~You can always consider me as a friend . But I will not able to be with you for the rest of my life as a friend~
မယ်လွန်သူ့ကိုတီးပြတဲ့သီချင်းက Titanic Intro ဖြစ်သည်။ အခုလိုတီးပြပြီးသူမနည်းရအောင်လေ့ကျင့်ထားရတာလို့အချီးကျူးခံရအောင်ပြောသေးသည်။ ကြိုးကတင်းလို့မနည်းဖိထားရတာအသားမာတွေတောင်တက်တော့မယ်ဆိုပြီးသနားကမားရုပ်လေးနဲ့သူ့လက်ကိုလာပြနေသေးသည်။
"ဘယ်လိုလဲ။ ငါတော်တယ်မလား"
"တော်ပါတယ်။ သင်ပြတဲ့ငါကတော်လို့ဖြစ်မှာပါ"
"မင်းကလည်းငါ့ကိုပဲချီးမွှမ်းပေးလို့မရဘူးလား။ မင်းကိုတီးပြဖို့ငါဘယ်လောက်ထိလေ့ကျင့်ခဲ့ရလဲသိလား"
"ဟုတ်ပါပြီ။ တော်တယ်"
ဇိုးကသူ့ကိုချိုချိုသာသာလေးပြောလာတော့ကြားလိုက်ရတဲ့မယ်လွန်တစ်ယောက်သဘောကျ၍ပြုံးစိစိဖြစ်နေသည်။ ဒီနေ့ဇိုးတော်တော်ထူးဆန်းနေတယ်လို့လည်းမြင်မိသည်။
"ဇိုး မင်းနဲ့နှင်းအဆင်ပြေကြပြီလား။ ငါ့ကြောင့်နဲ့ရန်ဖြစ်ကြသေးလား။ ငါသူ့ကိုရှင်းပြပေးနိုင်ပါတယ်။ မနက်ကနှင်းငါ့ကိုတွေ့တုန်းကငါတစ်ကယ်ဘာမှမသိနေသေးတာ"
"မနက်ကနှင်းမင်းကိုလာတွေ့သေးတာလား။ ဘာတွေပြောသေးလဲ"
"မင်းကိုနှင်းမပြောဘူးလား။ ငါကမင်းသိတယ်ထင်လို့"
"သူမင်းကိုဘာပြောခဲ့လဲလို့မေးနေတယ်လေ"
ဇိုးကသူ့ကိုရုတ်တရက်ကြီးစိတ်ဆိုးတဲ့လေသံနဲ့ပြောနေတော့မယ်လွန်လန့်သွားသည်။
"မင်းနဲ့ငါ့ကိုဘာတွေလဲလို့မေးတယ်။ ဒီလိုကောလဟာလကိုမြင်ပြီးနှင်းဒီလိုမေးတာကမေးသင့်ပါတယ်။ ဒါပေမယ့်မင်းဘာမှစိတ်ပူစရာမလိုဘူး။ မင်းနဲ့ငါကသူငယ်ချင်းတွေလေ။ ဒီလိုမျိုးကဖြစ်လာမယ့်ကိစ္စတွေမှမဟုတ်တာ။ ဟုတ်တယ်မလား။ ကောလဟာလကိုဖြန့်တဲ့သူကလည်းအာရုံစိုက်မှုလိုချင်လို့နေမှာပါ"
"သူတစ်ကယ်မင်းကိုတစ်ခြားဘာမှမပြောသွားဘူးလား"
"ထွေထွေထူးထူးရယ်လို့ဘာမှမပြောပါဘူး"
နှင်းကသူ့ကိုသစ္စာမဖောက်နဲ့လို့ကတိတောင်းသွားတဲ့အပေါ်မယ်လွန်ကတိပေးခဲ့တာကဇိုးအတွက်အရေးကြီးတဲ့ကိစ္စတော့မဟုတ်နိုင်လို့မပြောဘဲထားလိုက်သည်။
YOU ARE READING
Fat Representation in♥Romance (Completed)
Romance"I LOVE YOU" I love you for all that you are, all that you have been and all that you will be~♥ မင်းရဲ့အရာအားလုံးကို ငါသဘောကျတယ်။ ဒါပေမယ့် ငါ့ရဲ့အရာအားလုံးကိုတော့ ငါမုန်းတယ်။ မင်းရဲ့အမြင်မှာ ငါကဆိုးသွမ်းနေလောက်မယ်ဆိုတာသိတယ်။ ဒါပေမယ့် မင်းမသိတာတစ်ခုက...
