شرفي عندك

البارت الثلاثون

لن تجد أنسان قوي دون ماضي مؤلم
لا احد يصل الى مرحلة العقلانية
دون ان يدمر شيء بداخله

بقلم الكاتبة الزهيريه الزهيريه

آيسن / اكو صدف بحياتنه والله لو يدفعولنه بيها ملايين ما ننطيها لان تخلينه نعرف أقرب الناس النه واني يزن عندي هواي علامات استفهام على تصرفاته ودائماً غامض وتصرفاته تصرفات الثعلب ماكر ويزن كذلك بحيث يسوي الشي وما يخلي آثر ورا وبالنسبه ألي يزن ماكر وشگد أركز ويا بس ما يفيد وعنده طريقة يدوخ بيها المقابيله بحيث شگد أواجهه بالاشياء الي اعرفهن بس كلامه يدوخني وما يخليني افهم منه شي

بالليل من گمت آني أصلًا ما أدري ليش أحس إنه يزن ورا شي وچنت مصممه اعرف شنو وره يزن بس لو ما عارفه أحسن وصلت قريب على الصالة وسمعته زوجته السابقه وألي اني چنت معتقده انه هي ويزن مطلگين ولو هذا ما چان اعتقاد لإن يزن من نسجن گالي زوجتي رفعت قضية عليه وطلگت

وقبل چانوا يگولون اذا ما شوف بعينك لا صدگ هسه حمدلله نشوف بعينه ونسمع بأذنه وهم ما نصدگ اذا اقرب الناس آلك يكون مسوي مصايب الدنيا كلها وضامها عليك وبعدين يطلعن وحده وحده والعجيبه بالموضوع كله علاقته بزوجته الأولى رغم اختراع قصة طلاگهم بس أشوف علاقتهم قوية وهذا يخليني أشك أكثر وزوجته نفسها من مره قرر يزوجني اجتي هدت علينه للبيت وبعدها من ازوجنه اني ويزن هم هدت علينه اني ويزن واجتي هي وعمتي واخت يزن
وهسه طبيعي تتصرف ويه يزن وهو كذلك هم طبيعي يصرف وياها

وگفت أسمع كلامهم وسمعت تگله أخاف عرفوا انت المخطط الرئيسي وسجاد بلغهم

ظليت صافنه مخطط لشنو لزگت بالباب واذني لطش بالباب وهو
يگللها / لا ما معقوله اذا نعرفت لازم بالبدايه يتأكدون مو يخطفون أبني

وهي ترجع تگله / شوف يزن اني هسه گلبي نار على أبني اذا صار شي على والله انت والدنيا كلها ما توگف بوجهي فهمت

وهو يگللها/ گتلچ ما يصير شي هذا ابني شنو راح صيرين أحرص مني على ابني

ورجعت تگله/ آيسن منين عرفت الحادثه القديمه شنو صارت امينة اسرارك

گاللها/ مو اني گتلها الگوا.... سجاد هو إلي گاللها لعد اني ليش بلغت عليه وذبيته ب
4 أرهاب لان اني مخبر سري بين ما يستجد شي بقضيته تكون مرت سنين بقى بس
صائب ودى احفرله أريد اوگعه مثل ما وگعت فلاح وموج

اني مثل واحد وضربني على عيوني ويگلي فتحي عيونچ وشوفي يزن على حقيقته لا ظلين عميه مخبر سري يزن يما نسجنت نعدمت ونسجنت سنين وتحت التعذيب اكو شباب ماتوا واكو نتهموا ب 4 ارهاب تحت مسمى المخبر السري

ورجعت تساله / اگلك خاف صائب لان ما معقوله يسكت هاي السكته

جاوبها / اني دماغي يفتر داير ما يدور صائب من اخذنه الفصل منهم خنس بعد سمعناله صوت واسكتي بعد ما أريد اسمعلچ صوت لما أشوف شلون أحلها