صباح الحب كيكاتي 😘
عندما تعجبنا الروح تعجبنا الملامح🎶
نجمة : وافقت على محمد
واني والله مجبورة عليه
اكول احسن من الشايب على عمرة 70 سنه
واحسن من ابن عمي الي عقله مو كامل
وعلى كلام امي تكول وافقتي لو ماوفقتي غصباً عليج تزوجين محمد
كرهت محمد من قبل مااشوفه
من ورى امي وسوالفها
حددوا اليوم الي صير بي الخطوبة
كلشي صار خلال ايام تنعد على الاصابع
من ورى سرعه الخطوبة
تأكدت امي تريد بس تخلص مني
قبل بيوم من خطوبتي
اخذتني امي تشتريلي فساتين
اشترتلي واحد لون وردي فاتح
والثاني جان لون اسود وبي ذهبي
تفاجئت من اختارت الاسود
يمة ليش اسود اني عروسه
بشرى : افتهمت عروسه هذا حلو عليج يطلع
نجمة : بس هذا اسود
بشرى : ترى كاعدة اشوف مو عميه اعرف اسود
نجمة: اذا تعرفين اسود شلون اشتريتيلي هيج لون
بشرى : اريد اصير حياتج سوده ارتاحيتي
كاعدة تشرط بنت ابراهيم الكو...
نجمة : حتى بااول مرة تشتريلي فستان تقهرني
وهاي عود فستان خطوبتي مو فستان عادي
ضلينا نفتر على المحلات
وهي كومة اشترت اغراض
عبالك هي العروس مو اني
اشترت فستان مال حفلة
وشترت مكياج ومرطبات وغسولات
وسيتات نوم
كلها الها
واني كتفت بس اشترتلي فساتين الخطوبة
كلت مومهم مو زين من عدها طلعت فلوسها وشترتلي
بس من رجعنا للبيت
طلعت الفلوس ام محمد دازتها اليه علمود اجهز نفسي للخطوبة
من فساتين وصالون ومكياج
نورس :ياااي شنو هاي نجمة كلش حلوات سيتات النوم
بس مو بعد وكت على تجهيزج
نجمة : اجيت اجاوبها وامي سبقتني
بشرى : هذني اليه
نورس :شنوووو شنوو الج يمه انتي شسوين بيهن
بشرى : شسوي يعني بيهن غير اللبسهن
نورس : تلبسين هيج سيتات نوم
هااي ماا عرايس مو مال عمرج
بشرى : انجبي لا اركعج بالنعال
الي يسمعج يكول دخلت بالعمرين
نورس : ييي دخلتي بالعمرين
هااي اني نخطبت ونجمة نخطبت
ولو ما سالفتج الجايدة ويا حسن جان هسه مرته حامل
بشرى : الله واكبر هسه لان اشتريت كم سيت نوم سويتيها عزة عليه وطلعتيني داخله بالعمرين
نورس :مو هيج قصدي
بس انتي شسوين بيهن
شو ولا مرة شفتج لابسه سيت نوم
نجمة :بكلبي كلت ييي يانورس تسأليها شسوي بيهن
انتي لو تعرفين امج شسوي بيهن جان حركتي روحج
ومااسألتي هذا السؤال
باوعت على امي اريد اعرف شنو جوابها
بس مثل كل مرة اللسانها سليط
وتمثل دور المظلومة
والماخذين حقها
بشرى : عجبني وضلن بنفسي
نورس : يي بالعافيه
بس عجبج واحد عمي ثنين مو 10
بشرى : هسه انتي حاسدنني عليهن
نورس : يمه مو حاسدتج عليهن
بس هاي الاشياء من حق نجمة
اهل محمد دزوا بيدج فلوس علمود اجهزيها للخطوبه
وبهاي مشتراج خلصت الفلوس
وبعدج فلوس الصالون مدافعته
نجمة : ليش هاي الفلوس من ام محمد
نورس : يي لعد شعبالج انتي
نجمة : ضحكت وحجيت
واني عبالي امي حنت عليه وقررت اصير ام وتشتريلي
بشرى : هسه انتو شايلين هم للصالون
لاتخافون اني ادبرها
نورس : لا تكوليلي انتي الي راح تمكيجيها وسويلها شعرها
بشرى : لا عيني هو اني بيه حيل هاي بيت ام مازن جوارينا
تعرف تمكيج وتسوي شعر
كتلها وكالت ميخالف
نورس : حسبي الله ونعم الوكيل
واذا سألوج اهل محمد شتكوليلهم
بشرى : اكللهم وديتها الارقى صالون
نجمة: شكلج اكتفي بكلمه الله موجود وياخذ حقي
نورس : لاتخافين نجمة انتي حلوة
والحلو لو يلبس كونيه يبقى حلو
نجمة :نورس ساعه اضحكني وساعه تنصحني
وساعه اني افكر شلون راح اتحمل مسؤوليه بيت وعيال ورجال
وساعه افكر محمد راح يصير زين ويايه
لو راح يأذيني
راح يحبني لو يكرهني
زين هو بارادته ازوجني لو هم مثلي مغصوب
من كثر الافكار والخيالات
والتسألات الي اجتي بعقلي وذهني
نمت ومااحسيت
غير على امي تكعد بيه
بشرى : كومي يالمسعدة
نايمة واليوم خطوبتج يلاا كومي
نظفي البيت علمود نروح للصالون
نجمة :كعدت اباوع على الساعه ب 8 الصبح
نزلت نظفت البيت كله غسل ومسح وكنس
ونظفت الربعه وبخرتها
وسويتلهم ريوك
وغسلت الماعين
وسويت الغدة
كل هذا باامر من امي
تكلي مااتروحين للصالون لحد متكملين شغل البيت والطبخ
مااخلصت لحد مصارت ساعه 12 ونص
دخلت سبحتوحظرت الفستان الورد
ورحت للصالون
حفتلي حاجبي و وجهي
ونظفت بشرتي
وبدت تخليلي مكياج
قبل ماتخليلي مكياج سألتني
ام الصالون : شلون تريدين اسويلج المكياج
نجمة : سوي مال وحدة مغصوبه على الزواج
ام الصالون : شنوو ماافهمت
نجمة : مااكو شي
بس سويلي المكياج بسيط
ام الصالون كامت تمكيج بيه
واني اضحك على نفسي
من كتله مال وحده مغصوبه
هسه على اساس راح تفهم
خلصت المكياج ومااقبلت اباوع بالمرايا
لحد مكملت شعري
باوعت على نفسي بالمرايا
ضليت صافنه على روحي
اول ما باوعت على المرايا
سألت نفسي نجمة وينها
شو عبالك نجمة مااهي
صح حلوة طالعه وملكة مال جمال حتى الموجودات بالصالون صلوا على النبي
بس اني فتقدت نجمة الطفلة البريئه
الي قتلتها امها بانانيتها وجشعها
طلعت من الصالون ورحت للبيت
وخواتي نورس وملاك يركصت وفرحانات
ولكيت نسوان خوالي كلهن موجودات
وبناتهم وجناينهم
والبيت يغط ويباع نسوان وجهال
وكلهم يباركولي
كعدوني بالربعه وشغلت نورس الاغاني
وكامت تركص هي وملاك وبنات خالي
واني بس اباوع عليهم
صارت الساعه 5 ونص
دخلن نسوان يهلهلن ويركصن
اخونا خوش اخو يستاهل الهوسه
عروستا حديقه والورد بيها ماينعرف خدها من تراجيها
جبنالك وردة شتم بيها بس كون الوردة داريها
نجمة :كومة كولات حجوا واني حفظت بس هذني
وهاا اذكرت كولة كالتها اخت محمد
وين دورها ولكاها فصوص روبه ويا كفاها
ماسكتن لحد ماا خالي دخل وكال حظروا نجمة ورى الباب علمود يعقدون عليها
كومتني امي وام محمد
وخلوني ورى الباب
واسمع كلام الشيخ يردد بايات قرأنيه
وكلام كلش حلو على الزواج والعلاقه الزوجيه
الشيخ : نجمة بنت ابراهيم هل تقبلين الزواج من محمد ابن عزت زوج الج
اذا موافقه كولي نعم وانت وكيلي
نجمة : الدقايق كل شي بيه جمد
واللساني نعقد
مااعرف شصار بيه
يمكن حتى كمت مااسمع
صارت هدوء قاتل
مااحسيت على نفسي ورجعت
العالمي
غير كرصه امي القويه الي صارت بخاصرتي
والشيخ يكول سمعيني صوتج وجوابج
اذا مغصوبه احجي يا بنتي
الكرصه الثانيه
من وجعها
بسرعه جاوبت
موووافقه
الشيخ : على بركة الله
نجمة : دقايق ودخل خالي جاسم بيدة دفتر جبير
وكلي وقعي
اشرلي على مكان التوقيع و وقعت
اخذ الدفتر وطلع
وام محمد وامي كامن يهلهلن
وكرايب محمد كلهن كامت يهوسن ويهلهلن
زين دقيقه يعني هسه اني صرت مزوجة
يعني اني صرت على ذمة رجال
يعني نجمة الطفلة خلص راحت
من ضليت الوم نفسي
نزلت دمعتي بدون صوت
كومتني ام محمد واني مثل اللعابه
يجيبوها منا ويودوها منا
خلوني اغير فستاني لبسوني الفستان الاسود والذهبي
ام محمد مااقبلت عليه
بس ماتكدر الامي وسوالفها
اكتفت بكلمه انتي عروسه ليش امج اختارت هيج فستان
نجمة : مااكدر اجاوبها ولا كدرت اصلا اجاوبها
شكللها امي اختارت هذا اللون علمود تخلي ايام سودة
بس الفستان جان حلو عليه وكلش حلو هم
برز بياض بشرت
طلعت للربعه وكعدت وكامن يركصن ويغنن
دخلت اخت محمد
ياابنات اللبسوا راح يدخل العريس
نجمة : هي كالت هاي الكلمه واني اجمدت بمكاني
حسيت الجو صار ثلج
وايدياتي ورجليناتي احسهن قالب ثلج من الخوف
والخجل
كمت ارجف
وكلبي هذا قصته قصه
كام يدك سريع من قوة الدكة كام يوجعني صدري
احسه يريد يطلع من مكانه
رفعت راسي على الباب
شفت رجال
طوله متوسط جسمه متناسق ويا طوله
ولحيته مبين زيانها جديد لان محددها بدقه
شعرة مرتب
لابس قاط لون بيجي وقميص اسود
مادري ليش ضحكت ودنكت راسي
وكلت بكلبي طالعين اني ويا سيت
اني اسود وذهبي
وهو اسود وبيجي
حسيت بي من كعد بصفي
والنسوان تباركله
وهو يجاوبهن بكل اريحيه
ام محمد : يمه حمودي هذا الذهب لبس خطيبتك
محمد : يي يمة
بس بالاول خلي ترفع راسها
ام محمد : خجلانه يمة اعذرها
نجمة : خلى ايدة على حنجي ورفع راسي باتجاها
باوعت عليه
جان شكله حلى عيونة سود مسحوبه
ولحيته خافيه شفته
محمد : مبروك
نجمة : بصوت شبه مسموع
الله يبارك بيك
ام محمد : هاك يمه الحلقات لبس عروستك
نجمة : هو جان اشجع مني وحركاته كلها واثقه
سحب ايديه ولبسني الحلقه
وانطاني حلقته
وقدم ايدة
ايديه ترجف من لازمه الحلقه بصعوبه لبسته حلقته
محمد : يمه وين الكلادة
ام محمد : هاك يمة
نجمة: خلى الكلادة على ركبتي
وكامت اصابعه الخشنه اطخ بركبتي الناعمة
يتلمس بشرتي بااصابعه
حسيته يتقصد ماا يكمل بسرعه
سمعت همسات صوته
محمد : هاي الركبه الحلوة اليه
هنيالي بيها ❤️
—————————
واني هنيالي بيكم وبحبكم ❤️
لاتنسون النجمة والتعليقات الحلوة ❤️
