- ايلين
- هاا
- تطلعين هيج!!
- اي ،ليش بيها شي ترا كولش عريض
اخذ سويج السيارة ونزل جوا ،باوعت يربي راح اتخبل كولشي مبي لبسي هو سكراب شنو البس قابل باوعت أحس الروج معاجبني غيرتة ع السريع ونزلت ادور بالمحفظة مالتي ع الهوية دا اعلكها صعدت للسيارة رفعت راسي باوعتلة ! تغيرت ملامح وجهه
- حمرتج طوخ امسحيها
- بس كولشي مبيها
- لا تعلقين ونزلي غيريها واصعدي بدون كلام
- مااا ماااغيرها
- انزلي .... جاي اكلج انزليي !
اخذت كلينس ومسحتها رحت مطنكرة ويا واباوع ع الشارع ولا انتبهت اله وصلنا المستشفى نزلت اشرتلة باي ولا عبرني صوجييي صوججي انيي خرا بحضيي
طبيت الغرفة التبديل خليت اشيائي باللوكر مالتي واباوع البنات يتبسبسن راحن يجيبن كهوة اني بقيت لحد مارتبت نفسي وطبيت للحمام لي بغرفة التبديل مالتنا هستوني دا اطلع واسمعهن يحجن علية ......
- شفتي زوجها أخوية يعرفة يكول ملاكم وماخذ بطولات اثنين على مستوى العراق و٣ بطولات محلية ...
- شفتي حض وبخت لعد شبينا احنا محد يگلبنا
- لج سمعيي ماكملتلج أخوية يكول عصبي ولا يضحك أبد وماينطي مجال لأي أحد يكره لكل وحتى المدرب مالته يحجي ويا برسمية يخاف منه ....يعني تخيلي اذا تغلط بكلمه ويا يجوز يموتها بمكانها
-مو علساس عن حب ماخذين؟؟
- لا لا مو عن حب يمكنه مدبر اشك بي اني وهسه تشوفيها بالدوام هاي اذا اجة اخذها واعترف بيها ... شبيج الزواج كله تلزيك بتلزيك واثبتلج ويا الوكت ...
- والله مدري بعد امشي عيني امشي ورانا شغل ....
طلعن واني مصدومة من الحجي شنو هالعلوم لي عدهن اووي شكد فتانات بس انتبهت عليهن راح يراقبنني ويراقبن تحركاتي وراح ابقى ترند بالمستشفى أوف ..... راسلت صديقتي سارة وغيرت رقمها خليته حبيبي ويمه قلب راسلتها ع التلي بوقتها وشرحت الها السالفة كالتلي معليج اني كل شوية اتصل عليج ماعندي شي ليوم اتفقتا وطلعت رحت لشغلي وبقينا نفتر ورا الدكتور ....
خلصنا وكاعدين بالغرفة جعت وطلبت آكل واجنني هن كولهن كعدن جان موبايلي بصفي تعمدت اخلي هيج اتصلت علية سارة ضحكت والله سوتها كولتلها ......
- هلاو حبيبي ......الحمدلله اني زينه ......ياعمري والله زينه اني ......فدوا .... اي اي طلبت ودا آكل .....تمام من اخلص .... أوك ....بيباي عمري مححه
نهيت الاتصال واباوع الهن يتنادسن سئلتني مرام ....
- اكولج ايلين زوجج وينه أريد اشوفة ....
- من كالتلي هيج وجهي كام ينطي الوان وردت اموت اله شوية تذكرت ماعندي صورة اله ....وراها جتني هيج لحظة ادراك تمنيتها بشر وابوسها هلكد مانقذتني هاي اللحظة من مصيبة شيخلصني من لسانهن تذكر التلي رقمه عندي حفظت صورتين اله وشوفته لمرام
