You're Still The One (COMPLETED)

CHAPTER 25: TEARS

Vince’s POV

It’s been a week since I got out of the hospital. Emily has a duty today. Day-off ko naman kaya ngayon ko naisipang ayusin lahat ng kailangan ayusin bago ang flight namin. Hinihintay ko na si Lean dahil pupunta kaming Manila para pick up-in ang librong pina-publish ko. Isa lang ang kopya na ito at hindi ko na ito pinasabi kay Emily dahil gusto kong surpresahin siya. Naubos ko na ang milktea ko hindi pa rin dumadating si Lean. Nakita ko na ang pagpasok niya sa loob ng milktea shop.

"Finally! Ang tagal ah! Maiipit na tayo sa traffic sa EDSA!" saad ko.

"I'm sorry ah! Nakalimutan ko kasi eh!" she sarcastically replied.

"Tara na! May gusto ka ba?" sagot ko.

"Wala. Siya lang gusto ko," sagot niya.

Sinaktan na siya ng lalaki na 'yon tapos may lakas pa rin siya ng loob makipag-usap sa akin tungkol doon.

"You're still into him after what happened? I can't believe you! Apaka tanga mo naman!" sagot ko.

"Mas tanga ka! Gusto mo pamukha ko sa 'yo gaano ka katanga?" sagot niya.

"Tara na. Daldal!" sagot ko at nauna na lumabas na ng store.

Pinagbuksan ko siya ng pinto.  Agad naman siyang pumasok. Mabilis kong pinaandar ang kotse paalis sa store.

"Bakit ba tayo pupunta sa Bluemoon?" tanong niya.

"I have some errands there," sagot ko.

"Errands? May upcoming book ka na naman?" sagot niya.

"Yeah. Pero hindi for commercial. Just a personal copy."

Tumango lang siya at naging abala na sa cellphone niya. Ibinalik ko ang atensyon ko sa daan. Sabi ko na nga bang mahaharang kami ng traffic dahil sa kabagalan ng pinsan ko na 'to.

"Vince, what are your plans for your anniversary?" she asked.

"Nothing special," sagot ko.

"You're the romantic type of guy tapos, nothing special? Baka sapakin kita kapag nalaman kong nagrenta ka pa ng buong isla para lang i-celebrate anniversary ni'yo!" sagot niya.

"Fine! I'll give her a book. I wrote it myself!" sagot ko.

"Matanong kita, have you ever thought of giving up in the relationship you and she have?" she asked.

"Yeah. Many times. Loving her is always tiring but I choosed to fight despite the tiredness I'm feeling." Binalik ko ang tingin sa daan. Hanggang ngayon ay nasa gitna kami ng mahabang pila ng sasakyan.

"Kung pagod ka na, bakit hindi ka pa sumuko?" she asked.

That's the question I keep asking myself. Ilang beses akong napagod. Ilang beses ko siyang sinubukang sukuan pero sa huli mas pinili ko pa rin kung ano 'yong mas masakit.

"Bakit ko naman isusuko ang matagal kong hinintay?" sagot ko.

"Isa kang malaking tanga! Ang tali-talino mong tao tapos pagdating kay Emily natatanga ka! Hindi mo ba nakikita, Vince? Hindi na siya sigurado sa 'yo!" she shouted.

Calm your nerves down, Vince. She's your cousin...

"Alam kong hindi na siya sigurado sa amin. Alam ko 'yon! Ramdam ko! Hindi ako manhid para hindi 'yon maramdaman. I just want to go on this day peacefully, Lean. Huwag mo ako idamay sa ka-bad trip-an mo kay Eros at sa relasyon ni'yo!" sagot ko.

I can't help but to shout back at her. I've been thinking it every night I sleep and here she is reminding me of it. Natahimik kaming dalawa pagkatapos ng pagtatalo namin. Hindi ko inaasahang makikipagsagutan siya sa akin. Alam ko namang may pinagdadaanan siya at ako rin naman pero pinipilit kong hindi sila maapektuhan no'n. Ayoko nang makadagdag ng stress sa kaniya.