قصة : ( يشبهك قلبي ) ل سهيلة سعيد المنجي

الحلقة ٣٣ و ٣٤

قصة : { #يشبهك_قلبي } 🌝💛

الحلقة الثالثة والثلاثون { ٣٣ } 👩‍❤️‍👨

( تقفل الشغالة الباب وراها )
دنيا وهي بتقوم : يلا
حياة : انا مش عاوزة انزل انا بيتنكد عليا تحت 😕
دنيا : لا قومي يلا وإن اتكلمت معاكي سبيهالي
حياة : والنبي بلاش ، انتي قلم منها رقدك ف السرير 🙄
دنيا : ههههه ليه الأحراج دة 😂
حياة : تتشل ف ايدها
دنيا : يلا ننزل بقا ونشلها اكتر
حياة بتنهيدة : ماشي
دنيا : اة صحيح اصبري
حياة : ايه ؟!
دنيا : في حاجة كدة سمعتها نسيت اقولهالك 😐
حياة : سمعتي ايه ؟
( بعد دقايق ، الكل قاعدين تحت )
سوسن بدون اي مقدمات : ولا ي ذياد
( يبصلها )
سوسن : انا مش عوزاك توقف حياتك ع حد ، حب ي ولا وارتبط واخطب تاني
ذياد بضيق : مفيش حاجة بتقف ع حد ي خالتو 😒
( تبصله حياة )
حنان : ايوة جدع والله ي بني 😏
سوسن : والبت فطيمة دي قمر والله ومحترمة اوي ، اوعا تفلتها من ايدك ، انا معرفش ازاي زميلتك كل دة ومفكرتش تخطبها !
( تبصلها حياة بغيظ وزعل )
ذياد : نصيب بقا !
سوسن وهي بتبص ل حياة : يلا مش مهم احنا لسة فيها ، شوف عاوز تتقدملها امتى وانا اول واحدة اروح معاك 😌
ذياد : إن شاء الله
( حياة قاعدة ع اخرها ، شوية ودموعها هتنزل ، تتغاظ دنيا )
دنيا : إلا قوليلي ي حنان عاملة ايه ؟
حنان ب استغراب : الحمدلله !!
دنيا : دايماً ي بنت عمتي ، وكريم عامل ايه ، انا مكنتش اعرف إنك مخطوبة 🤔
( تتخض حنان ويستغرب الكل )
حنان بتوتر : كريم مين ، انا مش مخطوبة !!
دنيا : ي بنتي انا لسة سمعاكي بتكلميه فوق ع بباكي وبتقوليله لازم ييجي !
( تبص ل سوسن )
دنيا : هو عمو قاسم عيان ولا حاجة ي عمتو ؟
( تبص سوسن ل دنيا )
دنيا بتريقة : مش عيان 😏
غيث وهو بيبص ل حنان : لا بالراحة كدة معلش ، مين كريم الي عاوزة تجبيه ل ابوكي ي ست حنان ؟!
حنان ب ارتباك : اااا مفيش الكلام دة ، هي سمعت غلط !!
دنيا : لا مسمعتش غلط
حنان : لا سمعتي غلط ي دنيا ، هي كريمة مش كريم 😕
دنيا : لا كريم ، ب امارة إن شكله مش عاوز ييجي ، هو متخانق معاكي ولا ايه  ،اوعوا تكونوا مش عاوزين تقوللنا ع الخطوبة خايفين ل نحسدك ، احنا نفرحلك والله 🥺
سماح ب استغراب : ايه الكلام دة ي حنان ومين كريم ؟!
حنان بخوف : معرفش ي خالتو دي بتخرف !
دنيا : تؤ تؤ تؤ ، مبخرفش 😌
حنان وهي بتقوم ب انفعال : لا بتخرفي وكدابة 😧
دنيا ب استفزاز : لأ 🙂
سوسن بعصبية : انتي ي بت انتي اخرسي ، انتي فاكرة بنتي زيكوا ولا ايه 😡
دنيا : اممممم ، لا ي عمتو هي مش زينا ، هي اوس .........
( تكتم حياة بؤها بسرعة )
حياة : دنيا خلاص اسكتي !
دنيا وهي بتزق ايدها : لا ي حياة عشان هي مسكتتش ع الي حصل مع غيث الي كان غلطة ، الي اصلاً الباشمهندس مبيصدق يشم ريحة بنات ، ومش اول موقف زفت يسوق فيه معاكي ، زي م اتحرش بيكي ف ال night club ف شرم
( يتخض الكل ويبصوا ل غيث )
دنيا : ومرضتيش تتكلمي عشان متعمليش مشاكل ، لكن انا مش هسكت بقاااا 🙅🏻‍♀️
حياة : بالله عليكي اسكتي اسكتي !
سماح : ايه الي دنيا بتقوله دة ي غيث ؟!
( ميردش غيث ويفضل يهز ف رجله بغيظ )
دنيا : انا اقولك بقا ، لما كنا ف شرم رحنا night club ، قامت حياة ورقصت معاه لما هو طلب كدة عشان متحرجهوش وعشان ذياد مكانش راضي يرقص معاها وحرجها ، ف استاذ غيث بقا استغل وجودها معاه ف الزحمة واتحرش بيها وهو بيرقص معاها
( يتخض ذياد ويبص ل غيث )
غيث وهو باصص قدامه : محصلش 😒
دنيا : طب عينك ف عيني كدة ، متصلتش بيها بعدها تعتذرلها وتقولها مكانش قصدي وحقك عليا 🙂
( ميردش )
دنيا : وعشان حياة تنسى الموضوع رجعت تتكلم معاك عادي بعد م كانت خايفة منك ومش طيقاك ، بس عشان انت مهما كنت قريبها ، ولما سمعت من اختك إنك عيان راحت بكل ادب تسأل عليك وشافت النوت الي انت كاتب فيه مزكراتك وحبت تقراه وانت مرضتش ، ف اخدته وجريت ع اوضتها ك نوع م الهزار وإنها عندها فضول تقراه وغصب عنها اتكعبلت ووقعت ع السرير وانت بتزقها ووقعت انت فوقيها ، بس بدل م حضرتك تقوم بكل ادب وتحترم القرابة الي بينكم لا مصدقت وكنت هتتحرش بيها تاني لولا ذياد شافكم ، او الله اعلم كنت عاوز تعمل ايه اكتر من كدة لو كان الباب مقفول 💁🏻‍♀️
( الكل مصدوم م الي بيسمعوه ) 
دنيا : انكر اي كلمة انا بقولها حالاً ي غيث وكدبني ☝🏻
( ميردش )
دنيا : وبالنسبة ل ست حنان الي عملالنا فيها الشريفة العفيفة ف هي ولا شريفة ولا عفيفة وم الأخر كدة تقريباً والله اعلم إنها ..........
حياة بخضة : وربي لو كملتي م هعرفك تاني ☝️
دنيا : ماشي ي حياة ، انا بس هقول ل طنط سوسن كلمتين لإني من بعد انهاردة عمري م هندهك عمتو ابداً ، إلا البنات ، الكلام عليهم وفضح المستور دة هتتحاسبي عليه ، وانا كنت هتحاسب عليه دلوقتي وربنا ستر ، يمكن لو مكنتيش بوظتي سمعة اختي ولبستيها مصيبة وابنك الغلطان اصلاً كان يمكن ربنا يستر ع الي عندك ، بس انتي مسترتيش حد ، عاوزة اقولك إن مشاء الله كل تربية عندك اسوء من التانية سواء ولد او بنت ، اتقي ربنا بقا واتعظي وحاولي تحبي نفسك ، يمكن الناس تحبك 😒
( تطلع دنيا اوضتها ، تروح وراها حياة )
سماح : فهموني ايه الي بيحصل !
( وفجأة ، يضرب ذياد غيث بوكس ف وشه يوقعه من ع الكرسي )
سوسن بصريخ : ابنييي 😨
( يجري الكل يحوش ذياد )
غيث وهو بيقوم : ماشي ي عم ، حقك انا غلطت 😅
سماح بزعيق ل غيث : انت ازاي تعمل كدة ، البنات دي امانة عندنا ، دي خطيبة ابن خالتك انت معندكش دم ي اخيييي 😡
سوسن : اكيد البت دي كدابة ، انا ابني معملش حاجة 😕
سماح : لا عمل ابنك منكرش ولا كدبها وكفياكي بقا وشوفي ولادك وانتبهي ل بنتك 🤷🏻‍♀️
( يمشي غيث م البيت )
سماح بتنهيدة ضيق : لا اله إلا الله يارب 🤦🏻‍♀️
( يعدي الوقت ، تدق الساعة اربعة الفجر ، حياة نايمة عمالة تتقلب ، ذياد ف اوضته واقف ف البلكونة ، تقوم حياة تقعد وبعدين تقوم تخرج من اوضتها تنزل تحت ، تقرب ع الباب تفتحه وتقعد ع السلم ف الهوا ، تنزل دموعها )
حياة : ماما ، وحشتيني ، انا محتجالك اوي ، اكتر من اي وقت ، محتاجة كلامك ، رأيك ، محتاجة تقوليلي اعمل ايه ، محتاجة حضنك 💔
( يذيد عياطها )
حياة : محتاجة طبطبتك عليا ، محتجالك كلك اوي 😔