قصة : ( يشبهك قلبي ) ل سهيلة سعيد المنجي

الحلقة ١٩ و ٢٠

قصة : { #يشبهك_قلبي } 🌝💛

الحلقة التاسعة عشر { ١٩ } 👩‍❤️‍👨

حياة : خلاص بقا ي عم متكبرش الموضوع ، وهي مش هتلبس بكيني تاني خلاص
كرم : تمام
حياة : خد بقا كلمها
كرم : لا ي حياة معلش مش دلوقتي
حياة : ليه ي بني !
كرم : معلش انا لسة مش رايق ولو كلمتها هزعلها مني اكتر
حياة : لا مش هتزعله ي عم الرايق ، كلمها عشان الموضوع ميكبرش
كرم : معلش شوية طيب ، بجد مش قادر اتكلم
حياة : انت دماغك ناشفة كدة ليه !
كرم : معلش شوية كدة وانا هكلمها
حياة : طيب مش هضغط عليك
كرم : اوك ، سلام
حياة : سلام
( تقفل حياة )
دنيا : مش راضي يكلمني ؟!
حياة : لا هو بس مش ف المود ف عشان ميضايقكيش
دنيا بزعل : اوك 💔
حياة : متزعليش بقا ، هو والله غيران عليكي اوي
دتيا : ماشي
حياة : انا هقوم اغير هدومي وانزل ، مصدقت ذياد نزل
دنيا : اوك
حياة : تعالي انزلي معايا
دنيا : لا هقعد هنا شوية يمكن يتصل 😕
حياة : طيب ماشي ، خلصي وابقي انزلي ع مهلك
دنيا : ماشي
( تغير حياة هدومها وتنزل ، تلاقيهم كلهم ف الماية وحنان عمالة تهزر وتضحك مع ذياد )
حياة : والله ، ومعايا عاملي فيها الشاب الخجول الطاهر ، ماشي ي ذياد 😐
( تقرب حياة ع سلم البُول )
حياة : غيث
( يبصولها )
حياة : هات ايدك 😌👋
( يقرب غيث عليها ويمسك ايدها ، تنزل الماية ، يبصلهم ذياد )
غيث : ي بنتي اطولي شوية ملكيش طول هنا 🤷🏻‍♂️
حياة وهي بتعوم : عيب عليك م انا بعرف اعوم 🏊🏻‍♀️
( واحدة واقفة عند سلم البُول التاني ومعاها طفل عنده حوالي اربع سنين )
........ : ي ياسين انزل احنا مش متدربين ف النادي !
ياسين بخوف : لااااا 😟
........ : يوووه ي ياسين هطلعك فوق !
( يقرب ناحيته ذياد )
ذياد ل ياسين : انت خايف ؟
( يشاورله ب اة ، تبصلهم حياة )
ذياد : خايف ليه الماية جميلة متخافش ، تعالى انا همسكك 👋
( يمدله ايده ، ينط الولد ، يمسكه ذياد يشيله ويعوم بيه )
ذياد : شفت جميلة ازاي 😊
ياسين بفرحة وهو بيلعب ف الماية : اااه 😃
( تقرب عليهم حياة )
حياة وهي بتمسك ياسين من خدوده : ايه القمر دة ي كوكو انتااا 🥺
( تقعد تلعب معاه هي وذياد والبنات ، فوق ، عند دنيا ، تمسك الفون عاوزة تكلم كرم بس مترددة ، عند كرم ، نايم ع السرير ، يرن فونه ، يفتح عيونه ويمسكه ، يلاقيها دنيا ، يتنهد )
كرم بنعاس : الو 😞
دنيا بتوتر : انت نايم ؟
كرم : ايوة
دنيا : طيب لما تصحى كلمني
كرم : طيب
( يقفل كرم ، تزعل دنيا من طريقته ، ترجع تتصل بيه تاني )
كرم : ايه ؟
دنيا : انت بتتكلم معايا كدة ليه !
كرم : عاوزة ايه يعني ؟
دنيا : مش عاوزة حاجة ي كرم انا ..........
( يقفل ف وشها ، تتخض ، تقوم تطلع م الأوضة وتقرب ع اوضة كرم ، تخبط ، يقوم كرم يفتح ، يلاقيها ، يدخل جوة ، تدخل وراه ، يقعد ع طرف السرير ويبص للأرض )
دنيا : وبعدين طيب 😟
( يبصلها )
دنيا : انا عملت ايه لكل دة ؟!
كرم : لا معملتيش حاجة
دنيا : اومال بتعاملني كدة ليه ؟!
كرم : مجنون بقا
دنيا : انت عاوز تكبر الموضوع يعني !
كرم : دة ع اساس إن هو صغير !
دنيا : ايوة صغير ، انا مغلطش انا دة الي متعودة عليه
كرم وهو بيقوم ب انفعال : ودة ميمشيش مع اهلي ، روحي بقا صاحبيلك عيل فرفور م الكومباوند الي جمبيكم مش انا 🙅🏻‍♂️
دنيا وعيونها بتدمع : يعني ايه ؟!
كرم : يعني زي م سمعتي كدة ، انا نظامك وعيشتك والي متعودة عليه دة ميمشيش معايا
دنيا : وضح اكتر ي كرم لو سمحت !
كرم : يعني انهاردة هتقوليلي ماشي واوك مش هلبس المايوه بكرة تقوليلي دة الي متعودة عليه ومتخنقنيش 🤷🏻‍♂️
دنيا : مكنتش هقولك كدة ، انا كنت هسمع كلامك !
كرم : مضمنش 😒
دنيا ودموعها بتنزل : قول م الأخر إنك عاوز تسيبني وبتتحجج ي كرم عشان انا معملتلكش حاجة لكل دة ، وحاضر هنفذلك الي انت عاوزه ، كمل نومك 💔
( تسيبه وتمشي ، يتضايق كرم ، يقعد ويحط ايده ع وشه ، ترجع دنيا اوضتها وهي عمالة تعيط ، غيث ف اوضته بيغير هدومه ، يمسك الفون ، يكتب حاجة ويبتسم ويقفل الفون ويكمل لبس ، تحت ، ذياد وحياة لسة بيلعبه مع ياسين ، ذياد شايله وحياة واقفة وراه عمالة تنزل وتطلع ف الماية تلاعب ياسين وياسين عمال يضحك ويلعب معاها وذياد مبتسم ، وفجأة ، يجيلها شد عضل وهي بتنزل ، تتخض ومتبقاش عارفة تطلع رجليها بتوجعها جداً ، يستغرب ذياد إنها مطلعتش ، يلاقيها بتحاول تطلع مش عارفة )
ذياد وهو بيدي ياسين ل حنان : امسكي امسكي !
حنان ب استغراب : في ايه ؟!
( يغطس ذياد ويقرب ع حياة يمسكها يطلعها )
حياة بخضة وهي بتحاول تتنفس : هييييي ااااااه 😨
ذياد : اهدى مسكتك !
حياة بصريخ وعياط : رجلييييي 😣
ذياد بخضة : مالها في ايه ؟!
حياة بوجع : اااااه طلعني
( يعوم بيها ذياد عند السلم )
حياة : لا مش هعرف اطلع 😥
ذياد : استني طيب
( يقرب بيها عند السور )
ذياد : اديني وشك
( تلف تبصله ، يشيلها يرفعها ع السور تقعد ، يقربه عليهم البنات )
ذياد : مالها رجلك ؟!
فدوى : اتخبطي ؟!
حياة ودموعها بتنزل : لا جالي شد عضل وانا بغطس معرفتش اطلع ، ووجع فظيع 😥
ذياد : لسة وجعاكي ؟
حياة : مطرح الي حصل بس
ذياد : طب تيجي اطلعك فوق ؟
حياة : اة ياريت 😔
( يطلع ذياد م الماية ويقوم حياة ويسندها )
حياة : شكراً إنك طلعتني ، كنت هموت 😟
ذياد : العفو بعد الشر عليكي
حياة : تسلم ♥️
( يشوفهم غيث من بعيد ، يقرب عليهم )
غيث ب استغراب : في ايه في حاجة ؟!
ذياد : لا مفيش ، جالها شد عضل ف الماية
غيث ل حياة : لا الف سلامة عليكي !
حياة : الله يسلمك
غيث وهو بيقرب عليها : طب تعالي اطلعك 👋
ذياد : انا هطلعها 😐
( تبصله حياة )
غيث : طيب خلي بالك منها
ذياد : اوك
( يمشي غيث ، يلمح ذياد حياة بصاله )
ذياد : يلا عشان رجلك متوجعكيش !
حياة وهي بصاله ب ابتسامة : عيونك حلوين 🙂♥️
( يرتبك ذياد ووشه يقلب طماطم )
ذياد ب احراج : الله يخليكي 😅
حياة : لأ انا مش امك ع فكرة ، قولي انا كمان كلام حلو ، عمرك شفت بنت بتعاكس ولد ، جبت اخري منك والله 🤷🏻‍♀️
ذياد ب احراج : ههههه معلش انا اسف 😅
حياة : هو دة الكلام الحلو ! ماشي ي عم مش هشحته منك طلعني بقا 🙄
ذياد : حاضر
( يسندها ويطلعه ، يقربه ع الأوضة ، تخبط حياة ، تفتحلها دنيا وتدخل جوة )
حياة : شكراً ي ذياد
ذياد : العفو ، شوفي لو كانت لسة وجعاكي اجيبلك حاجة م الصيدلية
حياة : هو في صيدلية هنا ؟!
ذياد : هدور اكيد فيه
حياة : هي كويسة حالاً ، لو تعبتني هقولك
ذياد : اوك ، ادخلي ارتاحي يلا
حياة : اوك
( تدخل حياة ويمشي ذياد ، يعدي الوقت وييجي الليل ، عند نرمين ، نايمة هي وحمزة ، تقلق نرمين ف تقوم تقعد ، تمسك الفون تشوف الساعة ، تلاقي ماسدچ ، تفتحها )
الماسدچ : بزمتك حضني ولا حضن زوما 🙂
( تتخض نرمين وتمسح الماسدچ بسرعة وتنزل دموعها )
نرمين ف سرها : ربنا ياخدك ي غيث ، منك لله 😣
( تبص ل حمزة نايم ، تقرب عليه )
نرمين وهي بتطبطب عليه : حمزة ، حمزة اصحى 👋
( يفتح عيونه )
حمزة بنعاس : ايه ي قلبي 😞
نرمين : اصحى معلش