قصة : ( يشبهك قلبي ) ل سهيلة سعيد المنجي

الحلقة ٣٥ والأخيرة

قصة : { #يشبهك_قلبي } 🌝💛

الحلقة الخامسة والثلاثون والأخيرة { ٣٥ } 👩‍❤️‍👨

ذياد : مش عارف ، مش عارف والله 😔
حياة ودموعها بتنزل : عشان خاطري ، لو مسامحتنيش هرجع 😥
ذياد ب استغراب : ترجعي فين ؟!
حياة : هرجع للقطر وهرمي نفسي تحتيه
ذياد بتنهيدة : بطلي هبل 😑
حياة وهي بتقوم : بتكلم جد
( يبصلها بعدم اهتمام ، يقوم يقف )
ذياد : يلا عشان اتأخرنا 😒
حياة وهي بتقوم : يعني مش مسامحني ؟
ذياد وهو بيمشي : يلا ي حياة 🚶🏻‍♂️
( تفضل حياة واقفة مكانها ، تلف وتمشي عكس اتجاهه ، وفجأة ، تجري ، يحس بخطواتها بتبعد مش وراه ، يبص يلاقيها ف أخر النفق وطلعت منه راجعة فعلاً للقطر )
ذياد بخضة : حياة !!
( يروح وراها )
ذياد بقلق : حياة بطلي هبل وارجعي 🏃🏻‍♂️
( يطلع م النفق يلاقيها واقفة عند شريط القطر ومقربة اوي ومستعدة فعلاً إنها تنط والقطر جاي من بعيد ، يتخض ذياد )
ذياد : حياة متتجنيش !!
حياة بعياط : حياتي كدة كدة باظت ، يمكن لو كنت سامحتني كنت ع الأقل هعرف اكملها ، مع إن من غيرك مش هعرف ، بس انت مش مصدق إني حبيتك 💔
ذياد وهو بيقرب عليها : طب انا مسامحك ومصدقك اوك !!
حياة وهي بتقرب ع شريط القطر اكتر واقفة ع الطرف : متقربش ✋
( يتخض ويقف مكانه )
حياة : انت مش مسامحني ، والكلام دة مش من قلبك
ذياد بخوف : والله مسامحك والله 😟
( تشاورله ب لأ ، القطر خلاص قرب )
حياة وهي باصة للقطر الي بيقرب : اظن مش هكدب عليك وانا خلاص هموت
( تبصله وتنزل دموعها )
حياة : بس انا بحبك ، والله بحبك 😥
( ترفع رجليها و ....................... )
ذياد وهو بيجري عليها بصريخ : استنيييييي 🏃🏻‍♂️
( وفجأة ، تقع حياة ف الأرض وذياد فوقيها )
ذياد وهو بيمسكها من هدومها ب انفعال وعياط وبيقومها : عاوزة تموتيييي عاوزة تسبيني ي غبية يلي مبتحسيش ربنا ياخدك 😨
حياة ودموعها بتنزل : كنت سيبته ياخدني طيب 😥
( يسيبها )
ذياد : مقدرتش ، حتى لو مش مسامحك مقدرتش ، عشان بحبك ، رغم غبائك وإنك معندكيش احساس ولا دم بس بحبك 💔
حياة وهي بتترمي ف حضنه : وانا بحبك ♥️
( يتخض من حضنها )
حياة : والله بحبك 😔
( يحضنها وتنزل دموعه )
حياة : وهي بتبصله : مسامحني ؟
( يشاورلها ب اة ، ترجع ل حضنه )
ذياد وهو بيبص ع الناس الي حواليهم : حياة !
حياة وهي بتبصله : نعم ؟
ذياد : يلا احسن دقيقة كمان وهيطلبولنا الأمن 😐
حياة ب احراج : اة يلا 😅
( يمشوا جنب بعض يرجعه للنفق تاني ويطلعه منه ع الشارع ويقفه )
ذياد وهو بيمسك الفون : استني نطلب اوبر 🤳🏻
حياة : ينفع نركب الباص ؟
ذياد ب استغراب : ينفع ، بس اشمعنا ؟!
حياة : عاوزة اركبه
ذياد : اوك !
( يتمشوا قدام شوية ناحية الموقف ، تبص حياة ل ايد ذياد حاططها ف جيبه ، تحط ايدها ف جيبه تمسك ايده ، يبصلها ، تبتسمله بحب )
حياة : ايدي سقعانة 😊
( يبتسم ويكلبش ايده ف ايدها ، يقربه ع الباص ويركبه ، ميلاقوش باقي غير كرسيين ورا بعض ، يركب ذياد وتركب حياة ف الكرسي الي وراه ، يمشي الباص ، تمسك حياة ف ايد ذياد من ورا ، يعدي الوقت ويوصله ، ينزله م الباص ويوصله المقابر )
ذياد : ادخلي هستناكي هنا
حياة : اوك
( تدخل حياة الأوضة الي فيها القبر ، تقرب ع قبر مامتها وتقف قصاده )
حياة ب ابتسامة : ماما ازيك ، وحشتيني ، تعرفي ، اكتر ايام حسيت فيها إني فعلاً يتيمة ومحتجالك كانوا اليومين الي فاته ، كنت تعبانة نفسياً اوي 💔
( ذياد واقف ع الباب سامعها بس هي مش شيفاه )
حياة ودموعها بتنزل : كان نفسي اجري كدة وقتها واقولك بصي حصلي ايه ، بصي اتقال عليا ايه ، هتيلي حقي ، حتى لو كنت غلطانة وانا الي وصلتهم ل كدة ، بس كنتي دايماً ف ضهري ، كنتي ع الأقل هتلحقيني قبل م اغلط وتفهميني ، ماشية طايشة ، بخبط ف كل حاجة واخدها بعفوية وتفاهه ، حتى البني ادم الي حبيته بغبائي كنت هكرهوا فيا ، بس الحمدلله ربنا ستر ، هو بجد احلى حاجة ف حياتي ، او يمكن الحاجة الوحيدة الحلوة الي فيها ♥️
( يبتسم ذياد ويقرب يقف وراها )
حياة : انا بحبه اوي ، لو كنتي شوفتيه كنتي هتحبيه زيي ، بس اكيد انتي شوفتيه وهو صغير وحبتيه ♥️
ذياد : وانا كمان كنت بحبها ♥️
( تبصله )
ذياد وهو بيقلع سلسلة ف رقبته : وبشكرها دلوقتي إنها جابتك للدنيا دي عشان تبقي من نصيبي ♥️
( يطلع م السلسلة دبلتها ودبلته )
حياة بخضة : انت شايلهم !
ذياد : معرفش ليه ، يمكن كان قلبي حاسس إنك هترجعيلي !
( تنزل دموعها ، يلبس بتاعته ويقرب يمسك ايدها يلبسهالها )
حياة ودموعها بتنزل : انا بحبك اوي 😥♥️
ذياد : وانا بحبك ♥️
حياة : انا عارفة إني مشبهكش ف اي حاجة وإني متعبة ، بس انا هحاول اتغير والله 😟
ذياد : وانا مش عاوزك تتغيري ، انا عاوزك زي م انتي 🙂♥️
( تحضنه ، يحضنها ويبص للقبر ويبتسم ، يعدي الوقت ، ف البيت ، ف اوضة حنان ، قاعدة مع مامتها )
سوسن : ينهار اسود عليا ينهار اسود ، وانا الي عمالة اتفرعن ع بنات جلال اتاري بنتي انيل وادل !!
حنان ودموعها بتنزل : ي ماما والله غصب عني ، متوقعتش الأمور بينا توصل لكدة ووالله م حصل كدة غير مرة واحدة 😥
سوسن : وجايين ع نفسكم كدة ليه يختي 🤷🏻‍♀️
حنان : والله هو بني ادم كويس ، هو بس مش مستوعب لسة وخايف من غيث وبابا !
سوسن ب انفعال : مش مستوعب اييييه هو انتوا عيال صغيرااااا 😡
حنان بخوف : ي ماما وطي صوتك والنبي حد يسمعك 😧
سوسن : حد يسمعني ايه دة احنا فضيحتنا هتبقا ع كل لسان يختي متستعجليش 🤷🏻‍♀️
حنان : لااا لأ انا هكلمه تاني
سوسن : انتي تديني ام الرقم وانا هتصرف معاه
حنان : ي ماما .........
سوسن بزعيق : سمعتييييي ، متطلعيش صوتيييي 😡
حنان : حاضر حاضر 😟
( تديها الرقم ، تاخده ع فونها وتتصل )
حنان : ايه ؟
سوسن ب ابتسامة عريضة : غير موجود بالخدمة ي نن عين امك ي فالحة 😊
( تتخض حنان )
حنان : يمكن تليفونه باظ !
سوسن : ويمكن خلع منك !
حنان بخوف : اكيد لأ 😦
سوسن : عنوانه فين الولا دة ؟
حنان : معرفش ، انا الي اعرفه إنه كان مأجر شقة جنب الشغل لكن هو م القاهرة اصلاً 😕
سوسن بخضة : يلهوي عليا وع سنيني السود وع الفضايح الي هنبقا فيهااااا 🤦🏻‍♀️
( وفجأة ، يسمعه صوت زغاريط ، يستغربه ، يطلعه م الأوضة يبصوا من فوق ، يلاقوا تحت سماح حاضنة حياة وذياد واقف جنبهم )
سماح : ربنا يهنيكوا ي حبايبي وافرح بيكوا قريب يارب 😍
حياة : يارب ي عمتو 😊
( تبص سوسن ل حنان بغيظ وتدخل جوة )
كرم وهو بيجري عليهم : وانا وانا كمان عاوزة افرحكوا بياااا 🏃🏻‍♂️
سماح : مسروع ع الجواز يختي مسروع 🤷🏻‍♀️
الكل : هههههه 🤭
( يقرب غيث ، يبصوله ويضيره وشهم )
غيث : صباح الخير
سماح : صباح الخير 😒
غيث : ان ........
ذياد ل حياة : انا رايح الدار ، تيجي معايا ؟
حياة بحماس : اشطاا معاك 😃
ذياد ل مامته : محتاجة حاجة ؟
سماح : لا ي حبيبي سلامتك
ذياد وهو بيمسك ايد حياة : يلا 👋
( يمشي ذياد وحياة من غير م يدوا ل غيث اي اهتمام )
غيث ل سماح : هما هيقاطعوني ولا ايه !
سماح : انت ليك عين تتكلم ، اسكت والنبي !
( تسيبه وتمشي ، يبصله كرم بجمود وقرف ويمشي ، يتنهد غيث ، تعدي الأيام ، جوة عيادة دكتورة نسا ، قاعدة برة سوسن وباين عليها القلق والخوف )
سوسن ف سرها ودموعها بتنزل : يارب ، يارب استر علينا يارب ، انا عارفة إني غلط كبير لما كنت بجيب ف سيرة البنات واتكلمت ف اعراضهم عارفة ، والله وندمانة يارب بس استرها علينا ، طلعلي بنتي بالسلامة لجل حبيبك النبي ومتفضحناش يارب 😥
( تقرب عليها الممرضة ، تقوم بخضة )
الممرضة : متقلقيش بنتك كويسة وبتفوق ، العملية اتعملت
سوسن ب ارتياح : الحمد ليك والشكر ليك يارب 🤲

*( بعد شهرين )*

( ف بيت حياة ف القاهرة ، قاعدين الكل ماعدا سوسن وولادها ، بيحتفله ب اري فاتحة كرم ودنيا ، ذياد وحياة واقفين سوا )
ذياد وهو بيبص ل كرم : الولا الفرحة هتخزق عنيه !!
حياة : هههههه 😆
ذياد : مش مصدق إن اقل من شهر وهتبقي ف بيتي ♥️
حياة بكسوف : اة 😅
ذياد : لأ اة ايه هو انا امك ، قوليلي كلام حلو 🤷🏻‍♂️
حياة : هههههه دة انت قلبك اسود اوي 😆
ذياد : اوي وربنا هو انتي لسة شوفتي حاجة ، بيت يلمنا بس وهنفخك اتقلي 🤌
حياة : هههههه 🤭

*( بلاش نيجي ع نقاط ضعف بعض ، بلاش نضغط واحنا مش حاسين ، بلاش نتكلم من غير م نحسبها تحت مسمى انا بهزر ، مش شرط تشبهني ف الشكل والصفات او الأهتمامات ، ممكن تبقا عكسي ، تكره الي احبه ، او احب الي تكرهوا ، كفاية قلبي يشبهك .. 🤎✨ )*

*( النهاية )*

( متنسوش اللايك ورأيكم ف القصة .. 💛✨ )

#قصة_يشبهك_قلبي_ل_سهيلة_سعيد

#sohila_sa3ed