Unicode
ကျောင်းဖွင့်ရက်များအတွင်းမနက်ရှစ်နာရီဆယ့်ငါးအတိ၌
ချွန်းမိုလမ်းလေးသို့
ငွေရောင်စက်ဘီးလေးတစ်စီးကဘဲလ်တီးသံနဲ့အတူဆိုက်ရောက်လာမြဲလမ်းထဲကလူတွေဟာပထမတစ်ရက်နှစ်ရက်တော့
အဝါရောင်ကျူးလစ်တစ်ပွင့်လက်ထဲကိုင်လျက်
နှုတ်ခမ်းတွေပြုံးနေတဲ့အထက်တန်းကျောင်းသား
လေးတစ်ယောက်စက်ဘီးစီးလာတာကို
အထူးတဆန်းလုပ်ကြည့်ကြပေမဲ့
ကြာလာတော့မြင်နေကျသွားတာမို့
အရေးတယူမရှိကြတော့
သူတို့သည်သိနေနှင့်ကြပြီး၍ဖြစ်သည်။ထိုကောင်လေးသည်ပထမချွန်းမိုလမ်းထိပ်ဒါမှမဟုတ်လမ်းရဲ့အလယ်တွင်စက်ဘီးကိုရပ်တန့်လိမ့်မည်။
အတိအကျဆိုရရင်
ခြေဖျားထိပ်လေးနဲ့ခဲလုံးတွေဆော့ကစားကာအနှီစက်ဘီးငယ်အားစောင့်ဆိုင်းနေသည့်
ကောင်လေးတစ်ယောက်ရှေ့တည့်တည့်တွင်ဖြစ်၏ထို့နောက်
ကျောပိုးအိတ်တစ်ဖက်သာလွယ်ထားတဲ့ကောင်လေးအား
အဝါရောင်ကျူးလစ်တစ်ပွင့်နှင့်အတူ
ချိုမြမြအပြုံးတစ်ခုရောနှောလျက်
ဆက်သပေလိမ့်မည်
အဲ့နောက်တော့စကားတစ်ခွန်းနှစ်ခွန်းပြောပြီးရယ်ရယ်မောမောနဲ့နှစ်ယောက်အတူ
ချွန်းမိုလမ်းလေးမှထွက်ခွာသွားလိမ့်မည်။
ညနေလေးနာရီခွဲလောက်ဆိုရင်ကျောင်းအပြန်လိုက်ပို့ပြန်တဲ့ငွေရောင်စက်ဘီးလေးကိုတစ်ဖန်မြင်တွေ့နိုင်ပါလိမ့်မည်။
ဤကားပုံမှန်သာဖြစ်၏
နွေရာသီအလယ်ပိုင်းကာလဖြစ်သည့်အလျောက်အပူချိန်ကတိုး၍တိုး၍လာ၏
မနက်မိုးလင်းလုပ်စရာရှိတာလုပ်ပြီးလို့
Baekhyun ကိုဝင်ခေါ်ကာကျောင်းရောက်တာနဲ့
စာတောင်မသင်ရသေးခင်Chanyeolမှာအားအင်ကုန်ခမ်းကာ
ကျောပြင်တစ်လျှောက်ချွေးရွှဲနေပြီဖြစ်သည်။
သို့သော်
Baekhyun ဆီမရောက်ခင်လမ်းကျဥ်းလေးထဲကပန်းဆိုင်ငယ်ကိုဝင်ဖို့တော့Chanyeolကမငြီးငွေ့တတ်ခဲ့
စာသင်ခန်းအလယ်တွင်ပန်ကာနှစ်လုံးပြိုင်ဖွင့်ထားသော်လည်းChanyeolမှာအမောမပြောနိုင်သေး
YOU ARE READING
Yellow Tulips You Gave Me
Romanceအဝါရောင်ကျူးလစ်တွေမှာနောက်ထပ်အဓိပ္ပါယ်တစ်မျိုးရှိသေးတာသိရဲ့လားChanyeol.... ဘယ်တော့မှတုံ့ပြန်လာမှာမဟုတ်တဲ့အချစ်တဲ့လေ