الوجع
لكيتها امي
ليش كرصتيني
حجت بصوت شبه مسموع
بشرى : بنت الحي... بااعي على المرايا
ولا ديرين وجهج
نجمة : مااباوع
بشرى : اذا متباوعين هسه اكفخج كدامه واحزيج
نجمة : خفت منها تخجلني
باوعت على المرايا
وصارت عيني بعينه
من عرف كاعدة اباوع عليه
ضل يباوع
والله خفت لا ننتدعم
والطريق سوى شطوله
ماوصلت للبيت لحد ماكرهت روحي
يلا وصلت اول ماا وكفت السيارة
بسرعه نزلت وركعت الباب
ودخلت اركض للبيت
شفت نورس بالمطبخ هي وملاك
انصدمن من شافني بهاي العصبيه
نورس : لج شبيج
نجمة : شوكت الله يخلصنا منها
ملاك : ليش شسوت
نجمة : فضحتنا فضيحه
مااخذتني وياها تستعرض بيه
ناقصها بس تكول منو تاخذها الابنها
لعبت نفسي
عبالك بايرة وكاعده على كلبها
ملاك : كوليلي بيت ام محمد عدهم فلوس
نجمة : ييي بيتهم يخبل
ملاك : ييي علمىود هااي تريد تستفاد منج
نجمة : كاعده احجي ومااحس غير انجريت من شعري
بشرى : بنت القن.. بنت الكو...
ابوج الك.. ذبج عليه وراح نكبر
شوكت اخلص منج
تركعين باب السيارة
انتي مو وجهه نعمة
تموتين على الفكر
نجمة : تكطع شعري بيديها وهي اجر بي بكل قوة
مااهدتني لحد ماا شعري نصه صار بيديها
بس عافت شعري صعدت اركض للغرفه
بجيت ونهضمت ودعيت عليها
مااكو بنيه تكدر تدعي على امها
بس اني من قهرها وظلمها وانانيتها
كمت ادعي عليها الله ياخذها ونخلص منها
كلنا نرتاح
انسانه تحب الفلوس
تبيع امها وابوها على مود الفلوس
ورى هذا اليوم بااسبوع
سمعت بيبي ام مهدي وامي يحجون بصوت ناصي
ام مهدي : اني اعرفج مطايقتها النجمة
والكل يعرف مو بس اني
زوجيها وخلصي منها
بشرى : يريدها محمد ابن ام محمد قسمه زينه وعنده فلوس
ام مهدي : هو شيشتغل
بشرى : ابو تاجر مال قطع سيارات
وهو يشتغل ويا ابو وعندة محل مال عقارات
ام مهدي :يي هذا يلغف فلوس لغف
انطي النجمة واخلصي من عدها
بشرى : هوو راح انطيهم الخبر بالموافقه
وغصباً عليها توافق
ام مهدي : لاتنسين اطلبي مهر غالي
بشرى : هو هذا اهم شي
نجمة : سمعت الكلام الي صار بين بيبي وامي
واني حيلي نهد
مااعرف شلون اخلص منهم
كاعدين يبيعوني بيع
يفكرون بس بالفلوس وبالمهر
وامي مثل كل مرة سمعت كلام بيبي ام مهدي
واتصلت بام محمد
وانطتها الموافقه
واني سمعت موافقتهم
واني كلبيت البيت عزة عليهم
كمت اعيط واصيح
والطم وابجي
مااعرف شسوي
حتى تكسير الغراض كمت اكسر
واعيط بكل صووتي
ماااريد ازوووج مااااريد حرام عليكم
لكن استوقفني كلمه امي
وهي كاعدة على القنفه ومخليه رجل على رجل
ولازمة التلفون بيدها
وتحجي بكل برود وثقه
وكدام الكل
بشرى : يي لاتوتفقين
هسه اخابر على خالج جاسم
ينطي موافقته للشايب ويجي ياخذج
واذا موافقتي على الشايب
اخليج تلمين غراضج وادزج يم عمج وافتك منج
وابن عمج الصاحي ازوج
بقى بس الموصاحي
عود ازوجي الخبل
نجمة : خلتني بمكان من كل الجهات بي نار
ومااكدر اطلع من عندة
كعدت بنفس مكان وكفتي وكمت ابجي
واسألها ليش هيج اسوين بيه
جاوبيني عليج الله
بشرى : لان اريد احصل من وراج فلوس
نجمة : شلون كلبج ينطيج تبيعين بنتج
بشرى : وابيع اهلي هم اذا ينطوني بدالهم فلوس
نجمة : بس اني صغيرة بعدني هسه دخلت 16 سنه
بشرى : اني اصغر منج وازوجت ابوج الكو...
وهاي شوفيني مصار بيه شي
نجمة : عليج الله لازوجيني
بشرى : مو هي بكيفج
كلتلج لو تزوجين محمد
لو الشايب
لو ابن عمج الخبل
وانتي بكيفج بعد
بعد مااتحمل مسؤوليتج
اريد اخلص منج
نورس : يمه ترى حرام عليج ازوجيها غصب
بشرى : انتي نجبي مو شفتيلج واحد عنده املاك وقبلتي بي وكاعد يخر عليج فلوس
وجايه تلغين
نورس: اول مرة اشوف ام تغار من بنتها
بشرى : يي وكوليله الزوجج الكو.. بعد ماكو طلعه ويا اذا مااينطيني فلوس يلا يطلع وياج
نورس : شنووو السالفه هذا زوجي مو كو...
بشرى : هذا الموجود معاجبج روحي ازوجي
ملاك : اريد اشوف الله شراح يسوي بيج
بشرى : جايج الدور لاتخافين
ملاك : واني اعرفج تعرفيني انتي لا امي ولا شي
على شنو يجيني الدور
بشرى : يي من يجيج الدور عود كولي ماعرفج
نجمة : عافتنا وراحت
وخلت بكل وحده بينه حسرة تهدم جبل
نورس : نجمة وافقي على محمد احسن الج
على الاقل شاب وعاقل وعنده فلوس يعيشج بنعيم
اذا تعاندين لو تزوجج للشايب لو للمخبل
نجمة : بس بعدني صغيرة ومااعرف شي عليه
نورس : خلي فترة الخطوبه طويله
وتعرفي عليه على راحتج
لان اذا مسمعين كلامها انتي اكثر وحده تعرفين امي
تكدر شسوي بيج
والله تكرهج حياتج اكثر من هسه كارهتها
اني لو عليه من باجر ازوج واخلص
بس مرتضى يكول من نتخرج
نجمة : مااعرف شسوي وشلون اصرف
مو حتى صرت خدامه الها والنسوان اخوتها
وياريت تسمعني كلمه حلوة
نورس : ولا راح اسمعج واذا بقيتي راح اضلين خدامه
روحي ازوجي واخلصي منها ومن خدمتها وضربها
ماشبعتي من الكتل والفشار
شو تكومج بكتله وتكعدج بغلط وفشار
نجمة : كلت بكلبي هاي ولا شي من الي انتو شايفي
لعد لو اكللكم على سوالفها
وشلون خلت معاذ يخنكني
جان شكلتي يانورس
امي خلتني كدام الامر الواقع
وجبرتني اقبل ازوج من محمد
بعد مااسمعت كلام نورس
وفكرت بي
كلت خلي اقبل بمحمد احسن ماازوجني للشايب لو للخبل
وجبرت نفسي
وجبرت عقلي
وجبرت كلبي
علمود اقبل بمحمد
والسبب هذا الجبر
امي
امي الي لازم تكون امناني وسندي
جبرتني على الزواج من شخص مااعرفه ولا حاجيه ويا
باعتني بيع علمود الفلوس
وعلمود انانيتها
بالليل نزلت كلتلها موافقه
وجوابها جان
بشرى : ههههههه على اساس اذا كلتيلي مموافقه راح اخليج على راحتج
زين سترتي على نفسج وافقتي
هسه جنت احجي ويا معاذ
باجر يدز ولدة يجون يتونسون وياج و يكسروج
بس نقذتي نفسج
يلا اطلعي وسدي الباب
خلي اكمل مكالمتي ويا حبيبي
نجمة : خلتني بصدمات من كلامها
طلعت وسديت الباب
واني مثل الي ضاربي على راسه
بحديدة قويه وكاسرين جمجمتة
مااعرف شلون افسر الموقف
ولو اضل منا البعد سنين
مااعرف شلون اوضح احساسي لو مشاعري
لو كلبي شصار بي من سمعت هاي كلماتها
كتفيت بكلمه
حسبي الله ونعم الوكيل
————————————————-
هلاو كيكاتي لاتنسون النجمة والتعليقات الحلوة
احبكم كومات ❤️
