( Unicode )
" သူက ဘယ်သူလဲဟင် "
ချိန်းထားတဲ့ကော်ဖီဆိုင်လေးမှာ ပိုင်နှင့်အတူ မျက်နှာချင်းဆိုင်ထိုင်ရင်းကနေ ပိုင်က ခပ်လှမ်းလှမ်းမှာထိုင်နေတဲ့ ချန်းယောလ်ကိုမသိ မသာ လက်ညိုးထိုးပြရင်းမေး၏။
" ခုနကတည်းက တချိန်လုံးဒီဖက်ကိုပဲစိုက်ကြည့်နေတာ ... ဘတ်ခ်ဟျွန်းရဲ့အသိများလား "
ဘတ်ခ်ဟျွန်းသွားစိကာရယ်ပြရင်း ဘတ်ခ်ဟျွန်းတို့ဝိုင်းကို သည်းကြီးမည်းကြီးလှမ်းကြည့်နေတဲ့ ချန်းယောလ်ကိုမျက်လုံးပြူးပြမိသည်။
" သူ့ကိုအာရုံမစိုက်ပါနဲ့ .. ကျွန်တော်တို့အလုပ်ကိစ္စအကြောင်းပဲပြောကြတာပေါ့ "
ပိုင်က ဘတ်ခ်ဟျွန်းကိုတာဝန်ပေးထားတဲ့ Brand ရဲ့ Digital Marketing မှာတွဲဖက်လုပ်ကိုင်ပေးမည့်သူဖြစ်သည်။ စီနီယာလည်းဖြစ်တာမို့ သူဌေးက သူ့လူယုံတော်ပိုင်နှင့်အ တူ ဘတ်ခ်ဟျွန်းကိုအလုပ်တူတူတွဲလုပ်စေဖို့ စိတ်ဆန္ဒပြင်းပြနေတာရယ်၊ Brand အတွက် ဘတ်ခ်ဟျွန်းတစ်ယောက်တည်း Ideas မ ထုတ်နိုင်လောက်ဘူးထင်တာရယ်ကြောင့် သူဌေးပြောတဲ့အတိုင်း ဘတ်ခ်ဟျွန်းလိုက်နာမိသည်။
တဖက်ဝိုင်းကို မျက်ခြေမပြတ်အကဲခတ်နေရင်း ချန်းယောလ်လက်ထဲက ခရော့စွန်းမုန့်လေးကို အားဖြင့်ညစ်ဆုတ်နေမိသည်။
ရုံးမသွားကြဘဲ ကော်ဖီဆိုင်မှာ သီးသန့်ချိန်းတွေ့ပြီး ပျော်ပျော်ရွှင်ရွှင်နဲ့ စားသောက်နေကြဖို့လိုလို့လား။ ပြီးတော့ ကော်ဖီဆိုင်ကလည်း ပူဖောင်းတွေနဲ့အလှဆင်ထားပြီးချန်းယောလ်တွေ့ဖူးသမျှထဲမှာတော့ ကဗျာဆန်ပြီး ချစ်သူရည်းစားဒိတ်တဲ့ကော်ဖီဆိုင်လိုပဲ၊ တခမ်းတနားဆန်လွန်းသည်။
ထိုသို့သောနေရာမျိုးမှာမှ ရွေးခြယ်ထားတဲ့ ဝိုင်းကလည်း ချစ်သူရည်းစားအတွက်အထူးစီမံပြုလုပ်ပေးထားတဲ့ စပယ်ရှယ်လစ်ဝိုင်းမှာ မှ နှစ်ယောက်သား တသီးတသန့်ထဲရှိနေပြန် သည်။
" အေး .. မင်းပြဿနာရှာလို့ကတော့ ငါမင်းကို တကယ်အဆက်အသွယ်ဖြတ်မှာ " ဆိုတဲ့ ဘတ်ခ်ဟျွန်းရဲ့ တသွေးတသံတမိန့်ကြောင့် ချန်းယောလ်မှာ ကိုယ့်ရှေ့သားကောင်ရောက်နေသော်လည်း ဘုရင့်အမိန့်မပယ်ရှားနိုင်သူမို့သည်းခံရင်းသာ စောင့်ကြည့်နေရသည်။
YOU ARE READING
After We Broke Up [ COMPLEDED ]
FanfictionIn the end I'll always come running back to you, not because I'm weak but because I'm fell in love with you. Pairing - CHANBAEK Start - 31.12.2021 End - 16.1.2022