شرفي عندك

البارت العشرون

انتهاء الأشياء والأشخاص
واللحظات السعيدة
لا يعني أنتهاء السعاده

آيسن/ الي صار ويايه والله لو جبل چان هده بس احنه بشر والبشر ما يكسره شي بس تكسره مرات الظروف ولازم الظروف تكون أقوى منه حتى تكسره والأنسان بي طبيعه ما تنكسر عينهو ما يهزمه شي بس الموت هذا الشي الوحيد إلي يكسر الأنسان لإن يكون خلاص بعد صار جوه التراب بعد وبس هاي حفنة التراب تترس عينه

وهذا حالي ويا الدنيا واني مرات اگول هاي كل الناس مثلي لو بس واني شنو مصيري وهم يجي يوم وصير حياتي طبيعيه حالي حال اي وحده تريد بيت وإنسان تحبه وتعيش ويا بآمان ويكون ظهرها وسندها بهاي الدنيا والظاهر هاي الأحلام راح تكون من ضمن أحلامي المستحيلة لان مستحيل اگول احلامي المؤجلة لان هاي الاحلام ما صير أبد

اني بعد سجن سجاد وأبويه وقبلهم سندي وحزام ظهري يزن ألي مساعدته الي ما الها حد اني طول الوقت أقتنعت ان الأقرباء عقارب وما يجي من وراهم خير واحنه من البداية قطعتنه دموع من الگرايب وهسه صارت أقوى من هيچي القطيعة من كبرت أكثر الأحيان احس دموع ما تحبني وحتى أحس الكره بعيونها بس ما تحچي

من ولدت أطفالي بالبداية چنت ما أحبهم بس من صاروا بحظني وارضعهم صرت أحس بالامومة وحتى احبهم وأموت عليهم بس اليقهرني يبقون ولد حرام وما ألهم ذنب ومن حياتي الگشره ألي ما يوم عرفت ليش هيچي يصير ويايه وذوله الأطفال صرت اخاف لا تنعاد عليهم مأساتي الي
مريت بيها بيوم لهذا صاروا كل حياتي

وياسين من يوم ألي رفضته صار يصب غضبه كله عليه ما يفوت شغله تخصني ويگدر يأذييني وما يقصر ويايه جابها من رادوا يذبحوني الى هسه أطفالي وما أعرف هاي كراهية بيه لو بسجاد ويسوي بينه هيچي وكل شي اله حد الا كره ياسين ما اله حد

من اجاني التبليغ تفاجأت بي شيسوي بالأطفال وليش رافع قضية عليه على مودهم ومن ياخذهم وين يوديهم وهمه لا حول ولا قوة

تخبلت گتله للمبلغ / شنو ياسين يضم حضانة الأطفال أله

گال المبلغ/ أختي اني مبلغ مو قاضي شعندچ حچي واعتراض من تروحين يم القاضي گولي أله

من دى أستلم التبليغ وعرف اني ما بالغه سن الرشد ما قبل يسلم ألي التبليغ ويريد واحد بالغ وماكو عندي بالغ غير بي دموع والله دخلت ودموعي تجري حتى ألي أبيع الهن انتبهن عليه
وظلن يسألن خيرچ أم جود وليش تبچين وعسى ما شر

بس ما جاوبتهن ودخلت على دموع للغرفه وحمدلله چانت موجوده من شافتني
گالت/ خيرچ شو داخله يمي شعدچ أدري دگي الباب گولي خاف دى تسبح تكتسحين چنچ كاسحة اللغام

گتلها/ بس أريد أعرف أنتي بربچ هم تعتبرين ام
أريد أذكر موقف الچ بي خير ويايه مشكلتي ما أذكر بس الدنيا دوائر وعلى الباغي تدور الدوائر والچ يوم وهسه أكو مبلغ يريد تستلمين البلاغ ألي مقدمه ضدي ياسين