قصة : ( يشبهك قلبي ) ل سهيلة سعيد المنجي

الحلقة ٢٩ و ٣٠

قصة : { #يشبهك_قلبي } 🌝💛

الحلقة التاسعة والعشرون { ٢٩ } 👩‍❤️‍👨

غيث : هي اة مايعة ومش متظبطة كدة ، بس انا برضو مشفتش عليها حاجة وحشة 😒
سوسن : وانت تهزر معاها ليه اصلاً ، انا مش قيلالك تبعد عنها الصايعة دي عاوزة توقعك 🤷🏻‍♀️
غيث : عيب عليكي ي سوسو ابنك مش صغير عشان يقع ، ابنك يوقع بلد 🙂
سوسن : يلا مش دي الي كانت هتموت عليها ست سماح ل ابنها ، يلبسه بقا ست الحسن 😏
( عند حياة ودنيا ، قاعدين سوا )
دنيا بخضة : احيه عليكي ي حياة ازاي تعملي كدة !!
حياة : انتي هبلة انتي كمان انا معملتش حاجة ، احنا وقعنا غصب عننا 🤷🏻‍♀️
دنيا : وليه مقمتيش ع طول ؟!
حياة : هو النيلة غيث ربكني وقعدت يتكلم ملحقتش 🤦🏻‍♀️
دنيا : وبعدين طيب ؟
حياة بحيرة وقلق : مش عارفة !
( تقف )
حياة ودموعها بتنزل : مش عارفة بجد 😔
دنيا ب استغراب : انتي بتعيطي ؟!
( تمسح حياة دموعها )
دنيا : متخافيش اخرك ف الحوار دة هيفسخه الخطوبة وخلصنا 🤷🏻‍♀️
( تتخض حياة )
حياة : مهي دي المصيبة 💔
دنيا بعدم فهم : هي ايه دي ؟!
حياة : الخطوبة لما تتفسخ 😥
دنيا ب استغراب : طب وايه يعني ، مش انتي اصلاً كنتي مش حباه وقلتي الخطوبة دي عشان بابا بس ؟!
حياة : ايوة اة ، بس مش بالمنظر دة ، هيقوله عليا ايه دلوقتي 🤦🏻‍♀️
( تبصلها دنيا ب استغراب )
حياة وهي بتطلع البلكونة : هتفضح ف العيلة 😔
( ف مكان تاني ، عند البحيرة ، واقف ذياد باصص ل البحيرة وحاطط ايده ف جيبه )
ذياد : خلصت ، خلصت ي ذياد ، خلصت خلاص ، انا عارف تعبتك معايا ، تعبنا صح ، هديت حيلك عارف ، انا اسف ، اسف ع كتر المعافرة دي ، مكانش ليها لازمة م الأول بس انت حاولت متزعلش ، حاولت ، وخلصت 💔
( تنزل دموعه ، يمسحها )

*( وسكاكين ف القلب ماسكين ، عيني ي قلبي ي مسكين ، جرحي مبيعرفشي تسكين ومتمكن مني تمكين .. 💔 )*

( يعدي الوقت ، ذياد قاعد مع مامته ف الأنتريه )
سماح ب استغراب : ليه ي بني بس حصل ايه عشان تقول كدة ؟!
ذياد وهو بيبلع ريقه عشان يحوش دموعه : كدة معلش ، مش عاوز اكمل ، عشان خاطري بلاش 😕
سماح : ي حبيبي مش هغصبك مدام جربت ومش مرتاح ، بس انت كنت جاي مبسوط ، ايه الي حصل بس !
ذياد وهو بيبص للأرض : مبسوط اة ، عادي والله 😅
سماح : ذياد
( يبصلها )
سماح : انا امك ي حبيبي انا مش هتوه عنك ، قولي حصل ايه ؟
ذياد : مفيش صدقيني ، هي مبتحبنيش ولا انا بحبها ، اسلوبنا وعاداتنا مش شبه بعض ، عمر حياتنا م هتنفع سوا ، معلش ريحيني 💔
سماح : وانا يهمني ايه غير راحتك بس ، هقول ل ابوك يكلم خالك يقوله 😕
ذياد : تمام
( تقوم ام ذياد تطلع اوضتها )
حساب : ايه ، عرفتي ماله ؟!
( تحت ، مازال ذياد قاعد مكانه وباصص للأرض ، تقرب عليه حنان )
حنان : ذياد ، ي بني !
ذياد ب انتباه وارتباك : ايه نعم ؟
حنان : عمالة اكلمك مش معايا خالص !
ذياد : اة معلش
حنان وهي بتقعد قصاده : ايه مالك ؟
ذياد : ماليش
حنان : لا بجد فيك حاجة !
ذياد ب تنهيدة : مفيش بجد😑
( فوق ، عند اهل ذياد )
حساب : طب ومقلكيش السبب ؟!
سماح : بيقول إنهم مش شبه بعض ف اسلوبهم وعاداتهم 🤷🏻‍♀️
حساب ب استغراب : وهو لسة مكتشف الكلام دة دلوقتي !!
سماح : انا حاسة إن في سبب تاني بس هو مخبي 😟
حساب : لا حول ولا قوة إلا بالله
سماح : هتتصل ب جلال تقوله ؟
حساب : ايوة اومال لأ
سماح : طب هو مسافر دلوقتي ف دبي عنده شغل ، م تخليها لما يرجع عشان اكيد هيزعل ، ف بدل م ننكد عليه وهو لوحده وبعيد عننا كدة 😕
حساب : طيب الي تشوفيه
سماح : هو كدة ممكن جلال يوافق ع كرم ل دنيا بعد فسخ الخطوبة دي ؟
حساب : معرفش ي سماح ، بعدين نشوف الموضوع دة ، خلينا دلوقتي ف ذياد
سماح بزعل : طيب ماشي 😟
( يعدي الوقت ، يخبط باب اوضة البنات ، تتخض حياة )
دنيا : ادخل !
( تدخل الشغالة )
الشغالة : العشا ي هوانم 😌
دنيا : طيب نازلين
الشغالة : ماشي
( تمشي الشغالة )
دنيا : يلا
حياة : لا انا مش هنزل انزلي انتي
دنيا : بالله عليكي انزلي معايا مش هنزل لوحدي 😕
حياة : ماليش نفس والله
دنيا : اقعدي بس طيب ، عشان خاطري
حياة بتنهيدة : حاضر
( تقوم حياة وتنزل تحت ، الكل قاعد ماعدا ابو غيث وحنان ، يبصولها ، تفضل باصة ف الأرض ل طريقها ، تسحب كرسي وتقعد وجنبها دنيا ، ذياد قاعد باصص ل طبقه الفاضي ، تبصله حياة ، تقرب مامته تحطله اكل ، يفضل باصص ل الطبق وهي بصاله ، يلاحظ غيث )
غيث : ايه ي زيزو !
( يبصله )
ذياد : نعم ؟
غيث : سرحان ف ايه كدة ؟!
ذياد وهو بيضير وشه : ولا حاجة 😒
( يقوم ذياد )
سماح : رايح فين ي حبيبي ؟!
ذياد : مش جعان
( يطلع فوق وعيون حياة مازالت متبعاه ، يدخل ذياد اوضته ويقفل الباب وراه ، يقرب ع سريره ويقعد ويبص للأرض ، تحت ، قاعدة حياة متضايقة ، الكل بياكل إلا هي بتقلب ف طبقها ، تسيب المعلقة وتقوم تقف ، يبصولها ، لسة هتمشي .................. )
سوسن : رايحة فين ؟
حياة : كلت !
سوسن : كلتي ايه طبقك زي مهو ، ولا يكونش نفسك اتسدت زي م سديتي نفس الغلبان الي فوق دة 🤷🏻‍♀️
( تتخض حياة من كلامها وينتبهلها الكل وتبصلهم فدوى ب استغراب )
سوسن : انتي مش حقته يسيبك ، انتي كان المفروض يكسر دماغك ي بت جلال 😐
سماح : في ايه ي سوسن ، ليه ي بتقولي كدة دة نصيب !!
سوسن : نصيب اة ، والمسخرة والمياعة بتاعتها هي واختها من ساعة م جم دول ايه إن شاء الله ؟
( تتخض دنيا ويبصلها كرم )
حساب : عيب الكلام دة ي سوسن دول بناتنا برضو ومشفناش منهم حاجة وحشة !!
سوسن بصوت عالي : لا شفنا ي حساب ، وانا معلش مش هسكت حتى لو دة يخص ابني ، بس ف الأول وف الأخر انا ابني راجل وميعيبوش حاجة ، الدور والباقي ع الهانم بقا 🤷🏻‍♀️
( يبصلها غيث ويتنهد بزهق )
حساب بقلق : قصدك ايه ؟!
سوسن ل غيث : م تتكلم
غيث : اتكلم اقول ايه ي ماما ، موقف وعدى خلاص !
( يطلع ذياد من اوضته ع الصوت ، يقف يشوف من فوق )
سوسن : لا مش خلاص ، لو خلاص مكانش خطيبها سابها 💁🏻‍♀️
غيث وهو بيقوم : طيب ع راحتك بقا ، انا ماشي 🙄
( لسة هيمشي ................. )
حساب : اصبر ي غيث ، قولي في ايه ي سوسن 😐
( تبص دنيا ل حياة بخوف )
سوسن : الهانم كانت بتهزر وتتمايع مع غيث ووقعالي ع السرير قدامه وعملالي فيها سعاد حسني 🤷🏻‍♀️
حياة بخضة : محصلش والله 😮
سوسن : لا حصل يختي ، ولما ذياد شافك شتمك وبهدلك وقال ل امه تفسخ الخطوبة ، مش دة السبب برضو 💁🏻‍♀️
( حياة واقفة مش عارفة تقول ايه لإن كل دة حصل بس مش بالطريقة دي )
سوسن : مش لاقية رد طبعاً ي برنسيسة 😏
حياة ودموعها بتنزل : انا وقعت غصب عني 😥
سوسن : اسم الله ليه نغة يختي ، انتي الي من ساعة م جيتي هنا وانتي بتحومي حوالين ابني وهتموتي عليه وهو عامل حساب إنك خطيبة ابن خالته ، لكن طبعاً الي زيك مكفهاش واحد وقولتي تضيري ع التاني بقا 🤷🏻‍♀️
( طبعاً كل كلمة بتتقال راشقة ف قلب ذياد كسراه 💔 )
سوسن : لا انسي ي بت جلال ، انا مستحيل اخدك ل ابني ، انا ميشرفنيش تربيتكم الخوجاتي دي اصلاً !