( Unicode )
ဘတ်ခ်ဟျွန်းမှန်အပြင်ဖက်ကနေအထဲသို့မ ကြာခဏလှမ်းကြည့်နေမိသည်။အရေးပေါ် အခန်းထဲဆေးသွင်းနေရသော ဖခင်ဖြစ်သူ၏ နံဘေးမှာ မေမေရှိနေပေးသည်။
လူနာစောင့်တစ်ဦးတစ်ယောက်ထက်ပိုပြီးဝင်ခွင့်မရတာကြောင့် ဘတ်ခ်ဟျွန်းက အပြင်မှာစောင့်နေရသည်။
မနေ့ညက ပိုင်နဲ့ညစာစားပြီးအပြန်ဖေဖေရော ဂါဖောက်လို့ ညတွင်းချင်းဆေးရုံတက်ရမယ်ဆိုတဲ့စကားကြောင့် ဘတ်ခ်ဟျွန်းမှာအလော တကြီးဖြင့် ဘူချွန်းသွားမဲ့ကားကြုံရှာရင်းပြန်ခဲ့ရသည်။
ဖေဖေ့ရောဂါအခြေအနေစိုးရိမ်ရတယ်ဆိုတဲ့ ဇောကြောင့် မည်သူ့က်ိုမှဖုန်းဆက်အကူအညီ တောင်းဖို့ သတိမရလေတော့။ ကားကိစ္စအ တွက် ပိုင့်ကိုပြောလျှင်သေချာပေါက်ကူညီမှာဖြစ်သော်လည်း အားနာတဲ့စိတ်ကြောင့်ဘတ်ခ်ဟျွန်းမပြောပြဖြစ်ခဲ့။
" ညီ ... မင်းတခုခုစားတော့လေ၊ မနက်တည်းက ဘာမှမစားရသေးဘူးမလား "
အစ်ကိုကြီးက အိမ်ကနေချက်ပြုတ်လာသောထမင်းဘူးများဖြင့် ဘတ်ခ်ဟျွန်းနားသို့ရောက်လာ၏။ အဖေ့ကိုစိုးရိမ်ပူပန်ဇောနဲ့ဆာလို့ ဆာမှန်းတောင်မသိလေတော့။ စားချင်စိတ်မရှိသလို အတွေးထဲမှာလည်း ဖေဖေနေ ကောင်းပါစေတော့ဟုသာ တဖွဖွဆုတောင်းနေမိသည်။
" သွားစားလိုက်ပါ၊ ဒီမှာ ဟင်းတွေမကြိုက်မှာစိုးလို့ ငါမင်းအတွက်ကြက်ဥကြော်လာပေးတယ် "
" အစ်ကိုကြီးကရော မစားဘူးလား "
" ပြီးမှ စားမယ်၊ အခုမေမေနဲ့လူချိန်းမလို့၊သွား ... အပြင်မှာမေမေနဲ့အတူသွားစား "
ဘတ်ခ်ဟျွန်းလက်ခံလိုက်ရသည်။ ဖေဖေ့ကိုပြုစုဖို့ ဘတ်ခ်ဟျွန်းကျန်းမာနေမှဖြစ်မည်လေ။ ထို့ကြောင့် အစ်ကိုကြီးပေးတဲ့ထမင်း ဘူးလေးကိုယူပြီး အရေးပေါ်အဆောင်အပြင်ဖက်ကိုထွက်လိုက်သည်။
ပြည်သူပိုင်ဆေးရုံဖြစ်တာကြောင့် အပြင်ဖက်မှာ လူတွေများလွန်းလို့ထိုင်စရာနေရာတောင်မရှိ။ နေ့လယ်စာစားချိန်နဲ့နီးကပ်နေတာမို့ အားလုံးလိုလိုက အပြင်ဖက်ကအုတ်ခုံလေးတွေမှာ နေရာဦးထားပြီးသားဖြစ်နေသည်။
YOU ARE READING
After We Broke Up [ COMPLEDED ]
FanfictionIn the end I'll always come running back to you, not because I'm weak but because I'm fell in love with you. Pairing - CHANBAEK Start - 31.12.2021 End - 16.1.2022
![After We Broke Up [ COMPLEDED ]](https://img.wattpad.com/cover/296531791-64-k981574.jpg)