شرفي عندك

البارت الثالث عشر

الفتاة
تزوجت
فكانت المتعه للرجل والآلم لها
حملت
فكان الفرح للرجل والاقياء لها
اجهظت
فكان العزاء للرجل واللوم لها
تأخر الحمل
فكان العزاء للرجل والعمليات والتحليل
والخوف والشعور بالذنب لها
حملت أخيرًا وأنجبت
فكان الفخر والتهاني والكنيه والاسم للرجل
والمخاض والارضاع والسهر والتعب لها
كم إنتي عظيمه ايتها المراءة
( رفقًا بالقوارير)

آيسن/ أكو أشخاص يتغيرون حسب تغير المواقف وهذا الحال شفته بيزن الي گلت خوفاً ان ينقلب الصديق عدواً من طلعنه من الآمام وصعد ويانه وائل استغربت الموضوع بس اني بموقف ما مسموحلي أعترض ولا اني بموقف أعتراض لهذا سكتت بس أحس روحي تنازع والطريق الي مشينه بي چان زراعي وما بي آي بشر

يعني اذا يطلع احد علينه يذبحنه كلنه وماكو واحد يدري بينه وانتبهت اكو سياره بس ورانه بيها ياسين و يعرب كل ما تمشي بينه السياره الخوف يزيد عندي أكثر بس اني من أشوف يزن أطمئن اكثر بس من وصلنه لمكان وچان دنيا مغرب

من دخلنه لهاي المنطقه چان مكتوب على لافته ناحية بلدية المحمودية ترحب بكم يعني هذا المنطقه الزراعية تابعة لقضاء المحمودية من وكفت السياره ونزل وائل وفتح باب السياره إلي يمي وعيونه بيها نظره شيطانيه
ويگلي (نزلي آيسن هذا مكانچ الأخير) هنا سودت الدنيا بوجهي خصوصاً من ما شفت اي ردة فعل من يزن الي چان يمثل آماني

اني خفت رجعت لزگت بالباب الثانيه أكثر
گتله وأني ابچي / والله ما سويت عوفوني والله كل شي ما مسويه
ومن تحس راح تتأذى الروح صير عزيزه وماكو اعز من الروح وطريقة الموت ترعبك أكثر مو هينه عليك من شوف نفسك راح تموت مذبوح
اني من ابتعدت عن الباب الي گاعده يمه ولزگت بالباب الثاني

چانت عيني على وائل ويزن لهذا نصدمت من نفتح الباب الثاني الي اني لاطشه بي وسحبني ياسين أريد عقلي يستوعب الي دى يصير بس ارجف وهو اول ما جرني عطت نزلني من السياره وهو يخلي أيده على حلگي
ويگلي/ صوتچ لا اخرسچ وحق الي گودت .... ويا

سحبني مسافه عن السياره وهو يسحل بيه وكلهم اجوي يمي وأقرب واحد صار قريب عليه يزن چلبت بيده وهذا ياسين خانگني بيده لان مخلي أيده على حلگي أريد اعيط أريد أصرخ ما اگدر

لإن شفت وائل بيده سچينه نرعبت
وهو يگله ليعرب / نزلوا الكرك وابدي أحفر حتى بسرعه ندفنها ونروح أحسن ما نتأخر بس تلزمها انت يزن لو ياسين ويعرب يلزموها ولازم تتوجه للقبله لان اي شي ينذبح لازم يتوجه للقبله على الطريقه الاسلامية

هنا الواحد يصفن ما يعرف يضحك لو يبچي شرط انذبح على الطريقه الاسلامية لان دى يذبحون دجاجة مو بشر لا والي يضحك أكثر يعرفون الاسلام بهذا الشي ومن يذبحون ويحكمون على المظلومه بالموت بدون مايعرفون الحقيقه ويعوفون الظالم لكون حلف هذا هم اسلام لهذا تحيه للعقول المتخلفه الي رجعت الاسلام الي زمن ما قبل العصر الحجري