روايــة "قــدر الــمــنــحوســة2"📖...
بــقــلــم🖋📚"Fatima Z-F"📚..
تسمع صوت برا ديال لطوف ..خرجات عندها عفراء مدات ليها بانيو صغير فيه فوطة مع لما بارد والحامض...
لطوف: دوزي ليه هادشي على لحمو و جبهتو تنقص ليه سخانة ...
بدون ما تهضر رجعات عندو هازة لبانيو حطاتو فالارض ...هزات لفوطة عصراتها وطلعات عندو كتمسح ليه وجهو وعنقو وهو رجع كيترعد من حس بالبرودية ...
عفراء: صبر عافك ...
كتمسح وتعاود ترجع لفوطة تبردها بالماء وتعاود دوز عليه ودموعها مبغاوش يحبسو ..ديما كتشوفو قوي والإبتسامة على وجهو ولكن دابا من مرض وطاح ناعس بدون قوة ضرها قلبها بزااف ...
كتمسح دموعها بضهر يديها ويرجعو يهبطو مشوشين ليها الرؤية خايفة يوقع ليه شي حاجة وهو كيشوف فيها وفخوفها وترعد جسدها لي مبقاش قادرة تحكم فيه ...
هز يدو حطهم على حنكها كيمسح ليها دموعها ونطق بصوت ضعيف ...
جعفر: ششش غير سخانة مواقع والو ...
حاول ينوض باش متخلعش كثر ..شدات فيه كتبكي...
عفراء: لا متنوضش اتعاود طيح ...
جعفر كيحاول معاها : مكاين والو اعفراء مالكي مخلوعة ...
حركات راسها بجهد وكتحاول تحبس دموعها ...
عفراء: رجع نعس عافك...
دار ليها خاطرها ورجع تكا كيشوف فيها ...
بعد ما مسحات ليه خرجات لبانيو لي فيه لما لقاتهم مجموعين فالكوزينة دايرين شرع يديهم كيطيبو و مينة كتسيق دار وتجمعها ...
لطوف: هزي داك الكاس فيه شوي ديال لعشوب عطيه يشربو غادي يحس براحة ...
مبقاتش كتسول ولا كدير فهامتها كيف عادتها ولات لي كتقولو ليها مها كديرو ...
هزات لكاس داتو عندو يشربو وكلثوم دخلات هازة قرعة فيديها ...
-هانتي ها هو لما لي بغيتي ...
لطوف خدات القرعة عمرات كاس عطاتو ليها ..
-رشي هدا قدام لباب بانت لي شي حاجة بيضة تم الله يستر ..
YOU ARE READING
قــدر الــمــنــحــوسة ( الجزء التاني )
Romanceأنا لست امرأه كباقي النساء ... أنا لست شهرزاد الخائفة ولا بثينة العاشقة أو ليلى الهادئة ... أنا لست طفلة أبصرت للتو ولا مراهقة تحاول إثبات نفسها أنا لست مثل أمي ولا أشبه صفات أختي ولم أرث الطبع من جدتي أنا لست كباقي النساء ...بداخلي روح مختلفة. وقلب...
