صباح الامل والحب 🌹
نجمة : طلعت من البيت
وشفت محمد كاعد بالسيارة ينتظرني
فتحت باب السيارة وصعدت
بس كل جسمي يررجف ودمي محترك من تصرفها
ولا عبالك ام
ولا عبالك الي مسويتله ثواب فد يوم جان زوجها وابو بيتها
حتى مااتفكر وتكول مهما كان هذا الانسان ابو جهالي
لو تفكر وتكول هذا الانسان مات وراح الدار حقه
ومااجوز عليه غير الرحمه
ابداً مااتفكر هيج
تريد بس تنتقم من عندة
الله يرحمك يا بابا شلون جنت متحملها
محمد : نجمه شبيج
نجمة :شبيه
محمد : صارلي ساعه احجي وياج وانتي ماكو فااقدة
نجمة : ماانتبهت والله
محمد : شبي خدج احمر
نجمة : مادري يمكن لان انقهرت
محمد : لاا جذبين هاي اصابع ايد
خاف امج ضربتج
نجمة : لالا معليها
محمد : ماادام حجيتي هيج يعني هي الي ضربتج
نجمة : اباوع على محمد راد ينزل من السيارة ولزمته قوي مانعه نزلته
محمد شبيك تريد بس تتعارك
محمد : شنووو ليش اتعارك هذا خدج مصبوغ
شلون تمد ايدها عليج
نجمة :هاي امي
محمد : واذا امي ماايحقلها تمد ايدها عليج
انتي طلعتي من مسؤوليتها ودخلتي بمسؤوليتي
اكسر ايدها اذا مدتها عليج
عوووفيني انزل اطيح حظها
نجمة : لازمه محمد بالكوة
مااريده يتعارك وياها
انوب تتجاوز عليه لو هو يجاوز عليها
ومهما يكون ومهما يصير هي تبقى امي
محمد كااافي
تعبت بطني كاامت تووجعني
كل شوويه ودافعني متكول هاي حامل
محمد : كلتلج ماااانجي بس انتي ماااسمعين كلام
كلتلج امج مااتريدج مااااااتريدج
سمعتيهااا باااذانج من كالتلي مااصدكت اخلص منها
لو تذبها مااحجي وياك
شتريد اسوي بيها سووي
وكلتلج لااا تروحين
بس انتي شلون تسمعين كلام
تحبين بس تعاندين
نجمة : ترى ممعاندة
هي امي لو شسوي تبقى امي
واني صارلي 3 اشهر مشايفه اهلي
وحتى اختي ازوجت ومااشفتها ولا حضرت عرسها
حرام عليكم بالي كاعدين اسووو بيه
خليت ايدي على وجهي
وكمت ابجي
مهضومه ومقهورة
تعبت واني اتحمل الملامة امج متريدج
وتعبت من نفسي لان احبهم ومااكدر ابعد عنهم
شسوي مو بيدي احبهم هذولي اهلي ومااكدر استغني عنهم
محمد : كافي حبيبتي
اني اسف مجان بقصدي
نجمة : انت تكدر تعوف اهلك
محمد : لا ماكدر
نجمة : لعد شلون تطلب مني اعوفهم
محمد : بس اهلج مو مثل اهلي
نجمة : حتى لو يبقون اهلي وابقى احبهم
محمد : خلص براحتج
الي تريدين سووي واني وياج
نجمة : حرك السيارة محمد ورجعنا للبيت
عمتي سألتني عن اهلي
وكتلها زينين مااسولفتلها على الي صار
وكتلها نورس ازوجت
ام محمد :ياا وليش انتي ماتدرين
نجمة : خطيه ما مسويلها عرس ماخذيها بدون عرس
ام محمد : ليش خطيه
نجمة : هاا يكولون على اساس صار عدهم فاتحة عيالها
ام محمد : خطيه الله يسعدها
نجمة : صعدت الغرفتي
دخلت سبحت واني فكري كله بنورس
ليش معزمتني وليش اني ماادري
طلعت من الحمام
شفت محمد كاعد
لازم احجي ويا علمود التلفون اريدة يرجعلي تلفوني
علمود اخابر نورس وافهم منها ليش مكالتلي
محمد
محمد: هاا حبيبتي
نجمة : اريد ترجعلي تلفوني
محمد : ليش شسوين بي
نجمة : اريد احجي ويا نورس
واريد اضل اتصل بخواتي واخويه واعرف اخبارهم
محمد : بالكنتور فوك بالرف اخذي
بس مااريد ارقام غريبه بتلفونج
والفيس والانستكرام ممنوع ينزلن
نجمة : ماريد شي غير اتواصل ويا خواتي
اخذت التلفون
وطلعت رقم نورس من الجنطه
وكتبته بالتلفون واتصلت عليها
مرتين دكيت ومجاوبت
عفتها كلت خاف كاعده تشتغل
ورى ساعه دكت عليه
الو
مرتضى : الو منو
نجمة : جفلت من سمعت صوت رجال
الو منو ويايه
مرتضى : ترى انتي الي داكه تريدين منو
نجمة : هذا مو رقم نورس
مرتضى : ايي تفضلي منو انتي
نجمة : اني نجمة اختها
مرتضى : هااا اهلاً وسهلاً خيتي
اني مرتضى زوجها
نجمة : اهلاً بيك
شلونك شخبارك
مرتضى : بخير انتي شلونج
نجمة :الحمد لله بخير
نورس وين
مرتضى : هيااتها
نجمة : دقايق وسمعت صوت نورس
من سمعت صوتها عيوني دمعن
نورس : الووو نجمة حبيبتي
شلوونج يااروحي
نجمة : كمت ابجي
ليش مااكتيلي
نورس : شنو حبيبتي
ليش تبجين
نجمة : ليش مااكتيلي من ازوجتي
شلون انطاك كلبج مااتعزميني
اني مو اختج ليش مااادري
نورس : والنبي حقج لو شسوين حقج
بس شكول حسبي الله ونعم الوكيل عليها الامي
الله يغضب عليها ويخلصنا منها
دمرتنا الله يدمرها
نجمة : مسحت ادموعي واني اسمع كلامهم وشهكاتها الي معلنا عن بجيها
شبيج نورس
احجيلي
نورس : الله ينتقم منها دمرتنا
هااي موو ام هاي شيطان
نجمة : احجي شبيج وكفتي كلبي
نورس : اسمعي
ورى ماازوجتي بيومين امي كامت اشد ويايه
مااخلت شي مااسوته
وكامت اسمعني كلام
جان مرتضى ينطيني فلوس انطيها واسكتها
ورى ماازوجتي كام مينطيني ويكلي شسوين بهاي الفلوس
استحي اكله الامي
واكله اجهز نفسي
كام يكلي ايي من تريدين اجهزين نفسج اطلع وياج
وكام مينطيني
وهاي امي تخبلت عليه
خلتني اكره اليوم الي انخطبت بي
من كثر ماا تعبت منها طلبت من مرتضى نزوج
وحددنا يوم العرس
ورد اخابرج علمود تجين
بس هي الله ينتقم منها مااخلتني
نجمة : ليش مااخلتج
نورس : لج هااي مو ام هااي شيطان
وكعتلها دم دخيل كتلها خلي اخابر نجمة
وبيومها صار البيت عزة علينه
نجمة : ليش
نورس : خلي اسولفلج الي صار
