~He is my lovely beloved friend not my beloved little brother ~
နွယ်မနေ့ကလာလည်တုန်းကသူ့သားဇိုးအကြောင်းလာပြောပြလာသည်။ သူ့သားကမပြောစဖူးကားတစ်စီးပူဆာတယ်တဲ့လေ။ ဒါကိုနွယ်ကပျော်ပျော်ရွှင်ရွှင်ကျေကျေနပ်နပ်နဲ့ပဲမို့သူလည်းသူ့သားမယ်လွန်ကိုကားဝယ်ပေးရမလားလို့ဒေါ်နန်းမယ်တစ်ယောက်တညလုံးစဥ်းစားကြည့်ရင်းယောကျ်ားနဲ့တိုင်ပင်ဖြစ်သည်။
"သား"
"ဟုတ်မေမေ"
"မေမေကားတစ်စီးဝယ်ပေးရမလား။ ကျောင်းတက်ဖို့လေ"
"ရုတ်တရက်ကြီး"
"သူများတွေနဲ့တန်းတူဖြစ်ရအောင်လေ"
"သားမလိုပါဘူးမေမေရဲ့"
မေမေကထမင်းစားဝိုင်းမှာဇိုးတို့အိမ်အကြောင်းပြောပြလာသည်။ အန်တီနွယ်ကဇိုးကားပူဆာတဲ့အကြောင်းမေမေ့ကိုပြောပြခဲ့လို့သူ့ကိုလည်းဝယ်ပေးရမလားလို့ပြောလာသည်။ တစ်ကယ်တမ်းမယ်လွန်မလိုအပ်တာကြောင့်ငြင်းဖြစ်ခဲ့သည်။
"ဇိုးမနေ့ကကားသွားကြည့်ကြတယ်ဆို"
"အင်း အမေပြောပြတာလား"
"ဟင့်အင်းငါ့မေမေပြောတာ။ အန်တီနွယ်ဆီကကြားလာတာထင်တယ်"
"ဟုတ်မှာပေါ့။ ဘာလို့မေးတာလဲ"
"ဘာမှမဟုတ်ပါဘူး။ ရုတ်တရက်ကြီးမို့မေးကြည့်တာ"
ကျောင်းရောက်တော့နှင်းကအကတိုက်ရမယ်ပြောပြီးထွက်သွားသည်။ အားကစားပြိုင်ပွဲချိန်နီးလာပြီမို့ကိုယ်စီကိုယ်စီကြိုးစားနေကြသည်။ သူတို့ထဲမှာတော့မယ်လွန်ကပုံမှန်အတိုင်းအားယားနေသူဖြစ်နေသည်။ အတန်းချိန်လည်းအရင်လိုလူမဆုံတာမို့သွားတဲ့သူကသွားမသွားတဲ့သူကလစ်နဲ့ထင်တိုင်းကြဲနေသည်။
"ဇိုးမင်းလေ့ကျင့်ဖို့ရှိလား"
"အင်း"
"ငါရောပဲ"
ဇိုးနဲ့အင်းစက်ကထိုသို့ပြောပြီးအားကစားခန်းမထဲက Basketball ကွင်းကိုရောက်သွားသည်။ ဝတ်ရည်တို့ကလည်းလေ့ကျင့်ရေးရှိလို့ပျောက်နေသည်။ မေသစ္စာနှင့်ခန်းစက်ကလည်းစာကြည့်တိုက်နဲ့ညားနေသလိုပင်အဲ့မှာပဲတစ်ချိန်လုံးရှိသည်။ သောကြာနဲ့ဂျက်ခ်ကတော့အမွှာပူးတွေလိုပင်အမြဲတပူးတွဲတွဲမြင်နေရသည်။ ထို့ကြောင့်မယ်လွန်တစ်ယောက်တည်းမို့အတန်းသွားတက်ဖို့ပျင်းလှသည်။ ဘယ်သူမှသူနဲ့အဖော်မရှိတာကြောင့်အားကစားအသင်းထဲမဝင်မိတာတောင်နောင်တရသွားသည်။
YOU ARE READING
Fat Representation in♥Romance (Completed)
Romance"I LOVE YOU" I love you for all that you are, all that you have been and all that you will be~♥ မင်းရဲ့အရာအားလုံးကို ငါသဘောကျတယ်။ ဒါပေမယ့် ငါ့ရဲ့အရာအားလုံးကိုတော့ ငါမုန်းတယ်။ မင်းရဲ့အမြင်မှာ ငါကဆိုးသွမ်းနေလောက်မယ်ဆိုတာသိတယ်။ ဒါပေမယ့် မင်းမသိတာတစ်ခုက...
