( Unicode )
" ကမ်းပေ့ "
" ဒီည အမူးသောက်ကွာ "
ခွက်တိုက်သံအဆုံးမှာတော့ ခွက်ထဲအပြည့်နီးပါးထည့်ထားတဲ့ ဆိုဂျူတွေကိုတဂျိုက်တည်းမော့သောက်လိုက်တဲ့ ဘတ်ခ်ဟျွန်းကိုအားလုံးက တအံ့တသြကြည့်လို့။
" ဘတ်ခ်ဟျွန်း .. မင်းအဆင်ပြေရဲ့လား "
" ပြေပါတယ်လို့ပြောပြီး မလိမ်ချင်ဘူး "
လောလောလတ်လတ် အသည်းကွဲထားရသူမို့ ဘတ်ခ်ဟျွန်းစိတ်ထဲမှာ ဝမ်းနည်းမှုတွေ၊အ ထီးကျန်ဆန်မှုတွေ၊ သောကရောက်နေမှုတွေ ဘယ်လောက်တောင်များပြားနေလိုက်မလဲ။
ကိုယ်ချစ်ရတဲ့သူတစ်ယောက်လုံးက ကိုယ့်ကို ပစ်ပစ်ခါခါတွေပြောပြီး နောက်တစ်ယောက် တွဲထားတဲ့အပေါ် ဘတ်ခ်ဟျွန်း ဘယ်လိုဖြေသိမ့်ရမလဲ။
စကားလေးတစ်ခွန်းပြောပြီး လူကိုထားရစ်ခဲ့တာ လွယ်လိုက်တာ။ ဘာတဲ့။
" အချိန်တခုပေးတဲ့ "
ပေးခဲ့ပါတယ်။ အချိန်တွေပေးခဲ့တယ်။ လွတ် လပ်ပါစေတော့ဆိုပြီး ဘတ်ခ်ဟျွန်းမှာ နှစ်လ လောက် သူ့ကိုအေးအေးဆေးဆေးပေးနေခဲ့တာ၊ လွမ်းတိုင်း ဘတ်ခ်ဟျွန်းတစ်ယောက် တည်းအရူးကြီးလို စာတွေပို့နေခဲ့မိတာလေ။
သူများပြောမှသိရတယ်၊ နောက်တစ်ယောက်ရနေပြီတဲ့။
ဘတ်ခ်ဟျွန်းကပဲ သူနောက်တစ်ယောက်ရှာဖို့အချိန်ပေးလိုက်သလိုပဲ။
ဘတ်ခ်ဟျွန်းမှာတော့ လမ်းခွဲပြီးသည်ထိတိုင် မသက်ဆိုင်တော့တဲ့ လူတယောက်အပေါ်နား လည်ပေးဖို့ကြိုးစားနေမိတုန်းပဲ။
ပြန်လာလေမလားဆိုတဲ့စိတ်နဲ့ပေါ့။
ဒဏ်ရာတွေတောင် ကျက်သေးတာမဟုတ်ဘူး။
" ငါတို့ ဂိမ်းကစားရအောင် "
သူငယ်ချင်းလေးယောက် နှစ်သစ်ကိုကြိုဆိုဖို့ ဝိုင်းဖွဲ့ပြီးသောက်စားနေကြခြင်းဖြစ်သည်။
" True or Dare !! ဘယ်လိုလဲ "
" ချကွာ "
စားပွဲခုံ၏ အလယ်မှာ ပုလင်းခွံအလွတ်ကိုတင်ရင်း လှည့်လိုက်သည်။ ဦးစွာမဲပေါက် သွားတဲ့သူကတော့ တေးဂျွန်းပေါ့။
YOU ARE READING
After We Broke Up [ COMPLEDED ]
FanfictionIn the end I'll always come running back to you, not because I'm weak but because I'm fell in love with you. Pairing - CHANBAEK Start - 31.12.2021 End - 16.1.2022