Love me like you do(only Unicode)

Part 2

သူသည် တစ်နေကုန်တစ်နေခမ်း အလုပ်ပေါင်းစုံကို ပင်ပန်းစွာ လုပ်ကိုင်သည်။ ကုန်ကျစရိတ်ကို တတ်နိုင်သမျှ လျှော့ချပြီး ပိုက်ဆံကို အကြိတ်အနယ်စုသည်။ ပိုက်ဆံ၏ အရေးပါပုံ၊ ပိုက်ဆံ၏ အဆိပ်ကို သူကိုယ်တိုင် ရင်ဝယ်ပိုက်ခံစားဖူးသူဖြစ်သည်။ အဲဒါကြောင့်ပဲ သူ ပိုက်ဆံကို အကြုံးအရုန်း ရှာနေခြင်းဖြစ်သည်။ ဆင်းရဲခြင်းကြောင့် ဖြစ်လာသည့် ဒုက္ခကို နောက်တစ်ကြိမ် မခံစားချင်လိုတော့ပါ။
.
.
.
.
.
သူသည် မနက်ပိုင်းတွင် delivery ပို့သည်။ နေ့ခင်းဘက်တွင်တော့ ပရိဘောသယ်ယူပို့ဆောင်ရေးလုပ်သည်။ ညနေပိုင်းတွင် ဘားတစ်ခု၌ လုံခြုံရေးလုပ်ပြီး စနေ၊ တနင်္ဂနွေ၊ တနင်္လာ၊ သောကြာလေးရက်တွင်တော့ convenience store တစ်ခုတွင် ညပိုင်းဝန်ထမ်းလုပ်သည်။ ညပိုင်းအလုပ်လုပ်သည့် နေ့များဆိုလျှင် မနက်ဝေရီဝေလင်းအချိန် အိမ်ပြန်ရောက်၊ ရေချိုး၊ အင်္ကျီလဲပြီးသည်နှင့် အလုပ်ပြန်ပြေးရသည်။ လေးရက်လုံးလုံး ညလုံးပေါက် မအိပ်ရသည့်အခါ တစ်ကိုယ်လုံး လှုပ်တောင်မလှုပ်ချင်တော့ဘဲ ကိုင်ရိုက်ခံထားရသလို နာကျင်နေရသည်။ အခုလို ပင်ပင်ပန်းပန်းလုပ်နေခဲ့တာ လေးနှစ်တောင်ရှိနေပြီ။ အဖိုးဆုံးသွားတည်းကပင်။ သို့သော် သူ ပင်ပန်းသည်ဆိုသည့် အကြောင်းပြချက်ဖြင့် တစ်ခါမှ အချောင်မခိုခဲ့ဖူးပါ။

Delivery ပို့ပြီးသည်နှင့် နေ့လည်စာစားရန် အသင့်စားရေညှိထမင်းလိပ် ဝယ်ပြီး ပန်းခြံလေးတစ်ခုသို့ ထွက်လာခဲ့သည်။ ဒီနေ့ သူ မိတ်ဆွေတစ်ယောက်နှင့် တွေ့ရန် ချိန်းထားသည်။ ထိုမိတ်ဆွေကား သူနှင့် သုံးလေးနှစ်လောက် ကျောင်းနေဖက်များ ဖြစ်ခဲ့သည်။ ဒါပေမဲ့ နှစ်ယောက်သား ပြန်တွေ့ကြတော့ သူကသာ အရင်လာနှုတ်ဆက်ပြီး Rokumi ကတော့ မှတ်မိသလိုလို၊ မမှတ်မိသလိုပင်။ သူသည်ကား အားကစားနည်းပြတစ်ယောက်အဖြစ် အသက်မွေးသူဖြစ်သည်။ လူချမ်းသာ သားသမီးများကို training ဆင်းပေးသည့် ဆရာဖြစ်ရာ အတော်တော့ သင့်တင့်သည်။ သူက သူ့သူငယ်ချင်းတစ်ယောက် အခုလို ပင်ပန်းဆင်းရဲနေတာ မကြည့်ရက်လို့ဆိုပြီး အလုပ်ရှာပေးဖို့ သဘောတူခဲ့သည်။ အနည်းငယ် ကြာသောအခါ အလုပ်ရပြီဖြစ်ကြောင်း သူ့ကို လှမ်းအကြောင်းကြားခဲ့သည်။