كملت وطلعت دا انشف بشعري واجا. ......
-هاي شنو شجايب
- هاي حلويات وككو دارك زين يفيدج ويحسن مزاجج وهاي جلاتين ....
باوعتلة بعيني الدمعة بنفسي احضنه جنت عايشة لحمدلله بس جنت محرومة من هذا الدلال.......
-شكرا
-صدك!؟؟ ...شكرا !!! لج بابا اني زوجج واجب علية شرعا وقانونا حتى لو ماجان بيناتنه شي ....
مرت الأيام هيج رجع هو لدوامه بعد يومين واني هم رجعت يخابرني 5 مرات بليوم وبليل نبقى لحد ماانام ....احجيلة يومي بالجامعه بالتفصيل ...ومن اطلع هم اتصل علية ...ومرات يحجيلي مواقف وياهم صايرة ....داوم اسبوعين اطلع صورة ع الانستا لو الواتس وابقى اتأملهن استحي اكولة دزلي صورة .... الظهر كملت شغلي تعبانه وتعاركت ويا لدكتور بالامتحان عبالة اغش وغير مكاني قررت باجر اضربها لأن احتفال ومالي واهس أريد انام وانظف وارتاح وياها عطلتي يومين وتصادف عطلة الجامعه يوم يعني 4 ايام عطلة ... خابرني كلي راح اجي اذا عندج مجال سويلي عشا ....
حضرتلة الحمام ونزلت اسويلة عشا كبسة دجاج ومعكرونة بالبشاميل ومقبلات يحبهن وحمص بطحينه عندي جاهز ....كملت الأكل صعدت سبحت ع السريع خليت ميك اب خفيف بس الروج جان غامق حيل وتعطرت ...ونزلت واني دا انزل باوعت لنفسي بالمراية الموجودة بعدني كلت ارجع امسح الميك اب ودخل هو من باب المطبخ رحتلة ركض ذب الجنطة وفتحلي ايدية ماحبيت افشلة ...هو ممقصر وياي بشي رحت حضنته بقى حاضنني قوي ويشم بريحتي .....
- افييييشششش بويايي ريحة فراولة لو اني متوهم ....
-بلي الغسول مال فراولة ....
اخذ الجنطة فرغها والملابس بالغسالة فدوا خليهن
-مو تدللين ....شنو هاي الريحة شمسوية .!
- كبسة دجاج روح اسبح وتعال تلكى الأكل جاهز....
حضرت الطاولة ودا اسوي عصير مااحس لأن لزك علية بجسمه من ورا فزيت ....
- اسم الله شبيج ..
- شنو تريد!؟
- الكلاص اريد اشرب مي ....
- مو هياته كلاص كدامك مااخذتة
-عجبني هذا ...عندج مانع
بقيت اباوعلة أعرف بي متعمد كعدنا ناكل وكل شوية يبسمر بسوالفة ادري علية ....
-اويلي يالكرز شكد طيب اوففف بحلكي تصير اطيب ....
خلصنا وصعد هو للغرفة واني بقيت نظفت المطبخ يلا صعدت لكيته نايم ....بقيت اباوع لشكلة ولجسمه .....
اجا اشعار ع الموبايل
- حبيبي مرلي بغير يوم حيل تونست وياك أنوار !!!!
بقيت صافنه وكلبي يدك سريع أنوار منو هاي !!! رايحلها من الدوام شنو تونست شمسوين رجعت الفون بمكانه وكمت نمت جوة بالصالة ع القنفه. ......
