Extra - 3
" ငကျော်ကရသော့်ကိုခိုးပြေးသွားပြီတဲ့ဗျ..."
" ဟေ..."
ဝတုတ်ရဲ့စကားကြောင့်မိုးညိုကငြိမ်ကျသွားတော့သည်။ဒါ့အပြင်ငါးခုတ်ဖို့ပြင်နေတဲ့သူ့လက်ကလည်းလေထဲမှာပဲရပ်တန့်သွာ၏။သို့သော်ခဏသာ...။အချိန်အနည်းငယ်အကြာမှာတော့မျက်လုံးနှစ်လုံးကိုဟိုဒီတစ်ချက်ဝေ့ကြည့်ကာခပ်တည်တည်နဲ့ချောင်းဟန့်လိုက်၏။
" အဟမ်း..."
တော်တော်လက်သွက်တဲ့ကောင်...။
အခုမှပဲပူလောင်နေတဲ့သူ့စိတ်ကရေအေးအေးလေးနဲ့လောင်းချလိုက်သလိုအေးချမ်းသွားရ၏။သူမှာတော့ငကျော်တစ်ခုခုဖြစ်ပြီထင်နေတာ...။လက်စသတ်တော့မိန်းမခိုးသွားတာတဲ့လား...။
ခွေးကောင်ဝတုတ်...။
ဖြစ်လာလိုက်ရင်အသည်းအသန်ကြီးပဲ...။ငကျော်မိန်းမခိုးတာကိုကမ္ဘာပျက်သလိုဖြစ်ပျက်နေရတယ်လို့...။ပြစ်ပြစ်နှစ်နှစ်လှမ်းဆဲလိုက်ချင်ပေမယ့်အနောက်မှာပူပူနွေးနွေးနှမပေးလိုက်ရတဲ့ဝေကရှိနေတာကြောင့်ဝတုတ်ကိုစိတ်ထဲကနေသာမိုးညိုလှမ်းကာဆဲလိုက်သည်။
အပျိုကလူပျိုနောက်ခိုးရာလိုက်ပြေးတာကိုကမ္ဘာပျက်သလိုဖြစ်နေတဲ့ကောင်...။
ချီးပဲ...။
မိုးညိုကသူ့အနောက်မှာမတ်တပ်ရပ်နေတဲ့ဝေ့ကိုလှည့်ကာကြည့်လိုက်၏။မျက်နှာလေးကိုတော့အတတ်နိုင်ဆုံးအံ့ဩတဲ့ပုံလေးဖမ်းထားရသည်။တော်ကြာ " ကျွန်တော့်နှမလင်နောက်လိုက်ပြေးတာကိုခင်ဗျားကပျော်နေတယ် " " အခန်းပြင်မှာထွက်အိပ် " ဆိုမှဒုက္ခ...။
ကိုယ့်တပည့်အတွက်ရဲရဲ့ဝံ့ဝံ့တောင်ဝမ်းမသာရဲတဲ့သူ့အဖြစ်ရယ်ပါ...။
သို့ပေမယ့်လည်းဟိုကပါသွားပြီလေ...။
ဟုတ်တယ်မလား...။
ဝေကိုကြည့်ရတာဝတုတ်ရဲ့စကားကိုကြားပြီးအံ့ဩနေပုံရသည်။ရေတွင်းကုန်းနားမှာမတ်တပ်ရပ်နေတဲ့ဝတုတ်ကိုမျက်လုံးပြူးကာကြည့်နေ၏။ပြီးနောက်အံ့ဩတကြီးငေးကာကြည့်နေမိတဲ့သူ့ကိုငုံ့ကြည့်လာခဲ့သည်။သို့သော်ဘာစကားမှတော့မပြောပေ...။ဒီအတိုင်းသာကြောင်ပြီးကြည့်နေတာဖြစ်သည်။ဝေခမျာအံ့ဩလွန်းလို့စကားပြောဖို့တောင်မေ့နေပြီထင်ပါရဲ့...။
YOU ARE READING
အချစ် (သို့မဟုတ်) ကျွန်တော့်ယောက်ျားအမူးသမား (Completed )
Romanceအချစ်ကြောင့်ဒီလူသားကိုအဓမ္မသိမ်းပိုက်ခဲ့မိတယ်။ (မိုးညိုမောင်) မချစ်တတ်တဲ့ကိုယ်ကဒီလူသားရဲ့ဂရုစိုက်ကြင်နာမှုတွေကြောင့်အချစ်ဆိုတဲ့အဓိပ္ပါယ်ကိုဖွင့်ဆိုတတ်ခဲ့တယ်။ ...