مساء الفرارلة والنوتيلا 🍓🍫
- طول عمري بخاف من الحُب
وسيرة الحُب ،
- طيب وشصار بعدين ؟
- مادري عيونة حِلوة ..♥️.
.
.
.
.
.
.
.
.
نجمة : يوم 8 من شهر تموز
اليوم عرسي
اليوم راح اطلع من بيت اهلي البيت زوجي
راح تتغير حالتي من طفله عزباء
الي امرأة متزوجة
شلون راح تكون حياتي ويا محمد
راح تكون حزينه
لو راح تكون سعيدة
فتحت عيني واني احساسي عبارة عن خليط
متكون فرح وخوف وحزن وتعب وسعادة وامان
نزلت للمطبخ وشفت بيبي ام مهدي كاعدة وامي هم
كاعدات يسولفن ويتريكن
صبحت عليهم وكعدت يمهم
بس اباوع عليهم
اباوع على بيبي ام مهدي
هاي الانسانه الي مااعرف هي جانت ويايه لو جانت ضدي
صح مواقفها مااتنسي حاولت بكل الطرق تخليني اكمل دراسه
وجانت توكف بوجهه امي علمود دراستي
واكثر من مرة تتنازل الخوالي علمود يساعدوني
بس مكاعده انسى كلامها ويا امي بيوم الي تقدملي محمد
وشلون تكول الامي زوجيها واخلصي منها وخليها اجيبلج فلوس
بس ابداً مااحقد عليها ولا اكرهه
راحت عيني اتجاه الانسانه الي اسميها امي
اباوع عليها واذكر كل لحضه نمت بيها واني جوعانه
اذكر شلون جانت تضربني بحقد وتخلي جسمي ازرك
اذكر شلون تتفق ويا معاذ علمود تخلي ولده يكسروني
اذكر شلون اشكك ملابسي ومااتخليني اشتري ملابس
اباوع عليها واسأل نفسي هم راح يجي يوم وانسى اذاها
راح يجي يوم وانسى كل وجع سببته اليه
الي تاكدت من عنده بهذا اليوم
اني اكره هاي الانسانه الي اسمها امي
وشايله بگلبي مو بس حقد عليها وكره لا شايله عليها وجع وغل وانتقام
دخلت نورس اصبح علينه
واني باوعت عليها نورس اختي الجبيرة
الوحيدة بيناتنه الي فقدت برائتها بسبب امي
هي الي شالتها وشمرتها بحضن منذر وخلت منذر يتونس ويرتاح بجسمها
اختي الي بسبب امي وانانيتها صارت تحب المادة وتحب الفلوس
رغم كل هاي بس بااقي بداخلها شي ابيض ونقهي
بعدها تحمل حب وعاطفه
وتحاول تقاوم علمود تعيش
اباوع على ملاك هاي الملاك الاسم على مسمى
هادئه وبريئه وعودها كلش طري
خايفه عليها من امي
خايفه اذا ازوجت نورس امي تكوم اطلع سوالفها الشيطانيه على ملاك
ملاك احلى وحده بينه وشاطرة بدراستها
عدها طموح كلش جبير وتريد تحققه
هل ياترى راح تحققه ؟
بشرى : هيييي على شنو صافنه وتتلفتين
كومي نظفي البيت قبل ماااتجي عمتج عيني
نجمة : ماعرف شكول
نورس : يمه عوفيها اني وملاك انظف ابدالها
بشرى : انجبي لا اركعج بالنعال
خلي نستفاد من عدها قبل متولي البيت زوجها
نورس : ترى لو ماانتي جان مراحت البيت زوجها وهي بهذا العمر
بشرى : ليش تخليني اكوملج وازورك وجهج
كتلج انجبي
ويلاااا كومي نظفي و ولي
نجمة : كمت بدون كل نقاش نظفت البيت كله
وسويت غدة خفت لا تخجلني كدام عمتي ام محمد
وسبحت ولبست عباتي وضليت انتظر عمتي
دقايق ودكت على رقمي طلعتلها
ورحنا اني وياها للصالون
جان الصالون ازدحام
وكومه عرايس
و وحده احلى من الثانيه
تأخرنا كلش بالصالون
بس هذا التأخير يستاهل
ييي يستاهل لان طلعت قمه بالجمال
اباوع على نفسي بالمرايا واني مستغربه نفسي
البدله جانت عبارة عن بدله مال اميرات منفوشه كلش
واردانها نازلات على ايدي وصدري كله طالع
ولابسه عقد على ركبتي نازك
والتسريحه خليتها اشيل كل شعري بشكل بسيط
مكياجي جان ترابي
ام محمد : انياله الابني على هيج جمال
نجمة: يعني اني حلوة طالعه
ام محمد : يي يمه اجننين عين النبي تحفظج
نجمة : عمه شلون اطلع هيج باعي صدري وظهري كله طالع
ام محمد : لا تخافين يمه جايبه ويايه الوشاح
نجمة: دقايق واجه محمد
ومااسولف على فرحته جان طاير من الفرح بيه
صعدني بالسيارة ليكدام ويسوق ولازم ايدي
شغل اغنيه حسام الرسام هم عريس هم نشمي وهم ربعه يزفونه
لازم ايدي ويبوس بيه ويركص
وعمتي اصفك وتهلهل
حسيتها فرحانه على فرحنا
نزلني للبيت وتلكوني كرايبه ومن ضمنهم زوجات خوالي
هذني الي شفت من عدهن ضيم وقهر وليالي سودة
كعدت بالربعه ونورس وملاك ذبن لحم طالعات كلش حلوات
ملاك لابسه فستان لون جويتي بارز بياض بشرتها
ونورس لابسه فستان لون ماروني مبين مال محجبات
وطالعه كلش نازكة
اباوع على امي ابداً متقربت مني ولا اجتي يمي وحجت ويايه
بس ماانكر جانت طالعه كلش حلوة
لابسه قفطان اسود وبي تطريز ذهبي
ومشسورة شعرها على طوله وفاتحته لون عسلي
ومكياجها جان كلش حلو
بس انتبهت على شغله امي لابسه ذهب
والي اعرفه امي ماعدها ذهب
جانت لابسه ملاوي باليد اليمنى
وسوارات بالايد اليسرى
والمحابس والكلادة الجبيرة
وحتى تراجي لابسه
هاي منيلها
اقنعت نفسي هذني مو ذهب
ومااحبيت افكر بسوالف امي واني بااسعد يوم بحياتي
ضليت اصفك ويا البنات واركص
ربع ساعه وصاحوا اجوي اهل العريس
من كالوا اجوي
نورس وكفت يمي
ولبستني الوشاح
ولزمت ايدي
نورس : نجوم لاتخافين مثل مافهمتج حبيبتي
وشتحتاجين خابريني حتى لو بنص الليل اجيج
تمام
نجمة : نورس خايفه
نورس : انجبي وباوعي على الباب راح تنسين خوفتج
نجمة : باوعت على الباب شفت محمد واكف وخواته يركصن كدامه وامه هم ويهلهلن
اباوع عليه ملابس قاط
لابس زي الانباري
الدشداشه البيضه والغترة بيضه بتطريز ذهبي
ولابس الحزام مال السلاح
دخل كعد يمي
والمزيقه ادك والنسوان توكص والزلم بالطرمه يركصون
محمد : مبروك حبيبه الروح
نجمة : الله يبارك بيك حبيبي
راد يحجي بس دخل خالي جاسم للربعه
استغربت دخوله
اجه وكف يمي وخلى ايدة بيديه
جاسم : محمد امانتك نجمة دير بالك عليها
محمد : بعيوني اخليها
جاسم : هاي امانه وشلتها وخليتها بركبتك
اريدك تحافظ عليها مثل متحافظ على نفسك
تراها وردة مال الله
محمد : بهاي الركبه متعلكه وباهي العين متخليه
نجمة : خالي جاسم صار كدامي ونزل البركع على وجهي
وحجه كلمات خلى دموعي تنزل عشرة عشرة
جاسم : اعذريني وسامحيني نجمة مااكدرت اصونج واحافظ عليج
وانتي امانه ابراهيم خلاها بركبتي
بس مااكول غير الله ينتقم من الجان السبب
نجمة : باسني من راسي وخلى ايدي بيد محمد وطلع
واني كضيت الطريق كله ابجي
اذا ابويه موصيك عليه ليش هيج جنتوا تتصرفون ويايه
تمنيت ابويه موجود وهو الي يسلمني المحمد
حاول محمد يسكتني بس اني مكاعدة اكدر اسكت
هو عبالة لان عفت اهلي
ضلوا الشباب يركصون ويفترون بينه
ورحنا للفندق جان الفندق بعيد
على بيت محمد
ومحمد مااقبل ايي واحد يجي ويانه للفندق
حتى امه مااقبل تجي
كال مااكو لازم تجون ويانه وشلشونه
دخلنا اني ويا للغرفه
وهنااا بدأ العد التنازلي اليه من الخوف
بس مثل مااتعودت على تصرفات محمد
دائماً تصرفاته باريحيه وسلس
وين ميروح يصرف باريحيه وسلاسه
محمد : ليش واكفه يم الباب تعالي ادخلي حبيبتي
نجمة : احم هسه ادخل
محمد : لاتخافين ادخلي توضلي علمود نصلي
نجمة : امم تمام
محمد : تكدرين تنزعين البدله وحدج
نجمة :هزيتله راسي بالنفي
هو كام من القنفه واجه اتجاهي
بكل بساطه فتحلي البدله وبعد عني
حتى مااحاول يبوسني او يسوي ايي شي
مثل مكالت نورس
جنت مثل الطالب الحافظ ماافاهم
دخلت للحمام سبحت وتوضيت ولبست سيت نوم جان ابيض مشلح بس الروب مالته مستور وطويل
طلعت لكطته نازع الغترة والحزام مال السلاح
وفارش السجادة
باوع عليه
محمد : يلاا تعالي اللبسي الازار مال الصلاة
نجمة : لبسته وبدينا نصلي وندعي
من خلصنا صلاة
هو كام لم السجادة ودخل للحمام
كل تصرفانه جنت مستغربتها
ما جنت اعرف هاي تصرفاته على شنو ادل
كمت لميت السجادة ونزعت الازار
وعدلت نفسي كدام المرايا
وهو طلع من الحمام اني ضليت كاعدة على طرف الجربايه
باوعت عليه جان باقي بالشورت والكيمونه
محمد : تاكلين
نجمة : لا
محمد : ليش مجوعانه
نجمة : لا
محمد : لعد اني راح اروح اكل
نجمة: راح للميز وكعد ياكل وحده
واني ضليت نفس مكاني ابداً متحركت
من خلص اكله دخل للحما شويه وطلع
طلع يباوع علية من فوك ليجوة
واني ارتبكت من نضراته
وهاي النضرات الي يسموها الهدوء الذي يسبق العاصفه
مادري شلون وشوكت ويمنه
لكيت نفسي بحضن محمد
وهو كاعد يبوس بيه وبركبتي
ويسمعني كلام يخليني مااحس حتى بجسمي
خلاني افقد السيطرة على جسمي
دقايق وصرت زوجته بالشرع والقانون
صرت زوجه محمد وهذت اليوم اعتبرة من الايام الجميله الي بحياتي
وايقنت بهذا اليوم مو بس تقارب اجسام
لا تقارب ارواح
روحي وروحه تقاربوا وصاروا روح وحدة
اكو فد شي جداً جميل من تتقارب الاروح بالحلال
رب الكون قال بكتابه
بسم الله الرحمن الرحيم
(وَمِنْ ءَايَٰتِهِۦٓ أَنْ خَلَقَ لَكُم مِّنْ أَنفُسِكُمْ أَزْوَٰجًا لِّتَسْكُنُوٓاْ إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِى ذَٰلِكَ لَءَايَٰتٍۢ لِّقَوْمٍۢ يَتَفَكَّرُونَ)
ومن صرت زوجته رسمياً صارت بيناتنا المودة والرحمة
ودعيت بهذا اليوم من گل گلبي الله يحفظنا البعض وماايفرقنا
ويجعل السعادة طريقنا الابدي
...............................
هلاوو كيكاتي شلونكم
مشتاقتلكم كومات
لاتنسون التعليقات الحلوة والنجمة
احبكم كومة ❤️
