"သားငယ်...ဘာတွေပြော..."
"မား ကောကကျွန်တော်ချစ်သူပါ"
ရှောင်းကျန်ရဲ့ မိခင်ဖြစ်သူမှာ အခုဖြစ်သွားတဲ့အခြေအနေကို နားမလည်ဟန် နှစ်ယောက်လုံးကို သတိလက်လွတ် ငေးကြည့်လို့နေသည်။
ရိပေါ်နဲ့ ရှောင်းကျန်ကလည်း ရှောင်းမားရဲ့ အမူအရာကြောင့် ဘာမှဆက်မပြောကြသေး။
မိနစ်ပိုင်းလောက် တိတ်ဆိတ်သွားပြီးတဲ့နောက်မှာတော့ ရှောင်းပါးပါးဆီကနေ...
"မိတ်ဆက်ပေးပြီးပြီဆိုတော့ နောက်မှ ထပ်ပြီးပြောကြတာပေါ့ ဒီကိစ္စကို အခုတော့ ရိပေါ် သားဒီလောက်နဲ့ပဲ.."
ရိပေါ်က ရှောင်းသခင်ကြီး ပြောချင်တာကို တန်ယသဘောပေါက်သည်။
ရှောင်းကျန်ရဲ့ မားမားက အခြေအနေကို လိုက်မှီဖို့နေနေသာသာ စိတ်နဲ့လူနဲ့ပင် မကပ်ဟန်။
ထို့ကြောင့် ဒီနေ့တော့ ပြောပြရုံပြောပြပြီး ကျန်တဲ့ကိစ္စတွေကို ရှောင်းကျန်မားမား နဲ့နောက်တစ်ကြိမ်ထပ်တွေ့မှ ပြောဖို့ အတွက်....
"ရှောင်း ကိုယ်တို့နောက်မှဆက်ပြောကြရအောင်လေ"
ရိပေါ်က ရှောင်းကျန်ကို လေပြေလေးနဲ့ ချော့ပြောသည်။
"မဟုတ်..ကောက..."
"မိဘတွေကို အချိန်ပေးရမှာပေါ့...မဟုတ်ဘူးလား"
"ဟုတ်တယ် မောင်လေးရယ် အခုမားအခြေအနေနဲ့ ဘာမှဆက်ပြောလို့မရဘူးဆိုတာ သိနေတာပဲမလား နောက်တစ်ခေါက်ဆို မားလည်း...."
"ဘယ်...အချိန်ကတည်းကလဲ"
တစ်ချိန်လုံး အသိစိတ်လွတ်နေတဲ့ ရှောင်းမားဟာ အခုမှ အသိဝင်လာပြီးမေးတော့သည်။
ရှောင်းမားမားရဲ့ မေးခွန်းအဆုံးမှာ အကုန်လုံးရဲ့အာရုံက ရိပေါ်တို့၂ယောက်ဆီ စုပြုံရောက်လာကြသည်။
ရိပေါ် ရှောင်းကျန်ရဲ့အမေဖြစ်သူဘက်ကို မျက်နှာခြင်းဆိုင်လှည့်လိုက်သည်။ ခါးကိုမတ်မတ်ထားလို့ မျက်လွှာကိုချရင်း ယဥ်ကျေးစွာဖြင့်...
YOU ARE READING
Laoshi Wo Ai Ni
Fanfictionအဆိုးကောင်လေးကို ထိန်းရတာလွယ်မနေဘူး ပရိတ်သတ်တို့............... Wang Yi Bo လောင်ရှီးက ကျွန်တော်နဲ့မချစ်ရင် ဘယ်သူနဲ့မှမချစ်ရဘူး Xiao Zh...