ငါ့တပည့်လေးက ငါ့ကို ကြိတ်ချစ်နေတယ်
အပိုင်း (၁၁) ဆရာတပည့်
ကျိုးသွမ့်ယွီက စွမ်အင်ကိုသုံးရင်း လျှပ်တပြတ် လှုပ်ရှားလိုက်ရာ ရှန့်ရှောင်းကျောင်းတော် မြေတိုက်ရှေ့သို့ ရောက်သွားသည်။ သူ့ကို မြင်သည်နှင့် မြေတိုက်၏ အစောင့်အရှောက်သည် ရုတ်တရက် ထိတ်လန့်သွားသော်လည်း ကပျာကယာပင် ဦးညွှတ်လိုက်သည်။
" ကြီးမြတ်သော အကြီးအကဲ သွမ့်ယွီ အမိန့်ရှိပါ ဒီအစောင့်အရှောက်ကို ဘာများ ညွှန်ကြားချင်ပါသလဲ "
" ဖန်ရှင်းရဲ့ အခန်းကို မင်းသိလား "
" ဖန်ရှင်း...ဖန်ရှင်းဆိုတာက ဟိုတစ်ခါ ကြီးမြတ်သော သွမ့်ယွီ ကောင်းကင် ပေတံနဲ့အပြစ်ပေခဲ့တဲ့ တစ်ယောက်လား "
" အင်း ဟုတ်တယ် သူပဲ မင်းသူ့ကို ဘယ်အခန်းမှာ ပိတ်လှောင်ထားလဲဆိုတာ သိလား "
" ကြီးမြတ်သော သွမ့်ယွီ ဒီအစောင့်အရှောက် နောက်က လိုက်ခဲ့ပါ "
မြေတိုက် အစောင့်အရှောက်၏ ခေါ်ဆောင်ရာနောက်သို့ သူလိုက်သွားသည်။ ထို့နောက်တွင် အောက်ထပ်သုံးဆင့်မြောက်သို့ အရောက်တွင် အစောင့်အရှောက်က ရပ်လိုက်သည်။ ရှန့်ရှောင်းကျောင်းတော်တွင် သာမန်အားဖြင့် မြေတိုက်များ ရှိသော်လည်း ယင်းမြေတိုက်များကို အဆင့်များ ခွဲခြား၍ ထားသည်။ မြေတိုက်အဆင့် ခြောက်ဆင့်ရှိပြီး ယခု ဖန်ရှင်းက မြေတိုက် အဆင့် သုံး၌ ရှိနေသည်။ မြေတိုက်အဆင့်သုံးတွင် ဖိအားက အမြုတေ အဆင့်များကိုပင် ဒုက္ခရောက်စေသည်။ ထိုအဆင့်၌ သူ့တပည့်က အသက်ရှင်နိုင်ပါရဲ့လား။ ဒေါသအလျောက် အပြစ်ပေးထားခဲ့သော်လည်း ယခုမှသူက နောင်တရ သလိုလိုပင် ဖြစ်သွားသည်။
" တံခါးဖွင့်လိုက်ပါ သူအထဲမှာ အဆင်ပြေပြေ ရှိမရှိ ငါကြည့်မယ် "
သူက အစောင့်အရှောက်ကို ပြောလိုက်သည်နှင့် မြေတိုက် အစောင့်အရှောက်က ခေါင်းညိတ်လိုက်ပြီး လျှို့ဝှက်အပေါက်တစ်ခုကို ချီစွမ်းအင်ပို့လွှတ်လိုက်သည်။ ချလောက်ဟူသော အသံနှင့်အတူ မြေတိုက်တံခါးက ပွင့်သွားသည်။ ထိုအခါ အခန်းထဲမှ အနံ့ဆိုးများက အပြင်သို့ ထွက်လာသည်။ ကျိုးသွမ့်ယွီက သူ့လက်ကို တစ်ချက် ဝှေ့ယမ်းလိုက်ပြီး အခန်းတွင်းမှ အခြေအနေကို စစ်ဆေးလိုက်သည်။
ESTÁS LEYENDO
ငါ့တပည့်လေးက ငါ့ကို ကြိတ်ချစ်နေတယ် (Complete-BL)
Fantasíaရှန်းရှ Novel ဆရာတပည့် ဇာတ်လမ်းလေးပါ။ ခပ်မြူးမြူးလေးနဲ့ သွက်သွက်လေး ဖတ်ရမယ့် အမျိုးအစားလေးပေါ့။ အများကြီး မညွှန်းတော့ဘူး အတူတူ ဖတ်ကြည့် ကြမယ်နော်။ ကိုကိုး 24.Dec.2021 ရွန္းရွ Novel ဆရာတပည့္ ဇာတ္လမ္းေလးပါ။ ခပ္ျမဴးျမဴးေလးနဲ႕ သြက္သြက္ေလး ဖတ္ရမယ့္ အမ်...
