قصة جديدة بقلم "NOLA"
-اتمنى تعجبكم حبايبي النشر راح يكون حسب مجالي لان اني طالبة جامعية واكيد عندي اشغال ودراسة فأريدكم تتحملوني شوية .....
كعدت الصبح مكيفه وفرحانه راح نروح سفرة 5 أيام لاربيل ....كعدت اختي الاصغر مني ولكيت ماما بالمطبخ كاعدة تحضر الريوك اتصل اخوية ...
-هاا لارا خلصتوا شغلكم ليوم ب 10 بليل لازم نطلع لبغداد ب 12 الباص يتحرك
-كولشي جاهز حبيبي وعلى حسب الاصول ...
-متحمسات هواية ع السفر هههههههه...
خلصنا تعزيل ونمنا لان الليل سفر لازم نشبع نوم ....كعدنا المغرب صلينا واكلنا وبدينا نحضر ملابسنا ونلملم خلصت ب 9 ونص وركض اباوع لاختي ولامي جاهزات ودعنا ابوي وطلع يتعلل ..بقيت بس اني لبست جينز وقميص كله اسود غيرت بس الشال لون وردي حلو لفيته عدل وخليت لاينر واكيد ماانسى الهايلات على خشمي حتى تبرز الارنبة ...خليت روج بناتي وطلعنا اجا اخوية وهو فرحان واخيرا اول سفرة النا للشمال رحنا الطريق كولة اني واختي نلعب بالفون وامي تسبح بالسبحة لي جابتها وياها واخوي يحجي ويا السايق صديقه....وصلنا المنصور الساعه 11 ونص اخذنا صور عائلية وصور اليا ولاختي لانا وللشارع ....نزلنا يم الشركة دخلنا للحمامات رتبنا نفسنا وصعدنا للباص شفت العوائل مشاءالله هواية ،مزوجين جدد ،وعائلة ام وبناتها ،ولي بس هو وزوجتة متنوعين كعدنا اني واختي ....عندت اختي كالعادة وكعدت يم الشباك حتى تصور اخويا وامي كعدوا ورانا مباشرةً وبالجهه اليمين الكراسي المقابيلنا كعدوا ولد اثنين واحد مثل الممثلين الاتراك كعد من يم الشباك والخ جبير حسيته عشريني قرب لل 30 مرتب جسم وطول وعيون ملونة نوعا ما صفنت عليه و بالكرسي لي وراهم كعدت حجيه جبيرة بالعمر مبينه امهم وبصفها ولد شاب يشبههم يطلع بعمري تقريبا صفنت اني ليش هالكد مركزة يمكن لان اول مرة ويمكن لان كعدوا يمنا بدة المندوب يذيع بالاسماء وصل يم اسمي رفعت ايدي وكمل البقيه من كال اسمي حسيته التفت علية مشى الباص وطلعنا من بغداد الحبيبة جانو مشغلين اغاني ولازم نصفك بعدها من طلعنا من بغداد غيروا ع الهادىء تنفست براحة وكلت لاختي واخييرااا هسه اكدر اباوع فيلم براحتي ....لبست الهيتفون وشغلت فيلم اكشن حربي وخليته ع الستيج البلاستيكي الكدامي مااحس اله اني نايمه والباص اظلم وهدوووء الكل نايمين بالباص اباوع الساعه تعدت ال 3 ونص بليل ...
عطشانة اهلي نايمين والعائلة لي بصفنا هم نايمين كمت وكفت ونزلت بالمرر لي يفصل بس الكراسي اليمين واليسار تذكرت انو اذا صارت لوفة او طسه تخيلت اكع عليهم وع السريع نزلت الجنطه من الخانه الفوك وطلعت بطل المي سديت السحاب ورجعتها لمكانها واني خايفه اريد بس ارجع للكرسي بمكاني بعدني هستوني لزمت الكرسي والباص افتر وكعت ع هذا الرجال لي بصفي بس مو بحضنه لان لزمت. الكرسي بعدلي شعراية واكع اباوعله نايم والباص هم محد تحرك واني خايفه رجعت التفتت عليه والكا فاتح عيونه ظلمه وهن ملونات انخرعت وردت اكع دفعني بطرف ايدة من ظهري بعدني محجيت رجع نام كلت ايي يربي بلكي ما صاحي ميدري بروحة لان محجى شي ورجع نام ....استشهدت بقيت كملت الفلم وهم غفيت صحيت ع المندوب وهو يحجي بالمايك استراحة ريوك ونغسل ونصلي الفجر ....باوعت لامي كالت اني مااريد بس جاي نزلنا واخوية يريدنا نتريك كلتله مااريد يمعود لعبانه نفسي نزلنا رحنا للحمامات توضينا وصلينا وطلعنا بالحديقه ع المصطبة اباوع الولد الشاب هو والحجية واكفين صاحتهم ماما وكمت اني وكعدت هي مرة جبيرة نكوللها بيبي اني واختي وامي تكوللها حجية الولد اندمج ويا اختي جانت تلعب لعبه وسابقته بالمراحل تبادلوا بالاجهزة ناس تلعب لناس واني اغمز الها الثولة اخذت راحتها هم زين الولد طلع اصغر منها بس هو ضخم واني اكرص بيها وهي تعيط شبيج تكرصيني شكد ام لسان وفضيحة اجوا هم واخوية شايل صينيه لاختي جايب كولا وهو وامي جاي واني حليب بالفراولة المفضل عندي كعدوا هم يمنا ع المصطبه لان العائلة راحوا ويا جيتهم اندمج اخوية ويا الولد وبدوا يتعرفون واني مستحيه انتبهت عليه عادي كلت لعد مو صاحي جان هسه انطى رد فعل غريب طلعوا من بغداد وعمرة 40 ملابس حلقه وامه تحجي لامي عليه مدير قسم بشركة ومقاول طلع مزوج وحدة وعندة اطفال اثنين منها اعمارهم قريبه ع عمري ..بس ابد ما يطيقها خفت من امه حجت هيج عليه مبين عصبي من شكلة وعيونة واخو الثاني هم مزوج وعنده اطفال بس اهدء منه عادي يضحك ويشاقي .....رجعنا للباص خلصت الحليب وذبيته بالحاوية ....صعدنا بالباص واخوية تاخر طلع جايبلي اندومي يمةةةة فرفح كلبي من شفته اني كاعدة وهو واكف انطاني ياها وحضنته .....وهو يضحك عليه رحت الطريق كولة اسمع اغاني واكل خلصتها ونمت حسيت ع اختي وهي تكعدني كومي تمبل مال نوم وصلنا السيطرة مال اربيل يردوننا نزل دا يذيع الضابط اسمائنا ونصعد يتأكدون من هوياتنا ...ذاع اسمه وورا اسمي اشرله بمعنى هاي وياي تخصني اني ضجت منه شنو ويا ماكو لو وحدة من عائلتة. لو زوجته ....صعد هو بالباص واخويا اشرلي صعدي ...صعدت كعدت من الشباك هل مرا .....محجيت شي ابدا وصلنا الفندق بعد ساعه تقريبا من دخلنا صورت كم صورة جانن حلوات لان الجامه صافية والجو حلوو هناك ....قبل لننزل صورنا اني واختي وهم صورتني من نزلنا للفندق وصلنا تقريبا ب 12 ونص الظهر اجه المندوب وكال ارتاحو ب 5 العصر نطلع للمولات ولحديقه الالعاب .....صعدنا اني واختي وماما اخوية ظل يم الجنط ع المرة الثانيه يصعد ...الفندق واووو 4 نجوم فخمم كولش وراقي
