قصة : ( يشبهك قلبي ) ل سهيلة سعيد المنجي

الحلقة ١ و ٢

قصة : { #يشبهك_قلبي } 🌝💛

الحلقة الأولى { ١ } 👩‍❤️‍👨

*( شهر 10 ، سنة 2021 )*

( الساعة تسعة بالليل ، جوة ڤيلا ف كومباوند ، ف الأوضة الي ف الجنينة ، قاعدين ٣ بنات ومشغلين النت ع tv ع مسلسل Squid Game وبياكله ف سناكس وحلويات مندمجين أوي )
فدوى : صحيح هو خالو قالك ع السفر ؟
حياة وهي باصة ل ال tv ب اهتمام : اممم ايه ؟ سفر ايه ؟
فدوى : يبقا مقالكيش 😐
حياة ب انتباه : سفر ايه ي بت ؟!
فدوى : خالو كان قايل ل ماما لو سقطتي السنادي تاني هيسفرك المنصورة عندنا ، ويجوزك هناك
حياة ب خضة : نعم يختي 😮
دنيا : شت 😐

*( ملحوظة .. حياة بنت جميلة ، بشرتها بيضة ، عيونها دهبي ، شعرها بني طويل متعرج معدي ضهرها ، جسمها رفيع وقصيرة ، ملامحها طبيعية وكيوت ، عندها ١٩ سنة ، بتدرس أولى كلية أعلام ، من عيلة مادياً كويسة ، مامتها وباباها مزيعين ف ال tv مشهورين ، بس مامتها متوفية من ٣ سنين ، دنيا تبقا أختها الصغيرة عندها ١٧ سنة ، فدوى بنت عمتهم عندها ٢٠ سنة )*

حياة ب خوف : بجد هو قال كدة ل عمتي ؟!
فدوى : اة والله
حياة : لا اكيد بيهدد !
دنيا : بيهدد مين ، إذا كان لسة مقالكيش حاجة اصلاً عشان يهددك ، فوقي ي ماما 🤷🏻‍♀️
حياة ب خضة : احيه أنا فكرت اما قالي لو سقطي السنادي هزعلك فكرته بيهددني عشان اخاف 🤦🏻‍♀️
فدوى : لا مبيهددش ، وحضرتك سقطتي ف اتوقعي بقا اي وقت ييجي يقولك لمي هدومك وع هناك 😊
حياة : لا مش هروح طبعاً 🙅🏻‍♀️
فدوى : مش بمزاجك ي قمر ، انتي عارفة خالو لما بيقلب ، وانتي بقالك سنتين ف اولى اعلام ، ليه يعني م عنده حق !
حياة ب ضيق : عشان دخلاها غصب عني ، مش عاوزة ادخل اعلام انا 😕
دنيا : طب لو كان بيتكلم جد حاولي بقا تكلميه إنه يديكي فرصة كمان
فدوى : بس متتكلميش معاه ف حاجة إلا لو هو الي اتكلم ، عشان ماما قالتلي مقولش
حياة ب ضيق : طيب 😒
فدوى : والله ي بنتي القاعدة هناك جميلة ، حتى هنبقا سوا
حياة : انا معرفش حد هناك غيرك ي فدوى ، انا رحت مرة وانتي بتيجي هنا ف الأجازات تقعدي معايا ، يبقا اروح هناك اعمل ايه ، وبعدين انتوا ليكوا عادات وتقاليد غير عاداتنا خالص ، مش هرتاح هناك اكيد !
فدوى : ع العموم احنا لسة ف اول الأجازة واحنا ف كورونا ، يعني ممكن الدراسة تتأجل ، ف كل دة هيديكي فرصة مع خالو إنه ممكن يغير رأيه 😕
حياة : يارب بقا ، بس انا عاوزة افهم حاجة بس
فدوى : ايه ؟
حياة : ايه علاقة جوازي بالموضوع ؟!
فدوى : لا مهي عمتك سوسن الحرباية سخنته عليكي ، وقالتله مدام مش نافعة ف تعليم تتجوز بقا 🤷🏻‍♀️
حياة ب فهم : امممم ، ماشي 😐
دنيا ب ضحك : البنت ملهاش غير بيت جوزها ي روحي 😂
فدوى : هههههه 😂
حياة ب ضيق : اضحكي يختي انتي وهي اضحكوا ، م انا الي هلبس الليلة 🤦🏻‍♀️
فدوى : خييير خير 😊
( تاني يوم الصبح ، قدام مستشفى بيطرية ، تركن عربية وينزل منها شاب ، لابس بنطلون كلاسيك اسود وقميص ابيض مدخله جوة البنطلون وحزام اسود وجزمة كلاسيك سودة ونضارة نظر وكمامة سودة وع كتفه شنطة ، يقفل باب العربية ويدخل المستشفى ، تقرب عليه بنت )
فطيمة : ذياد ، ذيااااد 🚶🏻‍♀️
( يقف الشاب ويلف يبصلها )
فطيمة وهي بتمدله ايدها : ازيك 👋
( يبص ل ايدها )
ذياد وهو بيسلم عليها : الحمدلله 👋