<<<မောင့်ထက်မိုက်မယ့် မ>>>
👒(အပိုင်း ၂၁)👒ဘယ်ဘက်ရင်အုံက နာကျင်နေသည်ကို လက်နဲ့ဖိကာ အသက်ရှူနေပေမယ့် မဝသလို ခံစားနေရသည်။ တစ်ခုခုကို လွမ်းလွမ်းဆွတ်ဆတ် ရှိနေသည့်သူ့စကားတွေကို သူမ ငြိမ်သက်စွာနားထောင်နေမိသည်။
"အမုန်းကြီးမုန်းနေတဲ့မင်းဆီကနေ ငါ့ကိုထွက်သွားအောင် မင်းလုပ်ခဲ့တယ်။ မင်းနဲ့အချိန်တွေအကြာကြီးအတူတူနေဖို့ စိတ်ကူးထားပေမယ့် ဒါတွေအားလုံးက အိမ်မက်လိုပဲ"
"မင်းဟာ...သိပ်ကိုရက်စက်တဲ့မိန်းမ...အသဲနှလုံးမရှိတဲ့မိန်းမ။ မောက်မာပြီး မာနလည်းကြီးတဲ့မိန်းမ...."
"တောက်..."
ရင်ဖွင့်သံတွေကနေ ပေါက်ကွဲသံတွေဘက် ကူးပြောင်းလာလျှင် မေ မတ်တတ်ရပ်လိုက်၏။ ချက်ချင်းအိမ်ထဲက ပြန်ထွက်သွားဖို့ပြင်လိုက်လျှင်...
"အဟက်...ကြည့်ရတာ အမှန်တရားတွေကို နားမထောင်ရဲတော့ဘူးထင်တယ်။"
"နားမထောင်ရဲတာမဟုတ်ဘူး။ နားမထောင်ချင်တော့တာ။ ကျွန်မရှင့်ကိုမုန်းနေသလို ရှင်လည်းကျွန်မကို နာကြည်းနေမှာပဲ။ အဲ့တော့ အတူတူပဲ။ ရှင်ဆက်ပြီး မနှောက်ယှက်နဲ့။ "
"မင်းငါ့ကို တစ်လလောက်ပဲ ပျောက်နေတယ်လို့ပြောခဲ့တာမှတ်မိလား။"
"မှတ်မိတော့ဘာဖြစ်လဲ"
"တကယ်တော့ မင်းမျက်စိရှေ့ကနေ တစ်လလောက်ပျောက်သွားတာမဟုတ်ဘူး။ ငါးနှစ် ...ငါးနှစ် ပျောက်သွားတာ"
"ဘာ...."
"မင်းရဲ့ရက်စက်မှုတွေကြောင့် ငါမင်းအရှေ့ကနေပျောက်ကွယ်သွားခဲ့တာ။ဒါပေမဲ့..ဒါပေမဲ့...မင်းကတော့ ငါ့ကိုပေးတဲ့ကတိကို မတည်ဘူး။ သိပ်ကိုရက်စက်တယ်...."
ဘာကတိလဲ။ ဘာတွေလည်း။ မေဘာကြောင့်တစ်ခုမှမသိဘဲ ဖြစ်နေရတာလဲ။
"ကျွန်မရှင့်ကို ဘာကတိပေးခဲ့လို့လဲ။ ရှင့်လိုအောက်တန်းစားကောင်ကို ကျွန်မက တရေးတယူ ကတိကဝတ်ပြုစရာရှိလို့လား။ လိမ်တာလည်းကြည့်လိမ်...."
"ဟွန့်...မင်းက အခုထိငါ့ကို လိမ်နေတုန်းလို့ထင်နေတာလား။ "
![](https://img.wattpad.com/cover/295501685-288-k84638.jpg)
YOU ARE READING
မောင့်ထက်မိုက်မယ့် မ
Romanceပြိုင်ကားတွေကို စိတ်ဝင်စားပြီး ဂျစ်တီးဂျစ်ကန်ကန်နဲ့ ဒိတ်ဒိတ်ကြဲမိသားစုရဲ့ အငယ်ဆုံးသားလေး ဂျစ်ဂျစ်ဆိုတဲ့ကောင်လေးနဲ့ ကျောက်မြတ်ရတနာလောကမှာ သွက်လက်ချက်ချာတဲ့ စိန်စီဝင့်ကြွယ်ဆိုတဲ့ အမျိုးသမီးတို့ ကားရှိုးရွှန်းတစ်ခုမှာ ဆုံကြရင်း ကတောက်ကဆလေးတွေ ဖြစ်ရင်းက...