شرفي عندك

البارت الثالث والاربعين

بقلم الكاتبة الزهيريه الزهيريه
لم أعد أنتظر تبريراً من آحد
افعلوا ما شئتم او أبقوا على ما انتم عليه
فلا روحًا باتت تشعر
ولا قلبًا بات يكترث

آيسن/ مرات الأنسان يعتقد انه راح يصير شي بحياته ويغيرها ويعيش على هذا الأمل ومن تقرب تريد يتحقق هذا الحلم ينگلب عليك الوضع وفجأة تفقد الامل ويتهدم هذا والحلم وتصحى على واقع مرير وتنصدم بي وهاي الأحلام تروح أدراج الريح كأنها لم تكن

وهذا چان واقعي المرير ألي ظنيت انه راح أخلص منه بحملي من رواد والله من اخذني رواد للتحليل وگالت ام التحليل حامل حسيت بنفسي راح أطير من الفرحه مو لإن حامل لا والله بس حلمي قرب يتحقق وراح أخذ الفلوس من رواد واجمع اطفالي جوه سگف بيت وتخلص رودينا من فرقان وأطفالي جود وايهم من ياسين لهذا فرحتي چانت لا تقدر بثمن

بس رواد چانت فرحته واضحه عليه بحيث چان مستعد يضحي بالغالي والرخيص وينطيني كل شي واني عشت على هذا الآمل وبعد ما طلگت ربى وبعدها رجعت داومت واني البيت كله عرف بيه حامل بعدها بأيام چنت نايمه واجى رواد گعدني بالليل وطلعني ويا خارج الغرفه

وآني منتظره يحچي ويگلي آخر شي
گال / شوفي آيسن اني متردد ما اعرف شلون احچي وياچ بالموضوع أنتي انسانه طيبه بس الظروف عكست وياچ وما الومچ بشي اللوم كله يوگع على كل واحد استغلچ واني من ضمنهم

باوعت عليه وگتله/ شنو صحى ضميريك واجيت هسه تگلي انطيني الزبده

گال/ آيسن اني الطفل ما أريده وأريد ينزل وتعالي ويايه هسه اني متفق ويه قابله تنزله وبعدها اطلگچ وروحي الله وياچ ارجعي لاطفالچ

هنا صدگ شياطين الدنيا تتگامز گدام وجهي ظليت شلون الواحد الي اجته ضربه على راسه بس بعده ما أفقدته الوعي والتوازن بس شنو لا رديت عليه والمشكله أحس لساني انعگد ما اگدر اجاوب بس صافنه بوجهه

ما أنتبهت اله من گالي/ بدلي وتعالي بين ما اشغل السياره

گتله/ شنو هي لعبه لك اني خسرت كل شي حتى أطفالي وعشت على آمل تنطيني الفلوس وهسه تگلي نزلي وما اريد شنو اني لعبه عندك شوكت ما تريد تحتفظ بيها وشوكت ما متريدها تشمرها لا حباب انت فاهم الموضوع غلط مو كل طير ينكل لحمه بعد ما يهمني عليه وعلى أعدائي فهمت

گال/ ما فهمت شنو قصدچ وضحي آكثر

گتله/ شوف مال ينزل الطفل وروحي الله وياچ بعيده وأنساها آني متفقه وياك وغصبن عليك تنفذ الاتفاق غير هذا الكلام ما عندي

گال/ شنو انتي لزگه دى اگلچ ما اريد منچ طفل شنو بعد لو اجيتي شفتي العز هذا كله وتريدين يصير الچ بس شلون هذا احسن حل احبل من رواد المطي

هنا صدگ صرت بدي بيدي شي واضربه بي واقتله خلاص بس بعدين لزمة شويه نفسي
وگتله/ اني موافقه على طلبك بس مثل ما آني وافقت على كلامك انت هم توافق على كلامي حتى المركب يمشي ولأ اضرك ولا ضرني